Levitico 21:11 - Ti Baro a Naimbag a Damag Biblia

^11-12 Naidaton nga agserbi kaniak ket masapul a pagtalinaedenna ti bagina a nadalus ken dina tulawan ti nasagradoan a Tolda babaen iti panangpanawna ket sumrek iti balay nga ayan ti bangkay, uray no bangkay ti ama wenno inana.

Ti Biblia (1973)

¹¹ Wenno dinto met sumbrec iti uray adino a yan ti bagi a natay, wenno dinanto mulitan ti bagina a maipuon ken amana, wenno ken inana;

Levitico 21:11 Iomraidhean Croise

Levitico 19:28

Diyo markaan wenno sugaten ti bagiyo a mangipakita iti panangdung-awyo iti natay. Siak ni Yahweh.

Numero 19:11

Maibilang a narugit iti pito nga aldaw ti siasinoman a mangsagid iti maysa a bangkay.

Numero 19:14

No adda matay iti uneg ti maysa a tolda, maibilang a narugit iti las-ud ti pito nga aldaw ti siasinoman nga adda iti uneg wenno sumrek sadiay iti tiempo nga ipapatayna.

San Lucas 14:26

“Saan a makapagbalin nga adalak ti siasinoman nga umay kaniak malaksid no dakdakkel ti panagayatna kaniak ngem ti panagayatna kadagiti nagannak kenkuana, ti asawana ken dagiti annakna, dagiti kakabsatna ken uray ti bagina met laeng.

2 Taga-Corinto 5:16

Ngarud, dimi bigbigenen ti siasinoman babaen iti pagrukodan ti tao. Uray no binigbigmi idi ni Cristo babaen iti daytoy a pagrukodan, dimi aramiden itan.

Deuteronomio 33:9

Impakitada ti ad-adda a panagtulnogda kenka, ngem kadagiti nagannak, kakabsat wenno annakda. Tinungpalda dagiti bilbilinmo, ket sinalimetmetanda ti katulaganyo.