Levitico 2:1 - Ti Baro a Naimbag a Damag Biblia

¹ No adda mangidatag iti daton a makan iti Apo, umuna pay nga aramidenna nga arina a nafino. Ikkanna daytoy iti lana ti olibo ken insenso

Ti Biblia (1973)

¹ Ket no adda mangipaay iti daton a bel-laay ken Jehova, ti namayecmec nga harina idatonnanto; ket buyatannanto iti lana, sana icabilto ti incienso;

Levitico 2:1 Iomraidhean Croise

Exodo 29:2

Mangalaka met ti kasayaatan nga arina ti trigo nga awan lebadurana ket agaramidka kadagiti tinapay nga adda lanana ken awan lanana, agraman kadagiti naiingpis a bibingka a mapulagidan iti lana.

Isaias 43:23

Saanka a nangidatag iti karnero a mapuoran a kas daton kaniak. Saan a siak ti pinadayawam kadagiti sakrifisio nga indatonmo. Dika pinadagsenan iti panagdawatko iti sagutmo; dika rininggor iti panagkiddawko iti mapuoran nga insenso.

Isaias 66:20

Alaendanto dagiti amin a kailianyo manipud kadagiti pagilian ket yawiddanto ida a kas sagut kaniak. Sumangpetdanto a silulugan kadagiti kabalio, mulo, kamelio, lugan a pakigubat ken karison. Maipandanto iti nasantoan a bantayko idiay Jerusalem, kas ipapan dagiti Israelita iti Templok tapno agidatagda kadagiti daton a makan, a naikarga iti nadalus nga alikamen.

Ezekiel 46:20

ket kinunana, “Daytoy ti lugar a pagangeran dagiti papadi iti karne a daton a pakapakawanan ti basol wenno iti daton gapu iti basol ken ti pakalutoan ti daton a makan. Maaramid daytoy tapno awan ti nasantoan a mairuar iti akinruar a paraangan a pakaigapuan ti pannakaakar dagiti tattao.”

Joel 1:9

Awan ti trigo wenno arak a maidaton iti Templo. Agladingit dagiti papadi ta awanen ti maidatonda iti Apo.

Joel 2:14

Nalabit a baliwan ti Apo a Diosyo ti panunotna, ket paraburannakayto iti adu nga apit. Iti kasta, addanto makan ken arak nga idatonyo kenkuana.

Levitico 14:10

Iti maikawalo nga aldaw, mangala iti tallo nga urbon ti karnero—dua kadagitoy ti kalakian nga agtawen iti maysa ken awan depektoda. Mangala pay iti tallo a kilo nga arina a nalaokan iti lana ti olibo, ken maysa a kakatlo ti litro a lana ti olibo.

Levitico 24:7

Iti tunggal intar, mangikabilkayo iti puro nga insenso a nayon ti tinapay a kas daton a mapuoran a panglagip iti Apo.

Levitico 5:11

No saan a kabaelan ti maysa a tao ti mangidaton iti dua a kalapati wenno dua a sibong ti kalapati, mangidatag iti sangakilo nga arina a kas daton gapu iti basolna. Dina ikkan iti lana ti olibo wenno insenso, agsipud ta daytoy ti daton gapu iti basol.

Levitico 6:7

Idatag ti padi ti daton ket mapakawan dayta a tao iti aniaman a nagbasolanna.

Levitico 9:17

Indatagna ti daton a makan ket nangrakem iti arina sana pinuoran iti altar. (Mainayon daytoy iti inaldaw a daton a mapuoran.)

Levitico 9:4

ken toro a baka ken kalakian a karnero a maidatag a kas daton a pakikappia. Masapul nga idatagda iti Apo a mapakuyogan iti daton a makan a nalaokan iti lana. Nasken nga aramidenda daytoy ta agparang ti Apo kadakuada ita nga aldaw.”

Malakias 1:11

Agraem kaniak dagiti amin a tattao ditoy lubong. Iti sadinoman a disso, agpuorda iti insenso a maipaay kaniak ket agidatagda kadagiti makaay-ayo a daton. Isuda amin raemendak.

Numero 18:9

Kadagiti nasagradoan a daton a saan a mapuoran iti altar, dagitoy ti kukuayo: dagiti daton a makan, dagiti daton a maipaay iti basol, ken dagiti daton a pagsupapak. Agpaay kenka ken dagiti annakmo ti amin a maidatag kaniak a nasagradoan a daton.

Numero 28:5

Mapakuyogan ti tunggal karnero iti daton a makan a naaramid iti sangakilo nga arina a nagamay iti sangalitro ti kasayaatan a lana ti olibo.

Numero 29:18

Ipakuyogyo nga idaton dagiti amin a daton a naituding a maidatag iti umuna nga aldaw.

Numero 8:8

Mangalada iti bumaro a baka ken ti naituding a daton a makan nga arina a nagamay iti lana ti olibo; mangalaka iti sabali a baka a maidaton gapu iti basol.

San Juan 6:35

Kinuna ni Jesus kadakuada, “Siak ti tinapay ti biag. Ti umay kaniak, dinto mabisinan, ket ti mamati kaniak, dinto mawaw.

1 Juan 2:20

Ngem addan kadakayo ti Espiritu Santo nga inted ni Cristo, isu nga ammoyo amin ti pudno.

1 Juan 2:27

Ngem no maipapan kadakayo, agtalinaed ti Espiritu nga inted ni Cristo ket saanyon a masapul ti sabali a mangisuro. Ta ti Espirituna ti mangisuro kadakayo iti amin. Pudno ti isurona, saan a kinaulbod. Ngarud, kas mayannurot iti pannursurona, agtalinaedkayo ken ni Cristo.

San Judas 1:20

Ngem dakayo, ay-ayatek a gagayyem, pumigsakayo iti nasantoan a pammatiyo. Agkararagkayo babaen iti pannakabalin ti Espiritu Santo.

Paltiing 8:3

Simmangpet ti sabali nga anghel nga addaan iti insensario a balitok, ket napan nagtakder iti sango ti altar. Naikkan iti nawadwad nga insenso nga inayonna kadagiti kararag dagiti tattao ti Dios ken idatonna iti balitok nga altar iti sangoanan ti trono.