Levitico 17:10 - Ti Baro a Naimbag a Damag Biblia

¹⁰ Kabusor ti Apo ti siasinoman nga Israelita wenno ganggannaet nga agnaed iti Israel nga agsida iti dara; ilaksidna iti gimong dagiti tattaona.

Ti Biblia (1973)

¹⁰ Ket siasinoman a tao iti balay ti Israel, wenno cadagiti gangannaet a makipagtaeng cadacuada a mangan iti uray ania a dara; iparangconto ti rupac a maibusor iti dayta a tao a mangan iti dara, ket ipusayconto iti ilina.

Levitico 17:10 Iomraidhean Croise

Genesis 9:4

Adda laeng banag a saanyo a kanen—ti karne nga adda pay laeng darana; ngamin, ti biag adda iti dara.

2 Samuel 23:17

sana kinuna, “O Apo, saanko a mabalin nga inumen daytoy! Kasko la inumen ti dara dagitoy a lallaki a nangipusta iti biagda!” Isut' gapuna a dina kayat nga inumen ti danum. Dagitoy dagiti aramid dagiti tallo nga agdindinamag a soldado a mangipakita iti kinaturedda.

Dagiti Salmo 34:16

Ngem dagiti agaramid iti dakes, busorenna, inton matayda, awanton ti makalagip kadakuada.

Exodo 30:33

Saanen a maibilang a taok ti siasinoman a mangaramid iti kastoy wenno mangusar iti siasinoman a tao a saan a padi.’”

Jeremias 21:10

Inkeddengko a diak ilalaen daytoy a siudad no di ket dadaelek. Mayawatto iti ari ti Babilonia ket puorannanto agingga a dumapu. Siak, ni Yahweh, ti nagsao iti daytoy.”

Jeremias 44:11

“Iti kasta, siak, ni Yahweh a Mannakabalin-amin a Dios ti Israel didigraenkayto ket ikisapkonto ti entero a Juda.

Ezekiel 14:8

Busorek dayta a tao. Pagbalinek a pakaballaagan dagiti tattao. Ilaksidko iti taripnong dagiti tattaok tapno maammoanyo a siak ni Yahweh.

Ezekiel 15:7

Dusaekto ida. Nalisianda ti maysa nga apuy ngem apuyto met laeng ti mangpapatay kadakuada. Inton dusaek ida, maammoanyonto a siak ni Yahweh.

Ezekiel 33:25

“Ibagam kadakuada a siak nga Apo a Dios, kastoy ti kunak: Agsidsidakayo iti karne nga adda darana. Agdaydayawkayo kadagiti didiosen. Agpapataykayo. Ania ti panggapuanyo nga agkuna a kukuayo ti daga?

Ezekiel 44:7

Tinulawanda ti Templo babaen iti panangipalubosda a sumrek dagiti ganggannaet a di nakugit a tattao a saan nga agtulnog kaniak—iti Templo bayat ti pannakaidatag ti taba ken dara dagiti sakrifisio a maidaton kaniak. Ngarud, sinalungasing dagiti tattaok ti nagtutulaganmi gapu kadagiti amin a nakababain nga aramidda.

Levitico 17:11

Adda iti dara ti biag ti tunggal parsua, isu nga imbilin ti Apo a maibuyat ti amin a dara iti altar tapno maikkat dagiti basol dagiti tattao. Ti dara nga isu ti biag ti mangikkat kadagiti basbasol.

Levitico 19:26

“Dikay agsida iti karne nga adda pay laeng darana. Diyo aramiden ti uray ania a kita ti panaganito.

Levitico 26:17

Busorenkayto tapno parmekendakayto dagiti kabusoryo; iturayandakayto dagiti manggurgura kadakayo. Iti butengyo, agtataraykayto uray no awan mangkamkamat kadakayo.

Levitico 3:17

Awan ti Israelita a mapalubosan nga agsida iti taba wenno dara. Agnanayon daytoy nga alagaden a masapul a tungpalenda iti sadinoman a pagnaedanda.

Amos 9:4

No italaw ida a kas balud dagiti kabusorda, papapataykonto ida iti kampilan. Diak tulongan ida, ket inkeddengkon a patayen ida.”

Dagiti Aramid 15:20

Suratantayo ketdi ida ket ibagatayo dagitoy: ‘Dikay mangan kadagiti taraon a naidaton kadagiti didiosen. Lisianyo ti immoralidad. Dikay agsida iti saan a napadara nga animal ken iti dara.’

Dagiti Aramid 15:29

Dikayo mangan iti kanen a naidaton kadagiti didiosen. Dikay agsida iti dara. Dikay agsida iti saan a napadara nga animal. Adaywanyo met ti immoralidad. Naimbag ti pagbanaganyo no diyo aramiden dagitoy. Dios ti mangsalluad kadakayo. Dagitoy kakabsatyo, Apostoles ken Panglakayen.”

Deuteronomio 12:16

Ngem diyo sidaen ti darada; ibellengyo iti daga a kas iti panangibellengyo iti danum.

Deuteronomio 12:23

Ngem liklikanyo ti agsida iti dara, gapu ta ti biag adda iti dara ket masapul a diyo sidaen ti biag agraman ti lasag.

Deuteronomio 15:23

Ngem diyo sidaen ti darada; ibellengyo iti daga a kas iti panangibellengyo iti danum.”

Hebreo 10:29

Panunotenyo no kasano ti kadagsen ti dusa ti tao a manglalais iti Anak ti Dios, mangumsi iti dara a nangpatalged iti tulag a nangugas kenkuana iti basol ken agsao iti maibusor iti managparabur nga Espiritu!

1 Samuel 14:32

isut' gapuna a dinagdagusda ti nagtiliw kadagiti animal dagiti kabusor. Nagpartida kadagiti karnero, baka, urbon ti baka, ket gapu iti bisinda, saandan nga inikkat ti darada sakbay a kinnanda.

1 Samuel 14:33

Naibaga ken ni Saul, “Kitaem, agbasbasol dagiti tattao iti Apo iti pannanganda iti karne nga adda pay laeng darana.” “Mangliliputkayo!” inyikkis ni Saul. “Mangitulidkayo iti dakkel a bato ditoy yanko.”