Levitico 19:14 - Ti Baro a Naimbag a Damag Biblia

¹⁴ Diyo ilunod ti tuleng wenno bangenan ti pagnaan ti bulsek. Agbutengkayo kaniak. Siak ni Yahweh a Diosyo.

Ti Biblia (1973)

¹⁴ Dicanto ilunod ti tuleng wenno mangicabil ti pacaitigcolan iti sango ti bulsec; ngem agbutengcanto iti Diosmo: siac ni Jehova.

Levitico 19:14 Iomraidhean Croise

Genesis 42:18

Iti maikatlo nga aldaw, kinunana kadakuada, “Managbutengak iti Dios ket ispalek ti biagyo iti maysa laeng a kondision.

Nehemias 5:15

Pinadagsenan dagiti gobernador nga immun-una ngem siak dagiti tattao. Inaldaw nga agsingirda iti kagudua a kilo a pirak a maigatang iti taraon ken arak. Uray dagidi adipenda, pinarparigatda dagiti tattao. Ngem sabali ti inaramidko ta adda panagbutengko iti Dios.

Dagiti Salmo 111:10

Ti panagbuteng ken ni Yahweh ti pangrugian ti kinasirib. Ikkanna iti pannakaawat dagiti amin nga agtungpal kenkuana. Mataginayon ti pannakaidaydayawna!

Levitico 19:15

“Diyo ballikugen ti linteg iti panangyetnagyo iti sentensia; dikay mangipakita iti panangidumduma iti napanglaw wenno panagtamed iti nabaknang.

Levitico 19:32

“Ipakitayo ti panagraemyo kadagiti lallakay ken babbaket. Respetarenyo ida ket agbutengkayo iti Dios. Siak ni Yahweh.

Levitico 25:17

Diyo sauren ti padayo nga Israelita, ngem tungpalenyo a siraraem ti Apo a Diosyo.

Taga-Roma 12:14

Dawatenyo iti Dios a bendisionanna dagiti mangidadanes kadakayo. Wen, dawatenyo ti pannakabendisionda a saan ket a ti pannakailunodda.

Taga-Roma 14:13

Ngarud, saantayon nga agiinnukom. Ikeddengyo ketdi a dikay agaramid iti aniaman a pakaitibkolan wenno pakaigapuan ti kabsatyo nga agbasol.

1 Taga-Corinto 10:32

Dikay agaramid iti aniaman a pakaigapuan nga agbasol dagiti Judio wenno Hentil wenno ti iglesia ti Dios.

Deuteronomio 27:18

“‘Maipatay ti lunod ti Dios iti siasinoman a mangyaw-awan iti bulsek.’ “‘Amen,’ isungbatto dagiti tattao.

1 Pedro 1:17

Awan idumduma ti Dios. Ukomenna dagiti tattao kas mayannurot iti aramidda. Kunayo, “Amami” no agkararagkayo iti Dios. Ngarud, no kasta ti awagyo, masapul nga agbuteng ken agraemkayo kenkuana bayat ti panagbiagyo ditoy daga.

1 Pedro 2:17

Agraemkayo kadagiti amin a tattao. Ayatenyo dagiti kakabsatyo iti pammati. Agbutengkayo iti Dios ket padayawanyo ti Emperador.

Paltiing 2:14

Ngem adda diak kayat kenka: adda sumagmamano kadakayo dita a pasurot ni Balaam. Isu ti nangisuro ken ni Balak a mangaramid iti pagbasolan dagiti Israelita babaen iti pannanganda iti taraon a naidaton kadagiti didiosen ken panagaramidda kadagiti immoralidad.