Levitico 21:5 - Ti Baro a Naimbag a Damag Biblia

⁵ “Maiparit a pultakan ti padi ti ulona wenno putdan ti barbasna, wenno sugaten ti bagina a mangipakita iti panagladingitna iti natay.

Ti Biblia (1973)

⁵ Didanto pagcalbuen ti oloda wenno kiskisan ti agsumbangir ti timidda, wenno aramiden ti uray ania a sugat iti lasagda.

Levitico 21:5 Iomraidhean Croise

Isaias 15:2

Sumang-at dagiti tattao ti Dibon iti turod tapno mapanda agsangit iti lugar a pagdaydayawan. Dung-awan dagiti taga-Moab dagiti siudad ti Nebo ken Medeba. Kinuskosanda dagiti uloda ket inikkatda dagiti barbasda gapu iti ladingitda.

Isaias 22:12

Ay-ayabannakay idi ti Apo Dios a Mannakabalin-amin tapno agsangit ken agdung-awkayo, kuskosanyo dagiti uloyo ken agarruatkayo iti nakersang a lupot.

Jeremias 16:6

Matayto dagiti nabaknang ken dagiti napanglaw iti daytoy a daga, ngem awanto ti mangitanem wenno mangdung-aw kadakuada. Awanto ti mangsugat iti bagina wenno mangpukis iti buokna a mangipakita iti ladingitna.

Jeremias 48:37

Nagpakuskos ti tunggal maysa ket nagibarbasda. Sinugsugatda dagiti imada. Nagarruatda iti nakersang a lupot a mangipakita iti panagbabawida.

Ezekiel 44:20

“Saan nga agpakalbo dagiti papadi ngem dida met unay paatiddogen ti buokda. Kalalaingan laeng ti pukisda.

Ezekiel 5:1

Kinuna ti Apo, “Anak ti tao, mangalaka iti natadem a kampilan, ket aramatem a pangkuskos iti barbas ken buokmo. Timbangem dagiti buok samo pagkatloen.

Levitico 10:6

Kinuna ni Moises ken ni Aaron ken kadagiti annakna nga Eleazar ken Itamar, “Diyo kusokusoen dagiti buokyo wenno ray-aben dagiti pagan-anayyo a mangipakita iti panagladingityo. No aramidenyo dayta, mataykayo ket kapungtot ti Apo ti entero a gimong. Ngem mapalubosan amin a padayo nga Israelita a mangdung-aw iti pannakapapatayda iti apuy nga inyeg ti Apo.

Levitico 21:4

Saanna a tulawan ti bagina iti ipapatay ti siasinoman a kabagianna iti matrimonio.

Amos 8:10

Pagbalinekto a pagdudung-awan dagiti pagrarambakanyo. Pagbalinekto met a sangsangit dagiti naragsak a kankantayo. Pagkawesenkayto iti nakersang a lupot ket kuskosanyonto dagiti uloyo. Mayarigkayto kadagiti nagannak a mangdungdung-aw iti kakaisuna nga anakda. Nasaemto dayta nga aldaw agingga iti kamaudianan.

Mikias 1:16

Tattao ti Juda, pakuskosanyo dagiti uloyo a mangipakita iti ladingityo. Dung-awanyo dagiti patpatgenyo nga annak. Wen, kuskosanyo dagiti uloyo a kas iti ulo ti tumatayab a buitre, ta maipanaw dagiti annakyo a kas balud iti sabali a daga.

Deuteronomio 14:1

Intuloy ni Moises, “Dakayo ti annak ti Apo a Diosyo. Diyo sugatsugaten ti bagiyo wenno kiskisan ti mugingyo a kas pagilasinan iti panagminatayyo.