Levitico 18:8 - Ti Baro a Naimbag a Damag Biblia

⁸ Diyo ibabain ti amayo iti panagkainnaigyo iti maysa kadagiti assawana.

Ti Biblia (1973)

⁸ Ti bagi nga ibain ti asawa ni amam dicanto lucaisan: bagi nga ibain ni amam dayta.

Levitico 18:8 Iomraidhean Croise

Genesis 35:22

Bayat ti panagnaed ni Jacob iti dayta a daga, napan kinaidda ni Ruben ni Bilha a maysa kadagiti inkabbalay ni tatangna. Naammoan daytoy ni Jacob ket kasta unay ti pungtotna. Sangapulo ket dua a lallaki ti annak ni Jacob.

Genesis 49:4

Mayarigka iti nadawel a karayan, ngem saanto a sika ti kangrunaan, ta kinaiddam ti babai nga inkabbalayko ket tinulawam ti idda ni amam.

Ezekiel 22:10

Kaiddaen ti dadduma ti asawa dagiti ammada. Adda met mangpilit a mangkaidda kadagiti babbai a madama nga agkadawyan.

Levitico 20:11

No kaiddaen ti maysa a lalaki ti asawa ni amana, ibabainna ni amana, ket agpada a mapapatay ti lalaki ken ti babai, isuda met laeng ti akimbasol iti bukodda nga ipapatay.

Amos 2:7

Ibaddebaddekda dagiti nakapsut ken awan gawayda ken iwalinda dagiti napanglaw iti dalanda. Kaiddaen ti ama ken ti anakna a lalaki ti isu met laeng a balangkantis iti templo ket tulawanda ti nasantoan a naganko.

1 Taga-Corinto 5:1

Ita, maipadpadamag nga adda immoralidad iti gimongyo, maysa a kita ti kinadakes a di aramiden uray pay dagiti pagano. Naibaga kaniak a kakaiddaen ti maysa a lalaki ti agsiuman kenkuana.

Deuteronomio 22:30

“Maiparit a kaiddaen ti maysa a tao ti siasinoman kadagiti assawa ni amana tapno saan a maibabain ti naganak kenkuana.”

Deuteronomio 23:1

Intuloy ni Moises, “Saan a maibilang kadagiti tattao ti Apo ti siasinoman a lalaki a nakapon wenno naputed ti mabagbagina.

Deuteronomio 27:20

“‘Maipatay ti lunod ti Dios iti siasinoman a mangibabain iti amana iti panangkaiddana iti siasinoman kadagiti assawa ni amana.’ “‘Amen,’ isungbatto dagiti tattao.