Levitico 19:15 - Ti Baro a Naimbag a Damag Biblia

¹⁵ “Diyo ballikugen ti linteg iti panangyetnagyo iti sentensia; dikay mangipakita iti panangidumduma iti napanglaw wenno panagtamed iti nabaknang.

Ti Biblia (1973)

¹⁵ Dicayto aramiden ti kinakillo iti panangocom: dicanto idumduma ti kinatao ti napanglaw, wenno bigbigen ti kinatao ti mannacabalin; ngem iti naincalintegan ti pangocommo iti padam a tao.

Levitico 19:15 Iomraidhean Croise

Ti Libro ni Job 13:8

Salsalaknibanyo kadi ti Dios? Ikalkalinteganyo kadi iti pangukoman?

Ti Libro ni Job 32:21

Awan ti kanunongak, awan met ti patiray-okak.

Ti Libro ni Job 34:19

Saanna nga ayonan dagiti agtuturay. Dina idumduma dagiti baknang kadagiti napanglaw ta pinarsua amin ti Dios ida.

Dagiti Salmo 82:2

“Isardengyon ti nakillo a panangukomyo, saanyo nga ayonan dagiti dakes a tattao!

Exodo 18:21

Ngem saan la a dayta. Pumilika met kadagiti makabael a lallaki. Dutokam ida a kas pangulo dagiti tattao; adda mangipangulo kadagiti rinibu, kadagiti ginasut, kadagiti saglilimapulo, ken kadagiti sagsasangapulo. Masapul a managbutengda iti Dios, mapagtalkan ken di mapasuksokan.

Dagiti Proverbio 18:5

Saan a rumbeng nga ayonan ti nakabasol gapu ta no kasta ti maaramid, saanen a maited ti hustisia kadagiti awan basolna.

Dagiti Proverbio 24:23

Sao met dagiti masirib a tattao dagitoy: Saan a nasayaat a mangidumduma ti ukom.

Dagiti Proverbio 31:9

Ikalintegam ida ket agbalinka a nalinteg nga ukom. Ikalintegam dagiti napanglaw ken dagiti marigrigat.”

Levitico 19:35

“Dikay agsaur babaen iti panangusaryo iti saan a husto a pagrukod, pagtimbang ken pagsukat.

San Juan 7:24

Dikayo mangukom babaen iti makitayo. Mangukomkayo ketdi babaen iti nalinteg a panangukom.”

Dagiti Aramid 23:3

Kinuna ni Pablo kenkuana, “Dusaennakanto ti Dios, sika a pader a napintaan iti puraw. Situtugawka dita a mangukom kaniak kas mayannurot iti Linteg, ngem salungasingem met ti Linteg iti panangibilinmo a makabilak!”

Deuteronomio 1:17

Dikay mangidumduma kadagiti pangngeddengyo. Pagpapadaenyo ti pagbatayanyo iti panangukomyo uray siasino ti maseknan. Dikay agbuteng iti siasinoman ta agtaud iti Dios dagiti pangngeddengyo. No adda kaso a narigatyo a risuten, yegyo kaniak.’

Deuteronomio 10:17

Natantan-ok ti Apo a Diosyo ngem ti amin a didiosen ken pannakabalin. Naindaklan ken mannakabalin ket rumbeng nga isu ti pagbutngan. Awan ti idumdumana ket saan nga umawat iti pasuksok.

Deuteronomio 16:19

Masapul a dida ballikugen ti linteg ken awan ti kanunonganda iti panangukomda. Dida agawat iti pasuksok ta ti pasuksok bulsekenna uray masirib ken mapagtalkan a tao ket daytoy ti pakaigapuan ti panangikeddengda iti saan nga umisu a sentensia.

Deuteronomio 27:19

“‘Maipatay ti lunod ti Dios iti siasinoman a mangilupitlupit iti kalintegan ti ganggannaet, ulila wenno balo a babai.’ “‘Amen,’ isungbatto dagiti tattao.