Levitico 20:23 - Ti Baro a Naimbag a Damag Biblia

²³ Diyo tuladen ti ugali dagiti agnaed sadiay. Pagtalawek dagita a tattao tapno makastrekkayo iti daga. Pinagpungtotdak gapu kadagiti dakes nga aramidda.

Ti Biblia (1973)

²³ Ket dacayo dicayto pagdalanan dagiti awid dagiti tattao a papanawec iti sangoananyo: gapu ta isuda inaramidda amin dagitoy, ket iti casta kinagurac ida.

Levitico 20:23 Iomraidhean Croise

Deuteronomio 9:5

Saan a gapu ta naimbagkayo ket nasayaat ti aramidyo nga ipalubos ti Apo a tagikuaenyo ti dagada. Pagtalawenna ida gapu iti kinadakesda ken tapno matungpal ti karina kada Abraham, Isaac ken Jacob a kapuonanyo.

Levitico 18:24

Diyo tulawan ti bagiyo iti uray ania kadagitoy nga aramid. Daytoy ti ugali dagiti tattao a nagnaed iti daga sakbay nga immaykayo ket ita pagtalawen ida ti Apo tapno makastrekkayo.

Levitico 18:30

Ket kinuna ni Yahweh, “Tungpalenyo dagiti bilinko ket diyo tuladen dagiti aramid dagiti tattao a nagnaed iti daga sakbay iti yaayyo. Dikay agaramid iti uray ania kadagitoy a banag tapno saankayo a matulawan. Siak ni Yahweh a Diosyo.”

Levitico 18:3

Diyo tuladen ti ugali dagiti tattao idiay Egipto a nagnaedanyo idi wenno ti ugali dagiti tattao iti Canaan a pangipanak kadakayo.

Zacarias 11:8

Iti las-ud ti maysa a bulan, pinapanawko dagiti tallo nga agpaspastor a nanggura kaniak ta napukawko ti anusko kadakuada.

Dagiti Salmo 78:59

Nagpungtot ti Dios idi makitana daytoy ket linaksidna a namimpinsan ti Israel.

Levitico 18:25

Gapu kadagiti aramidda, nagbalin a makarimon ti daga, isu a dusdusaen ti Apo ti daga ket ipampamuspusanna a pagtalawenna dagiti agnaed sadiay.

Levitico 18:2

nga ibagana daytoy kadagiti Israelita, “Siak ni Yahweh a Diosyo.