Levitico 2:4 - Ti Baro a Naimbag a Damag Biblia

⁴ No tinapay a naluto iti urno ti maidaton, masapul nga awan lebadurana ti maidatag. Mabalin a napuskol a tinapay a nalaokan iti lana ti olibo wenno naiingpis a kankanen a napulagidan iti lana ti olibo.

Ti Biblia (1973)

⁴ Ket no mangidatagca iti daton a bel-laay a naluto iti horno, isunto dagiti torta nga harina a namayecmec nga awan levadurana, a nagamayan iti lana, wenno dagiti bibingca a di-nalevaduraan a sinapsapoan iti lana.

Levitico 2:4 Iomraidhean Croise

Dagiti Salmo 22:14

Naibusen ti amin a pigsak, kasla danum a naibuyat. Agkutukoten amin a tultulangko, toy pusok kasla allid a marunaw iti unegko.

Exodo 12:8

Iti dayta a rabii, masapul a maletson ti urbon ket maipangan ti karnena iti tinapay nga awan lebadurana ken iti nateng a napait.

Exodo 16:31

Mana ti impanagan dagiti Israelita iti dayta a taraon. Mayarig iti bassit a bukel a puraw ket kasla kankanen nga adda dirona.

Exodo 29:2

Mangalaka met ti kasayaatan nga arina ti trigo nga awan lebadurana ket agaramidka kadagiti tinapay nga adda lanana ken awan lanana, agraman kadagiti naiingpis a bibingka a mapulagidan iti lana.

Isaias 42:1

Kuna ti Apo, “Adtoy ti adipenko nga itan-okko— ti pinilik ken ti pakaay-ayoak. Intedko ti Espirituk kenkuana ket yegnanto ti hustisia kadagiti pagilian.

Isaias 61:1

Pinunnonak ni Apo Dios iti espirituna. Pinilinak ket imbaonnak a mangipakaammo iti naimbag a damag kadagiti napanglaw, mangliwliwa kadagiti nalapunos iti ladingit, mangiwaragawag iti pannakaruk-at dagiti napagtalaw, ken ti pannakawayawaya dagiti adda iti pagbaludan.

Ezekiel 46:20

ket kinunana, “Daytoy ti lugar a pagangeran dagiti papadi iti karne a daton a pakapakawanan ti basol wenno iti daton gapu iti basol ken ti pakalutoan ti daton a makan. Maaramid daytoy tapno awan ti nasantoan a mairuar iti akinruar a paraangan a pakaigapuan ti pannakaakar dagiti tattao.”

Levitico 1:11

Patayennanto daytoy iti akin-amianan a paset ti altar, ket ibuyat dagiti papadi ti dara ti animal kadagiti uppat a sikigan ti altar.

Levitico 10:12

Kinuna ni Moises ken ni Aaron ken kadagiti nabati nga annakna nga Eleazar ken Itamar, “Alaenyo ti natda iti daton a makan a naidatag iti Apo ket aramidenyo a tinapay nga awan lebadurana. Gapu ta nasantoan unay daytoy a daton, masapul a kanenyo iti abay ti altar.

Levitico 7:12

No idatag daytoy ti tao a kas daton a pagyaman iti Dios, pakuyoganna ti mapuoran nga animal iti tinapay nga awan lebadurana; napuskol a tinapay a nagamay iti lana ti olibo wenno naingpis a kankanen a napulagidan iti lana ti olibo wenno kankanen a naaramid iti nagamay nga arina a nalaokan iti lana ti olibo.

Numero 6:15

Malaksid dagitoy, mangidaton pay iti sangabasket a tinapay nga awan lebadurana ken naaramid iti arina a nalaokan iti lana ti olibo, ken naiingpis a kankanen a napulagidan iti lana ti olibo. Mangitugot met kadagiti daton a makan ken arak.

San Mateo 26:38

“Matayak iti nakaro a ladingit,” kinunana kadakuada. “Agbatikayo ditoy ket makipagpuyatkayo kaniak.”

San Juan 12:27

Intuloy ni Jesus ti nagsao: “Ita, mariribukak. Ania ti aramidek? Kunak kadi, ‘Ama, ilisinak koma iti daytoy nga oras’? Ngem daytoy met ti gapu ti immayak tapno lasatek daytoy nga oras ti panagsagaba.

San Juan 3:34

Ta ti imbaon ti Dios sawenna dagiti sao ti Dios, agsipud ta inted ti Dios kenkuana ti Espirituna.

Hebreo 7:26

Ngarud, ni Jesus ti Kangatoan a Padi a makaaramid iti amin a kasapulantayo. Nasantoan, awan tulaw wenno basolna, naisina kadagiti managbasol ket naipangato sadi langit.

1 Pedro 2:1

Iwaksiyo ngaruden ti amin a kinadakes. Awan koman ti panagulbod, panaginsisingpet, panagimon ken pammadpadakes.

1 Pedro 2:22

Saan a nagbasol. Awan ti insawangna a kinaulbod.