Levitico 16:22 - Ti Baro a Naimbag a Damag Biblia

²² Awiten ti kalding ti amin a basolda ket ipanna iti awan matagtagitao a lugar.

Ti Biblia (1973)

²² Ket ti calding ti mangawit a mangipan iti amin a kinadakes iti agpotpotong a daga: ibulosnanto ti calding iti let-ang.

Levitico 16:22 Iomraidhean Croise

Dagiti Salmo 103:10

Saannatayo a dusaen kas mayannatup iti basoltayo. Saannatayo met balsen kas mayannurot iti labsingtayo.

Dagiti Salmo 103:12

No kasano ti kaadayo ti laud manipud daya, kasta met ti kaadayo ti pangikabilanna kadagiti basbasoltayo.

Ezekiel 18:22

Mapakawanto dagiti amin a basolna, ket agbiagto gapu ta naimbag ti inaramidna.

Ezekiel 4:4

“Agiddaka nga agsikig iti makannigidmo ket ipatayko kenka ti basol ti Israel. Iti las-ud ti 390 nga aldaw, agyankanto sadiay ket agsagabakanto gapu kadagiti basbasolda. Sinentensiaanka iti maysa nga aldaw iti tunggal tawen a panagpaut ti dusada.

Levitico 14:7

Mamimpito a warsianna ti tao a madalusan iti sakit ti kudil, ket kalpasanna, ipakaammona a nadalusen ti tao. Ibulosto ti padi ti sibibiag a tumatayab iti kataltalonan.

Levitico 16:21

Ipatayna ti dua nga imana iti ulo ti animal ket ipakaammona dagiti amin a kinadakes, basol ken kinasukir dagiti Israelita tapno mayakarda iti ulo ti kalding. Kalpasanna, itedna ti kalding iti a natudingan a mangibulos iti let-ang.

Levitico 16:23

Mapan ni Aaron iti Tolda ti Dios, ket ikkatenna ti kawesna a kas padi nga inyarruatna sakbay a simrek iti Kasasantoan a Lugar sana ibati sadiay.

Mikias 7:19

Kaasiannakami manen. Payatpayatem dagiti basolmi ket ipanmo ida iti lansad ti taaw.

San Juan 1:29

Iti sumuno nga aldaw, nakita ni Juan nga agturong ni Jesus iti yanna. “Daytoy ti Kordero ti Dios a mangikkat iti basol ti lubong!” kinuna ni Juan.

Taga-Galacia 3:13

Ngem idi nagsagaba ni Cristo gapu kadatayo, nawayawayaannatayo iti panangukom ti Linteg. Kas kuna ti Nasantoan a Surat, “Naukom ti siasinoman a maibitin iti kayo.”

Hebreo 9:28

Kasta met a namimpinsan a naidaton ni Cristo a mangikkat iti basol ti adu. Agparangto iti maikadua a daras, ngem saanen a gapu iti basol, no di ket tapno isalakanna dagiti mangnamnama iti yaayna.

1 Pedro 2:24

Inawit ni Cristo dagiti basbasoltayo iti krus tapno mawayawayaantay iti pannakabalin ti basol ket agbiagtay a nalinteg. Ta babaen kadagiti sugatna, naagasankayo.