Levitico 2:10 - Ti Baro a Naimbag a Damag Biblia

¹⁰ Kukua dagiti papadi ti natda iti daton. Sagrado unay daytoy agsipud ta naggapu iti naidaton iti Apo.

Ti Biblia (1973)

¹⁰ Ket ti matda iti daton a bel-laay cucuanto ni Aaron ken dagiti annacna a lallaki: isu ti maysa nga aramid a nasantoan unay cadagiti datdaton a maaramid iti apuy ken Jehova.

Levitico 2:10 Iomraidhean Croise

2 Cronicas 31:14

Ni Kore nga anak ni Imna ti mangimaton iti pannakaawat kadagiti sagut a maidaton ken ni Yahweh ken ti pannakaibunongda. Maysa a Levita ni Kore. Isu ti pangulo dagiti guardia iti Akindaya a Ruangan ti Templo.

ESDRAS 2:63

Imbaga kadakuada ti gobernador a Judio a maiparit a manganda kadagiti naidaton iti Dios, ket sadanto la mapalubosan no adda padi a makaammo a mangaramat iti Urim ken Tummim.

Ezekiel 44:29

Dagiti daton a makan, dagiti daton a pakapakawanan ti basol ken dagiti daton gapu iti basol ti agpaay a taraon dagiti papadi. Awatenda amin nga ilasin dagiti Israelita a para kaniak.

Ezekiel 46:20

ket kinunana, “Daytoy ti lugar a pagangeran dagiti papadi iti karne a daton a pakapakawanan ti basol wenno iti daton gapu iti basol ken ti pakalutoan ti daton a makan. Maaramid daytoy tapno awan ti nasantoan a mairuar iti akinruar a paraangan a pakaigapuan ti pannakaakar dagiti tattao.”

Levitico 10:12

Kinuna ni Moises ken ni Aaron ken kadagiti nabati nga annakna nga Eleazar ken Itamar, “Alaenyo ti natda iti daton a makan a naidatag iti Apo ket aramidenyo a tinapay nga awan lebadurana. Gapu ta nasantoan unay daytoy a daton, masapul a kanenyo iti abay ti altar.

Levitico 14:13

Patayennanto ti karnero iti nasantoan a lugar a pagpatayan kadagiti animal a maidatag a daton gapu iti basol ken daton a mapuoran. Aramidenna daytoy ta ti daton a pagsupapak, kas iti daton gapu iti basol, agpaay iti padi ket nasantoan unay.

Levitico 2:3

Kukua dagiti papadi ti natda iti daton a makan. Sagrado unay daytoy agsipud ta paset ti naidaton iti Apo.

Levitico 21:22

Mabalin ti kasta a tao ti mangan iti taraon a naidaton kaniak, ti nasantoan a daton a mapuoran ken ti kasasantoan a daton,

Levitico 5:13

Kastoy ti pannakaidatag iti daton gapu iti basol tapno mapakawan dayta a tao. Kas ti daton a makan, kukua ti padi ti natda nga arina.

Levitico 6:16

Kanen ti padi ti amin a natda. Maaramid a tinapay nga awan lebadurana ket makan iti nasantoan a lugar, iti paraangan ti Tolda ti Dios. Inted ti Apo daytoy kadakuada, kas bingayda kadagiti daton a makan. Sagrado unay daytoy a daton a kas iti daton gapu iti basol ken kadagiti daton a pagsupapak iti biddut.

Levitico 6:23

Saan a mabalin a kanen ti makan nga idaton ti padi; mapuoran amin.

Levitico 6:9

nga itedna ken ni Aaron ken kadagiti annakna dagiti alagaden kadagiti daton a mapuoran. Masapul a maikabil ti daton a mapuoran iti rabaw ti altar ket bay-an nga agpatpatnag sadiay nga adda sumsumged nga apuy.

Levitico 7:7

Maymaysa nga alagaden ti maannurot iti daton gapu iti basol ken daton a pagsupapak iti biddut: ti padi a mangidatag iti daton ti akinkukua iti karne.

Numero 18:9

Kadagiti nasagradoan a daton a saan a mapuoran iti altar, dagitoy ti kukuayo: dagiti daton a makan, dagiti daton a maipaay iti basol, ken dagiti daton a pagsupapak. Agpaay kenka ken dagiti annakmo ti amin a maidatag kaniak a nasagradoan a daton.

1 Samuel 2:28

Pinilik ida kadagiti amin a tribu ti Israel tapno agbalinda a papadi nga agserbi kaniak iti altar, agpuor iti insenso ken agaruat iti efod a makiuman kaniak. Inikkak ida iti kalintegan a makibingay kadagiti daton a mapuoran iti altar.