Levitico 19:26 - Ti Baro a Naimbag a Damag Biblia

²⁶ “Dikay agsida iti karne nga adda pay laeng darana. Diyo aramiden ti uray ania a kita ti panaganito.

Ti Biblia (1973)

²⁶ Dicayto mangan iti uray ania man a sidadara: dicayto met aramaten dagiti panagbuybuyon, wenno agaramid iti padpadles.

Levitico 19:26 Iomraidhean Croise

Genesis 44:5

Apay a tinakawyo ti kopa a pirak a kukua ti apok? Daytoy ti kopa a pagin-inumanna. Isu ti ar-aramatenna a pagipadto. Nadagsen ti inaramidyo a krimen!’”

Genesis 9:4

Adda laeng banag a saanyo a kanen—ti karne nga adda pay laeng darana; ngamin, ti biag adda iti dara.

2 Ar-ari 17:17

Pinuoranda dagiti annakda a kas daton kadagiti didiosen. Nakiumanda kadagiti espiritu ken kadagiti mammadles. Inggaedda ti nagaramid kadagiti dakes a banag iti imatang ni Yahweh.

2 Ar-ari 21:6

Indatagna ti lalaki nga anakna a daton a mapuoran. Namuybuyon ken namadpadles ket nakiuman kadagiti baglan ken espiritu. Agkakadakes iti imatang ni Yahweh dagiti inaramidna ket nagpungtot ni Yahweh.

2 Cronicas 33:6

Iti Tanap ti Hinnom, pinuoranna dagiti annakna a kas daton. Nagan-anito, nakiuman kadagiti mammadles ken espiritista. Nakaad-adu a kinadakes ti inaramidna a namagpungtot ken ni Yahweh.

Exodo 7:11

Inayaban ti ari dagiti mamasirib ken dagiti salamangkerona ket babaen iti salamangkada, inaramidda met ti inaramid ni Aaron.

Exodo 8:7

Ngem babaen iti salamangka dagiti salamangkero, kastoy met ti inaramidda ket timmakdang dagiti tukak.

Jeremias 10:2

Kunana: “Diyo tuladen ti aramid dagiti dadduma a nasion; diyo pagdanagan dagiti pagilasinan iti tangatang, uray no madanagan dagiti nasion.

Daniel 2:10

Simmungbat dagiti mammagbaga, “Awan ti tao ditoy rabaw ti daga a makaibaga iti kalikagumam, O Ari. Awan pay ari, uray pay isu ti katan-okan ken kabilgan, a nagdawat iti kastoy kadagiti mammuyon, salamangkero, wenno baglan.

Levitico 19:25

Ngem iti maikalima a tawen, mabalinyo a kanen ti bunga dagiti kayoyo tapno ad-adunto ti bungada nga agpaay kadakayo. Siak ni Yahweh a Diosyo.

Levitico 3:17

Awan ti Israelita a mapalubosan nga agsida iti taba wenno dara. Agnanayon daytoy nga alagaden a masapul a tungpalenda iti sadinoman a pagnaedanda.

Levitico 7:26

Iti sadinoman a pagnaedan dagiti Israelita, maiparit a kanenda ti dara ti tumatayab wenno animal.

Malakias 3:5

Kuna ti Apo a Mannakabalin-amin, “Umaykayto ukomen. Dagusekto ti mangidatag kadagiti pammaneknek a maibusor kadagiti managsalamangka, kadagiti mannakikamalala, kadagiti agsaksi iti ulbod, kadagiti mangsaur iti tangdan dagiti mangmangged, kadagiti manggundaway kadagiti balo, ulila ken ganggannaet, kadagiti amin a saan nga agraem kaniak.

Dagiti Aramid 15:20

Suratantayo ketdi ida ket ibagatayo dagitoy: ‘Dikay mangan kadagiti taraon a naidaton kadagiti didiosen. Lisianyo ti immoralidad. Dikay agsida iti saan a napadara nga animal ken iti dara.’

Deuteronomio 12:16

Ngem diyo sidaen ti darada; ibellengyo iti daga a kas iti panangibellengyo iti danum.

Deuteronomio 12:23

Ngem liklikanyo ti agsida iti dara, gapu ta ti biag adda iti dara ket masapul a diyo sidaen ti biag agraman ti lasag.

Deuteronomio 15:23

Ngem diyo sidaen ti darada; ibellengyo iti daga a kas iti panangibellengyo iti danum.”

1 Samuel 14:32

isut' gapuna a dinagdagusda ti nagtiliw kadagiti animal dagiti kabusor. Nagpartida kadagiti karnero, baka, urbon ti baka, ket gapu iti bisinda, saandan nga inikkat ti darada sakbay a kinnanda.

1 Samuel 14:33

Naibaga ken ni Saul, “Kitaem, agbasbasol dagiti tattao iti Apo iti pannanganda iti karne nga adda pay laeng darana.” “Mangliliputkayo!” inyikkis ni Saul. “Mangitulidkayo iti dakkel a bato ditoy yanko.”

1 Samuel 15:23

Dakes a kas iti panagkulam ti panagsukir kenkuana ket maysa a basol ti kinatangsit kas iti panagdayaw kadagiti didiosen. Gapu ta linaksidmo ti bilin ti Apo, linaksidnaka nga ari.”