Levitico 17:11 - Ti Baro a Naimbag a Damag Biblia

¹¹ Adda iti dara ti biag ti tunggal parsua, isu nga imbilin ti Apo a maibuyat ti amin a dara iti altar tapno maikkat dagiti basol dagiti tattao. Ti dara nga isu ti biag ti mangikkat kadagiti basbasol.

Ti Biblia (1973)

¹¹ Ta ti biag ti lasag adda iti dara; ket itedco dayta cadacayo iti rabaw ti altar a maaramid a pacaabbongan a maipaay cadagiti cararuayo; ta dara isu ti macaaramid iti pacaabbongan gapu ta adda kencuana ti biag.

Levitico 17:11 Iomraidhean Croise

Genesis 9:4

Adda laeng banag a saanyo a kanen—ti karne nga adda pay laeng darana; ngamin, ti biag adda iti dara.

Levitico 1:5

Patayennanto ti toro sadiay, ket idatag dagiti papadi a kapuonan ni Aaron ti dara ti animal ken ni Yahweh sada ibuyat kadagiti igid ti altar nga adda iti ruangan ti Tolda.

Levitico 16:11

Patayen ni Aaron ti toro a baka ket idatagna a daton gapu iti basolna ken iti familiana.

Levitico 17:12

Daytoy met ti gapuna nga imbilin ti Apo a dida agsida iti dara. Maiparit kadakuada ti dara, Israelita man wenno ganggannaet nga agnaed iti lugarda.

Levitico 17:14

Adda iti dara ti biag iti tunggal parsua, isu nga imbilin ti Apo kadagiti Israelita a dida agsida iti laeng dara; ilaksidna kadagiti tattaona ti siasinoman a mangsalungasing iti daytoy a bilin.

Levitico 4:25

Isawsaw ti padi ti ramayna iti dara ti animal, pulagidanna iti dara dagiti sinan-sara ti altar, ket ibuyatna ti natda iti puon ti altar.

Levitico 4:26

Kalpasanna, puoranna amin a taba ti animal iti altar, kas iti inaramidna iti taba dagiti animal a naidaton a pakikappia. Kastoy ti pannakaidatag ti daton gapu iti basol tapno mapakawan ti agturay.

Levitico 8:15

Pinarti ni Moises ti animal sa nangala iti dara ket babaen iti ramayna, pinulagidanna dagiti sinan-sara ti altar tapno maidaton ti altar. Imbuyatna iti puon ti altar ti natda a dara. Kastoy ti pannakaidaton iti altar ken ti pannakadalusna iti imatang ti linteg.

San Mateo 20:28

a kas iti Anak ti Tao a saan nga immay a paserbian no di ket tapno agserbi ken yawatna ti biagna a pangsubbot kadagiti adu a tattao.”

San Mateo 26:28

daytoy ti darak a mamatalged iti tulag ti Dios, ti darak a naibuyat nga agpaay iti adu a tao, tapno mapakawan dagiti basbasol.

San Marcos 14:24

Kinunana kadakuada: “Daytoy ti darak a mamatalged iti tulag ti Dios, ti darak a maiparukpok nga agpaay iti adu a tattao.

Taga-Roma 3:25

Indaton ti Dios ni Cristo Jesus tapno, babaen iti ipapatayna, isu ti pakapakawanan dagiti basol dagiti tattao babaen iti pammatida kenkuana. Inaramid ti Dios daytoy tapno ipakitana ti kinalintegna. Iti napalabas, naanus ket pinalabasna dagiti basol ti tao.

Taga-Roma 5:9

Babaen iti darana, napalintegtayon iti sangoanan ti Dios. Ad-adda pay ngarud a maisalakantayto gapu kenkuana.

Taga-Efeso 1:7

Babaen iti ipapatay ni Cristo, nagun-od ti wayawaya ket napakawan dagiti basbasoltayo. Anian a nagdakkel ti parabur ti Dios

Deuteronomio 12:23

Ngem liklikanyo ti agsida iti dara, gapu ta ti biag adda iti dara ket masapul a diyo sidaen ti biag agraman ti lasag.

Taga-Colosas 1:14

Babaen kenkuana nawayawayaantayo, kayatna a sawen, pinakawan ti Dios dagiti basoltayo.

Taga-Colosas 1:20

Ngarud, babaen iti Anak, inkeddeng ti Dios nga ikappia ti isuamin kenkuana. Ket babaen iti ipapatay ti Anakna iti krus, nagkappia ti Dios ken ti isuamin a parsua ditoy daga ken sadi langit.

Hebreo 13:12

Daytoy ti gapuna a natay met ni Jesus iti ruar ti siudad tapno ugasanna dagiti tattao kadagiti basbasolda babaen iti darana a nagsayasay idi pimmusay.

Hebreo 9:22

Kinapudnona, kas mayannurot iti Linteg, gistay amin a bambanag maugasanda babaen iti pannakaiparukpok ti dara, ket mapakawan ti basol babaen iti pannakaiparukpok ti dara.

1 Juan 1:7

Ngem no agbiagtayo iti lawag, a kas iti kaaddana iti lawag, agkakaduatayo ngarud, ket ti dara ni Jesus nga Anakna ugasannatayo iti amin a basol.

1 Juan 2:2

Ni Cristo met laeng ti pakapakawanan dagiti basoltayo, ket saan laeng a dagiti basoltayo, no di pay ket dagiti basol ti amin a tao.

Paltiing 1:5

Aggapu pay ken ni Jesu-Cristo a mapagtalkan a saksi, inauna nga Anak a nagungar ken kangatoan kadagiti agtuturay iti lubong. Ay-ayatennatayo ni Jesu-Cristo, ket winayawayaannatayo kadagiti basbasoltayo babaen iti ipapatayna.