Levitico 20:6 - Ti Baro a Naimbag a Damag Biblia

⁶ “Ti siasinoman a mapan kadagiti agan-anito wenno espiritista, diakton ibilang a maysa kadagiti tattaok.

Ti Biblia (1973)

⁶ Ket ti tao a sumurot cadagiti mangcuculam, ken cadagiti agsalsalamangca nga agbalangcantis cadacuada, pudno nga iparangconto ti rupac a bumusor iti dayta a tao, ket ipusayconto cadagiti cailianna.

Levitico 20:6 Iomraidhean Croise

Dagiti Salmo 73:27

Awan duadua a matayto dagiti mangtallikud kenka, ket dagiti saan a napudno kenka, pukawemto ida.

Exodo 22:17

Ngem no madi ti ama ti babai nga ipaasawa ti anakna, masapul nga ited ti lalaki ti naituding a gatad ti sab-ong; yawatna daytoy iti ama ti babai.

Exodo 22:18

“Papatayenyo ti babai a manggagamud.

Isaias 8:19

Ibaganto dagiti tattao a makiumankayo kadagiti mammadles ken mammuyon nga agar-arasaas ken agtantanamitim. Addanto agkuna, “Makiumankayo kadagiti mammadles ken mammuyon nga agar-arasaas ken agtantanamitim.” Ngem saan kadi a ti Dios ti pakiumanan dagiti tattao? Rumbeng kadi a makiumanda kadagiti natay nga agpaay kadagiti sibibiag?

Jeremias 44:11

“Iti kasta, siak, ni Yahweh a Mannakabalin-amin a Dios ti Israel didigraenkayto ket ikisapkonto ti entero a Juda.

Ezekiel 6:9

Sadiay, agbiagdanto a kas napagtalaw a balud. Malagipdakto ket maammoandanto a dinusak ken imbabainko ida, agsipud ta tinallikudandak ket ad-adda a kinayatda dagiti imahen ngem siak. Kaguradanto dagiti bagbagida gapu kadagiti dakes ken nakababain nga inaramidda.

Oseas 4:12

Makiumanda iti imahen ta kayatda nga adda maipaltiing kadakuada. Maibaga aya ti sangaputol a kayo ti tarigagayanda a maammoan? Tinallikudandak. Kas iti babai nga agbalin a balangkantis, intedda ti bagida kadagiti sabali a dios.

Levitico 17:10

Kabusor ti Apo ti siasinoman nga Israelita wenno ganggannaet nga agnaed iti Israel nga agsida iti dara; ilaksidna iti gimong dagiti tattaona.

Levitico 19:26

“Dikay agsida iti karne nga adda pay laeng darana. Diyo aramiden ti uray ania a kita ti panaganito.

Levitico 19:31

“Dikay mapan makiuman kadagiti agan-anito wenno espiritista tapno saankayo a maibilang a narugit. Siak ni Yahweh a Diosyo.

Levitico 20:27

“Siasinoman nga agan-anito wenno makiuman kadagiti espiritu dagiti natay, babai man wenno lalaki, batoenyo agingga a matay, isu met laeng ti akimbasol iti bukodda nga ipapatay.”

Levitico 20:5

siak a mismo ti mangbusor kenkuana ken iti entero a familiana ken amin a kumanunong kenkuana a nangtallikud kaniak ken nagrukbab ken ni didiosen a Moloc. Diakon ibilang ida a tattaok.

Numero 15:39

Agpaay a palagip dagitoy a baruyboy; tunggal makitayo ida, malagipyo ti amin a bilinko ket tungpalenyo ida. Iti kasta, didakto tallikudan tapno surotenyo dagiti pagayatan ken tarigagayyo.

Dagiti Aramid 16:16

Iti maysa nga aldaw, bayat ti ipapanmi iti disso a pagkararagan, sinabatnakami ti maysa a tagabu a balasang. Linuganan ti dakes nga espiritu a mangted kenkuana iti pannakabalin a mangibaga iti mapasamak iti masakbayan. Adu a kuarta ti matgedan dagiti appona babaen iti panagpadlesna.