Levitico 18:22 - Ti Baro a Naimbag a Damag Biblia

²² Maiparit a kainaig ti lalaki ti padana a lalaki; kagura ti Dios dayta nga aramid.

Ti Biblia (1973)

²² Dicanto caidda ti lalaki a cas ibilang a babai: daytoy ti kinarimon.

Levitico 18:22 Iomraidhean Croise

Levitico 20:13

No kaiddaen ti maysa a lalaki ti padana a lalaki, agpadada a mapapatay ta nakarimrimon ti inaramidda, isuda met laeng ti akimbasol iti bukodda nga ipapatayda.

1 Timoteo 1:10

kadagiti mannakiabig; kadagiti aggartem kadagiti padada a lallaki wenno babbai nga aggartem kadagiti padada a babbai; kadagiti kidnaper; kadagiti suitik ken ulbod a saksi wenno siasinoman nga agaramid iti maibusor iti pudno a pannursuro.

1 Taga-Corinto 6:9

Saanyo aya nga ammo a dinto tagikuaen dagiti managdakdakes ti Pagarian ti Dios? Dikayo paallilaw. Dagiti tattao nga immoral, dagiti agrukbab kadagiti didiosen, dagiti mannakikamalala, dagiti aggartem iti padada a lalaki wenno padada a babai

San Judas 1:7

Laglagipenyo ti Sodoma ken Gomorra ken dagiti kabangibang nga il-ili. Nagbasolda iti pannakikamalala ken kinaderrep ket sagsagabaenda ti dusa iti agnanayon nga apuy. Daytoy ti pakaballaagantayo amin.

1 Ar-ari 14:24

Ket adda pay dagiti lallaki ken babbai nga agserserbi a kas balangkantis kadagita a pagdaydayawan dagiti pagano. Tinulad dagiti tattao ti Juda ti amin a nakababain nga aramid dagiti tattao a pinagtalaw ni Yahweh idi sumrek dagiti Israelita iti daga.

Uk-ukom 19:22

Madamada nga agraragsak idi pagammoan la ta dimteng dagiti derrep a lallaki iti ili. Linawlawda ti balay ket nagtugtogda iti ruangan. Kinunada iti lakay, “Iruarmo ti lalaki a nagdagus ditoy balaymo ta kayatmi a kaiddaen.”

Deuteronomio 23:18

Diyo ipan iti templo ti Apo a Diosyo ti matgedan ti maysa a balangkantis tapno idatonyo a pangtungpal iti kariyo. Kagura ti Apo dagiti balangkantis ti templo.

Genesis 19:5

Pinukkawanda ni Lot ket sinaludsodda, “Sadino ti ayan dagiti lallaki a nagdagus iti balaymo ita a rabii? Iruarmo ida!” Kayat a kaiddaen ida dagiti lallaki ti Sodoma.