Levitico 16:2 - Ti Baro a Naimbag a Damag Biblia

² Kinunana, “Ibagam ken ni Aaron a mapanto laeng iti Kasasantoan a Lugar iti likudan ti kurtina iti naituding a tiempo agsipud ta sadiay ti pagparangak iti ulep iti ngatoen ti kalub ti Lakasa ti Tulag. Mapapatay ti kabsatmo no agsukir.

Ti Biblia (1973)

² Ket ni Jehova kinunana ken Moises, Ibagam ken Aaron a cabsatmo ta saanto a sumsumbrec cadagiti amin nga aldaw iti nasantoan a disso iti uneg ti abbong, a dumanon iti sango ti tugaw ti caasi, nga adda iti rabaw ti lacasa; tapno dimatay: gapu ta siac agparangacto iti ulep iti rabaw ti tugaw ti caasi.

Levitico 16:2 Iomraidhean Croise

1 Ar-ari 6:16

Adda akin-uneg a kuarto a naaramid iti kaunegan a paset ti Templo. Maawagan daytoy iti Kasasantoan a Disso. Tallopulo a kadapan ti katayagna ket nadibisionan kadagiti tabla a sedro manipud suelo agingga iti bobeda.

1 Ar-ari 8:6

Kalpasanna, inserrek dagiti papadi ti Lakasa ti Tulag iti Templo, ket impanda iti Kasasantoan a Disso iti baba dagiti payak dagiti kerubim.

Exodo 30:10

Maminsan iti tunggal tawen nga aramiden ni Aaron ti seremonia ti pannakadalus ti altar: kadagiti sinan-sara ipulagidna ti dara ti animal a maidaton gapu iti basol. Masapul a maaramid daytoy iti tinawen iti amin a tiempo. Masapul a naan-anay a sagrado daytoy nga altar a naidaton kaniak, ni Yahweh.”

Levitico 16:13

Sadiay, iti imatang ti Apo, ikabilna ti insenso iti apuy. Gapu iti asuk daytoy, mailinged ti kalub ti Lakasa ti Tulag tapno saanna a makita ket iti kasta saan a matay.

Levitico 16:34

Masapul a maannurot dagitoy nga alagaden iti amin a tiempo. Tinawen a maannurot daytoy a seremonia tapno madalusan dagiti Israelita iti amin a basolda. Natungpal ngarud amin dagitoy kas imbilin ni Yahweh ken ni Moises.

Levitico 8:35

Agyankayo iti ruangan ti Tolda ti Dios iti aldaw ken rabii iti las-ud ti pito nga aldaw, ta no saanyo nga aramiden, mataykayo. Daytoy ti imbilin kaniak ti Apo.”

Numero 17:10

Kinuna ni Yahweh ken ni Moises, “Isublim ti sarukod ni Aaron iti sangoanan ti Lakasa ti Tulag. Masapul a maidulin a kas ballaag kadagiti nasukir nga Israelita a matayda no dida isardeng ti panagsasaoda iti maibusor kaniak.”

Numero 18:7

Ngem dakayo laeng kadagiti annakmo ti mangaramid kadagiti pagrebbengan ti padi iti altar ken kadagiti alikamen iti Kasasantoan a Lugar. Dagitoy dagiti annongenyo agsipud ta intedko kadakayo ti sagut a kinapadi. Mapapatay ti siasinoman nga awan karbenganna nga umasideg kadagiti nasagradoan nga alikamen.”

Numero 4:19

iti yaasidegda kadagitoy kasasagradoan a banag. Tapno saanda a matay, umay ni Aaron ken dagiti annakna ket itudingna ti aramiden ti tunggal maysa ken no ania ti rebbengna nga awiten.

Numero 4:5

No umalis dagiti Israelita iti pagkampoanda, sumrek ni Aaron ken dagiti annakna iti Tolda, ikkatenda ti kurtina iti sango ti Lakasa ti Tulag sada yabbong iti lakasa.

San Mateo 27:51

Napigis ti kurtina a naibengbeng iti Templo: naggudua manipud iti ngato agingga iti baba. Nagginggined, naburburak dagiti bato,

Hebreo 6:19

Adda kadatayo daytoy a namnama a kas angkla ti kararua. Natalged ken natibker daytoy a namnama ket sumrek iti kurtina iti nailangitan a templo agingga iti akin-uneg a santuario.

Hebreo 9:25

Tinawen a sumrek ti Kangatoan a Padi iti Kasasantoan a Disso a mangidaton iti dara ti animal. Ngem saan a namin-adu a simrek ni Cristo a mangidaton iti mismo a bagina.

Hebreo 9:3

Iti likudan ti maikadua a kurtina ti tabernakulo, masarakan ti Kasasantoan a Disso.

Hebreo 9:5

Iti ngatoen ti lakasa, adda met dagiti kerubim a mangiladawan iti dayag ti Dios. Linlinonganda kadagiti payakda ti disso a pakapakawanan dagiti basbasol. Ngem saan pay nga ita ti pannakailawlawag dagitoy a bambanag.

Paltiing 15:8

Napno ti templo iti asuk a naggapu iti dayag ken pannakabalin ti Dios. Awan ti makastrek iti templo agingga a di aggibus dagiti pito a didigra nga inyeg dagiti pito nga angheles.