Levitico 17:5 - Ti Baro a Naimbag a Damag Biblia

⁵ Kastoy ti kayat a sawen ti bilin: Manipud ita, idatag dagiti Israelita iti Apo dagiti animal a masansan a partienda iti away. Ipanda ida iti padi iti ruangan ti Tolda ti Dios ket partienda a daton a pakikappia.

Ti Biblia (1973)

⁵ Tapno dagiti annac ti Israel idatagda dagiti datdatonda nga ar-aramidenda iti ruar, tapno idatagda ida met laeng ken Jehova iti ruangan ti tolda ti gimong, iti imatang ti padi, ken irucbabda dagita a maipaay a daton dagiti datdaton iti cappia ken Jehova.

Levitico 17:5 Iomraidhean Croise

Genesis 21:33

Nangimula ni Abraham iti kayo idiay Beerseba, ket nagdaydayaw ken ni Yahweh, ti agnanayon a Dios.

Genesis 22:13

Inwaras ni Abraham ti panagkitana. Adda nakitana a kalakian a karnero a naisalat ti sarana iti bassit a narukbos a kayo. Napanna innala ti karnero ket daytoy ti pinuoranna a kas daton a sukat ti anakna.

Genesis 22:2

Kinuna ti Dios, “Alaem ni Isaac a kakaisuna ken dungdungoem nga anak, ket inka idiay Moria. Iti bantay nga ipakitakto kenka, idatagmonto kaniak ni Isaac a kas daton a mapuoran.”

Genesis 31:54

Nangpatay iti animal sana indaton iti bantay ket inawisna dagiti tattaona iti pannangan. Kalpasan ti pannanganda, immianda iti bantay.

1 Ar-ari 14:23

Nangbangonda kadagiti pagdaydayawanda kadagiti didiosen. Iti tapaw dagiti turod ken iti linong dagiti narukbos a kayo, nagipatakderda kadagiti batbato ken adigi a pagdaydayawan.

1 Ar-ari 3:2

Awan pay idi ti templo a nabangon a pagdaydayawan ken ni Yahweh. Agidatdaton pay laeng dagiti tattao kadagiti sakrifisio iti nadumaduma nga altar.

1 Ar-ari 3:3

Ipatpateg ni Solomon ni Yahweh ket tinungpalna dagiti bilin daydi amana a David. Ngem nagparti met kadagiti animal ket indatagna dagitoy a kas daton a mapuoran iti nadumaduma nga altar.

2 Ar-ari 16:4

Nagidatag kadagiti sakrifisio ken nagpuor iti insenso kadagiti lugar a pagdaydayawan dagiti pagano, kadagiti turod ken iti sirok ti tunggal narukbos a kayo.

2 Ar-ari 17:10

Nangisaadda kadagiti bato nga adigi ken kadagiti imahen ni diosa nga Asera kadagiti amin a turod ken iti sirok ti tunggal narukbos a kayo.

2 Cronicas 28:4

Nagidatag ni Ahaz kadagiti daton ken nagpuor kadagiti insenso kadagiti pagdaydayawan kadagiti nangato a lugar, kadagiti turod ken iti sirok ti tunggal narukbos a kayo.

Exodo 24:5

Kalpasanna, binilinna ti sumagmamano nga agtutubo a lallaki a mangpuor kadagiti animal a kas sagut ken ni Yahweh ken mangidatag iti sumagmamano a toro a baka a kas daton a pakikappia.

Ezekiel 20:28

Impanko ida iti daga nga inkarik nga ited kadakuada. No makakitada idi kadagiti nangato a turod wenno narukbos a kaykayo, sadiay ti pagidatonanda ken pagpuoranda kadagiti sakrifisio a pakaigapuan ti panagpungtotko. Sadiay met ti pagipananda kadagiti arak a datonda.

Ezekiel 22:9

Adda dagiti tattaom nga agsaksi iti ulbod tapno mapapatay ti padada a tao. Mangan ti dadduma kadagiti taraon a naidaton kadagiti didiosen. Adda dagiti kankanayon nga agaramid iti kinaderrep.

Ezekiel 43:27

Iti maikawalo nga aldaw, irugi dagiti papadi ti agidatag kadagiti daton a mapuoran ken daton a pakikappia dagiti tattao iti rabaw ti altar. Iti kasta, maragsakanakto kadakayo amin. Siak, ti Apo a Dios, ti agsasao.”

Ezekiel 44:15

Kinuna ti Apo a Dios, “Nupay kasta, dagiti Levita a padi a kaputotan ni Zadok, intultuloyda ti agserbi kaniak a sipupudno iti Templo idi tinallikudandak dagiti dadduma nga Israelita. Ngarud, isuda laeng ti mabalin a mangidatag iti sangoanak kadagiti taba ken dara ti daton.

Levitico 17:6

Ibuyat ti padi ti dara iti aglawlaw ti altar iti ruangan ti Tolda sada puoran ti taba tapno mangted iti nabanglo nga ayamuom iti Apo.

Deuteronomio 12:2

Iti daga nga inkay sakupen, dadaelenyonto ti amin a lugar a pagrukrukbaban dagiti tattao kadagiti didiosenda, adda man dagitoy kadagiti nangato a bantay, turod wenno sirok dagiti narukbos a kayo.