Levitico 20:11 - Ti Baro a Naimbag a Damag Biblia

¹¹ No kaiddaen ti maysa a lalaki ti asawa ni amana, ibabainna ni amana, ket agpada a mapapatay ti lalaki ken ti babai, isuda met laeng ti akimbasol iti bukodda nga ipapatay.

Ti Biblia (1973)

¹¹ Ket ti lalaki a makicaidda iti asawa ni amana linucaisanna ti bagi nga ibain ni amana: isuda a dua dinto bumurong a mapapatayda; ti darada maipaawitto cadacuada.

Levitico 20:11 Iomraidhean Croise

Levitico 18:6

Inted ni Yahweh dagitoy nga alagaden. Diyo kainaig ti kabagianyo.

Amos 2:7

Ibaddebaddekda dagiti nakapsut ken awan gawayda ken iwalinda dagiti napanglaw iti dalanda. Kaiddaen ti ama ken ti anakna a lalaki ti isu met laeng a balangkantis iti templo ket tulawanda ti nasantoan a naganko.

1 Taga-Corinto 5:1

Ita, maipadpadamag nga adda immoralidad iti gimongyo, maysa a kita ti kinadakes a di aramiden uray pay dagiti pagano. Naibaga kaniak a kakaiddaen ti maysa a lalaki ti agsiuman kenkuana.

Deuteronomio 22:30

“Maiparit a kaiddaen ti maysa a tao ti siasinoman kadagiti assawa ni amana tapno saan a maibabain ti naganak kenkuana.”

Deuteronomio 27:20

“‘Maipatay ti lunod ti Dios iti siasinoman a mangibabain iti amana iti panangkaiddana iti siasinoman kadagiti assawa ni amana.’ “‘Amen,’ isungbatto dagiti tattao.

Deuteronomio 27:23

“‘Maipatay ti lunod ti Dios iti siasinoman a mangkaidda iti katuganganna a babai.’ “‘Amen,’ isungbatto dagiti tattao.