Levitico 18:25 - Ti Baro a Naimbag a Damag Biblia

²⁵ Gapu kadagiti aramidda, nagbalin a makarimon ti daga, isu a dusdusaen ti Apo ti daga ket ipampamuspusanna a pagtalawenna dagiti agnaed sadiay.

Ti Biblia (1973)

²⁵ Ket ti daga namulitan: isu ti gapuna nga impasarungcarco ti kinadakesna idiay, ket ti daga isaruana dagiti agnaed kencuana.

Levitico 18:25 Iomraidhean Croise

1 Ar-ari 21:26

Nakarimrimon ti inaramidna iti panagdaydayawna kadagiti imahen, kas kadagiti Amorreo a pinagtalaw ni Yahweh iti daga idi sumangpet dagiti Israelita.)

ESDRAS 9:11

nga intedmo kadakami babaen kadagiti adipenmo a profeta. Imbagada kadakami a saan a nadalus ti daga nga inkam tagikuaen agsipud ta pinunno dagiti agnanaed sadiay kadagiti narugit ken makarimon nga aramid.

Dagiti Salmo 106:38

ken kadagiti dios ti Canaan, pinapatayda dagiti awan basolna ket namulitan ti daga iti dara.

Dagiti Salmo 89:32

dusaekto ida gapu kadagiti basolda, saplitekto ida gapu kadagiti labsingda.

Isaias 24:5

Tinulawan dagiti tattao ti daga gapu ta sinalungasingda dagiti linteg ti Dios ket dida nagtungpal iti agnanayon a tulag.

Isaias 26:21

Manipud iti nailangitan a taengna, umay ti Apo a mangdusa kadagiti tattao ditoy daga gapu kadagiti basolda. Maibutaktakto dagiti pammapatay a naaramid iti nalimed ket dinton ilemmeng ti daga dagiti napapatay.

Jeremias 14:10

Kuna ti Apo maipapan kadagitoy a tattao, “Kayatdak nga itarayan, ket saanda a magawidan dagiti bagida. Iti kasta, diak maragsakan kadakuada. Laglagipekto dagiti dakes nga aramidda, ket dusaekto ida gapu kadagiti basolda.”

Jeremias 16:18

Maminduanto ti kadagsen ti dusada gapu kadagiti basol ken kinadakesda, gapu ta tinulawanda ti dagak kadagiti imahen nga awanan biag a kas kadagiti bangkay ket pinunnoda kadagiti saan a pudno a dios.”

Jeremias 2:7

Impanko ida iti nadam-eg a daga, tapno lak-amenda dagiti bungana ken amin a naimbag a masarakan kenkuana. Ngem idi dimtengda sadiay, tinulawanda dayta a daga. Pinagbalinda a makarimon ti daga nga intedko kadakuada.

Jeremias 23:2

Daytoy ti kuna ti Apo a Dios ti Israel kadagiti agturay a rumbeng a mangaywan kadagiti tattaona, “Winarawara ken pinapanawyo dagiti tattaok. Diyo inaywanan ida. Ita, dusaenkayo gapu kadagiti dakes nga inaramidyo.

Jeremias 5:29

“Ngem siak, ni Yahweh, dusaekto ida gapu kadagiti dakes nga aramidda. Balsekto daytoy a nasion!

Jeremias 5:9

Apay ketdin a diak dusaen ida gapu iti aramidda? Apay ketdin a diak balsen ti kastoy a nasion?

Jeremias 9:9

Diakto kadi dusaen ida gapu kadagitoy? Saankonto aya a balsen dagitoy a tattao? Siak, ni Yahweh, ti nangibaga iti daytoy.”

Oseas 2:13

Wen, dusaekto tapno ikarona dagidi tiempo a nalipatannak, idi nagpuor iti insenso kas datonna ken ni didiosen a Baal, idi agar-aritos ken agkukuentas a nangsurot kadagiti kaayan-ayatna. Siak, ni Yahweh, ti nangibaga iti daytoy.

Oseas 8:13

Magustoanda ti agidatag iti sakrifisio, ket kanenda ti karne dagiti idatonda. Ngem siak, ni Yahweh, diak maragsakan kadakuada, ket ita malagipko ti basolda ket dusaek ida. Isublikto ida idiay Egipto.

Oseas 9:9

Naigamerda iti kinadakes, kas idi addada idiay Gabaa. Malagipto ti Dios ti kinadakesda, ket dusaennanto ida gapu iti basolda.

Levitico 18:26

Inaramidda amin dagitoy makarimon a banag a nangmulit iti daga. Ngem diyo tuladen ida. Dakayo amin, Israelita man wenno ganggannaet a makipagnaed kadakayo, masapul a tungpalenyo dagiti linteg ken bilin ti Apo

Levitico 18:28

tapno dinakay yula ti daga a kas iti napasamak kadagiti tattao nga immun-una ngem dakayo a nagnaed sadiay.

Taga-Roma 8:22

Ta ammotayo nga agpapan ita, kas iti agpasikal, agas-asug iti rigat ti entero a sangaparsuaan.

Deuteronomio 18:12

Kagura ti Apo a Diosyo dagiti agaramid kadagiti kastoy a makarimon a banag. Daytoy ti gapuna a paksiatennanto dagita a tattao bayat ti isusungadyo.

Deuteronomio 21:23

masapul nga ikaliyo met laeng ti bangkay iti dayta nga aldaw. Diyo pagpatpatnagen a nakabitin gapu ta ti bangkay a sibibitin, yegna ti lunod ti Dios iti daga. No diyo ikali a dagus, matulawan ti daga nga ited kadakayo ti Apo a Diosyo.

Deuteronomio 9:5

Saan a gapu ta naimbagkayo ket nasayaat ti aramidyo nga ipalubos ti Apo a tagikuaenyo ti dagada. Pagtalawenna ida gapu iti kinadakesda ken tapno matungpal ti karina kada Abraham, Isaac ken Jacob a kapuonanyo.