Levitico 19:19 - Ti Baro a Naimbag a Damag Biblia

¹⁹ “Tungpalenyo dagiti bilinko. Diyo ipamanada ti maysa nga animal iti sabali a kita ti animal. Diyo paggiddanen nga imula ti dua a kita ti bukel iti talonyo. Dikay agaruat iti kawes a naaramid iti dua a kita.

Ti Biblia (1973)

¹⁹ Tungpalenyonto dagiti bilinco. Dicanto ipamanada ti animalmo cadagiti sabsabali a kita ti animal: dicanto mulaan ti talonmo iti dua a cakita a bini: dinto met maicapet kenca ti aruaten a cawes a dua a cakita nga agtipon.

Levitico 19:19 Iomraidhean Croise

Genesis 36:24

Dua ti lallaki nga annak ni Zibeon: Aya ken Ana. (Ni Ana ti nakasarak iti napudot nga ubbog iti let-ang idi ipaspastorna dagiti asno ni tatangna.)

2 Samuel 13:29

Tinungpal dagiti adipen ti bilin ni Absalom, ket pinatayda ni Amnon. Ngarud, dinagdagus dagiti annak ti ari ti naglibas a nakasakay kadagiti muloda.

2 Samuel 18:9

Pagammoan, nasabat ni Absalom ti sumagmamano a soldado ni David. Sisasakay ni Absalom iti mulo ket idi lumasat ti animal iti sirok ti maysa a dakkel a lugo, naisalat ti ulo ni Absalom kadagiti sanga ti kayo. Naglaylayon a nagtaray ti mulo ngem nabati a sibibitin ni Absalom.

1 Ar-ari 1:33

kinunana kadakuada, “Alaenyo dagiti ofisiales nga agserserbi iti tronok. Pagsakayenyo ni Solomon nga anakko iti bukodko a mulo ket kuyogenyo a mapan idiay Ubbog ti Gihon.

Levitico 18:4

Tungpalenyo dagiti paglintegak ket aramidenyo ti ibagak. Siak ni Yahweh a Diosyo.

Levitico 19:37

Tungpalenyo dagiti amin a linteg ken bilinko. Siak ni Yahweh.”

Levitico 20:8

Tungpalenyo dagiti paglintegak agsipud ta siak ni Yahweh ket siak ti mangpasanto kadakayo.”

Levitico 22:31

Kinuna ni Yahweh, “Tungpalenyo dagiti bilinko. Siak ni Yahweh.

Levitico 25:18

Tungpalenyo ti amin a linteg ken bilin ti Apo tapno natalged ti panagnaedyo iti daga.

San Lucas 5:36

Sinarita pay ni Jesus kadakuada daytoy a pangngarig: “Awan ti tao a mangala iti baro a lupot tapno itakupna iti daan a pagan-anay. No kasta ti aramidenna, dadaelenna ti baro a kawes ket saan pay a maibagay iti nakaitakupanna.

Taga-Roma 11:6

Naibatay ti panagpilina iti paraburna, saan nga iti inaramidda. Ta no naibatay ti panagpili ti Dios iti inaramid dagiti tattao, saanen a maibilang a pudno a parabur.

Deuteronomio 4:1

Kinuna ni Moises kadagiti tattao, “Tungpalenyo dagiti annuroten ken linteg nga isurok ita kadakayo tapno mataginayonkayo a kas pagilian ket tagikuaenyonto ti daga nga ited kadakayo ti Apo a Dios dagidi kapuonanyo.

Deuteronomio 4:5

“Insurok kadakayo dagiti amin a linteg, kas imbaga kaniak ti Apo a Diosko. Tungpalenyo dagitoy a bilin inton addakayon iti daga a dandaniyon rauten ken sakupen.