Levitico 20:3 - Ti Baro a Naimbag a Damag Biblia

³ Busorek ti mangted iti anakna ken ni didiosen a Moloc ket laksidek kadagiti tattaok; gapu iti inaramidna, tinulawanna ti nasagradoan a toldak ken imbabainna ti nasantoan a naganko.

Ti Biblia (1973)

³ Iparangconto met ti rupac a sibubusor iti dayta a tao, ket ipusayconto cadagiti cailianna; ta isu nangted iti putotna ken Moloch, a pinangmulitna iti santuarioc, ken pinangipabpabarengna iti nasantoan a naganco.

Levitico 20:3 Iomraidhean Croise

Exodo 30:33

Saanen a maibilang a taok ti siasinoman a mangaramid iti kastoy wenno mangusar iti siasinoman a tao a saan a padi.’”

Ezekiel 20:39

Kinuna ti Apo a Dios, “Ita, dakay amin nga Israelita, aramidenyo ti kaykayatyo; ituloyyo latta ti agserbi kadagiti didiosenyo. Ngem ballaagankayo a kalpasan daytoy, masapul nga agtulnogkayo kaniak ket diyo ibabain ti nasantoan a naganko babaen iti panagidatagyo iti sagut kadagiti didiosen.

Ezekiel 5:11

“Ngarud, agsipud ta siak, ni Yahweh, ti sibibiag a Dios, ken agsipud ta tinulawam ti templok kadagiti amin nga inaramidmo a dakes ken makarimon, awanto ti asik a mangpukaw kenka. Daytoy ti sao ti Apo a Dios.

Levitico 15:31

Imbaga ni Yahweh ken ni Moises a ballaaganna dagiti Israelita maipapan iti kinarugitda iti imatang ti Linteg tapno saan a matulawan ti Tolda ti Dios nga adda iti tengnga ti kampo. Mapapatayda no aramidenda dagiti maibilang a narugit.

Levitico 17:10

Kabusor ti Apo ti siasinoman nga Israelita wenno ganggannaet nga agnaed iti Israel nga agsida iti dara; ilaksidna iti gimong dagiti tattaona.

Levitico 18:21

Diyo ited ti anakyo a mausar iti panagdaydayaw ken ni didiosen a Moloc ta daytoy ti pakaibabainan ti nagan ti Dios nga Apo.

Levitico 19:12

Dikay agkari iti naganko no diyo panggep a tungpalen ti kariyo, ta maibabain ti naganko. Siak ni Yahweh a Diosyo.

Levitico 20:4

Ngem no di ikaso ti sangkagimongan ti inaramid dayta a tao ket dida papatayen,

Levitico 21:6

Masapul a nasantoan ti padi ket dina ibabain ti naganko. Agidatag kadagiti daton a mapuoran, ket masapul nga agbalin a nasantoan.

Levitico 7:20

Ngem no ti tao a saan a nadalus iti imatang ti linteg ket mangan iti daytoy, saanen a maibilang a maysa kadagiti tattao ti Dios.

Levitico 7:21

Kasta met ti siasinoman a mangsagid iti aniaman a maibilang a narugit. No mangan iti karne iti daytoy a daton, mailaksid kadagiti tattao ti Dios.

Numero 19:13

Agtalinaed a narugit ti mangsagid iti maysa a bangkay a dina dalusan ti bagina agsipud ta saan a nabuyatan iti danum a maaramat iti seremonia ti pannakadalus. Tulawanna ti Tolda ti Dios ket mailaksid kadagiti tattao ti Dios.

Numero 19:20

Agtalinaed a saan a nadalus ti tao a nagbalin a narugit iti imatang ti linteg no dina annongen ti pannakadalusna, agsipud ta saan a naibuyat kenkuana ti danum ti pannakadalus. Tulawanna ti Tolda ti Dios ket saanen a maibilang a maysa kadagiti tattao ti Dios.

2 Taga-Corinto 6:16

Kasano nga agkappia ti templo ti Dios ken dagiti didiosen? Ta datayo ti templo ti sibibiag a Dios. Kas kuna ti mismo a Dios: “Agyanakto iti sidongda ket makipagnaedakto kadakuada, Siakto ti Diosda ket isudanto dagiti tattaok.”

1 Pedro 3:12

Ta siiimatang ti Apo kadagiti nalinteg, ket dengdenggenna dagiti kararagda; ngem busorenna dagiti agaramid iti dakes.”