Levitico 16:15 - Ti Baro a Naimbag a Damag Biblia

¹⁵ Kalpasanna, patayenna ti kalding a maidaton gapu iti basol dagiti tattao ket ipanna ti dara iti Kasasantoan a Lugar. Kas iti inaramidna iti dara ti baka, iwarisna met ti dara iti kalub ken iti sangoanan ti Lakasa ti Tulag.

Ti Biblia (1973)

¹⁵ Calpasanna patayennanto ti calding a daton gapu iti basol a maipaay iti ili, ket ipannanto ti darana iti uneg ti abbong, ket aramidennanto iti dara ti calding, ti cas inaramidna iti dara ti vaca a lalaki, ket iwarsinanto iti rabaw ken iti sangoanan ti tugaw ti caasi:

Levitico 16:15 Iomraidhean Croise

Levitico 16:2

Kinunana, “Ibagam ken ni Aaron a mapanto laeng iti Kasasantoan a Lugar iti likudan ti kurtina iti naituding a tiempo agsipud ta sadiay ti pagparangak iti ulep iti ngatoen ti kalub ti Lakasa ti Tulag. Mapapatay ti kabsatmo no agsukir.

Levitico 4:21

Ipanna ti baka iti ruar ti kampo ket puoranna a kas iti inaramidna iti baka a naidaton gapu iti basolna. Daytoy ti daton a mangikkat iti basol ti sangkagimongan.

Levitico 4:5

Mangala iti dara ti animal ket ipanna iti uneg ti Tolda.

Numero 17:11

Tinungpal ni Moises ti imbilin ni Yahweh.

Numero 28:15

Malaksid ti inaldaw a daton a mapuoran agraman ti daton nga arak, mangidatagkayo met iti kalakian a kalding a daton gapu iti basol.

Hebreo 2:17

Ngarud, masapul a pudpudno a maipada kadagiti kakabsatna tapno agbalin a napudno ken naasi a Kangatoan a Padi iti panagserbina iti Dios. Iti kasta, pakawanen ti Dios dagiti basol ti tao.

Hebreo 5:3

Gapu ta nakapuy, masapul a mangipaay kadagiti datdaton, saan laeng a gapu kadagiti basbasol dagiti tattao, no di ket gapu met iti basolna.

Hebreo 6:19

Adda kadatayo daytoy a namnama a kas angkla ti kararua. Natalged ken natibker daytoy a namnama ket sumrek iti kurtina iti nailangitan a templo agingga iti akin-uneg a santuario.

Hebreo 7:27

Saan a kas kadagiti dadduma a kangatoan a papadi a masapul nga inaldaw a mangipaay iti daton a maigapu, umuna, iti bukodna a basol, ket kalpasanna, maipuon met kadagiti basol dagiti tattao. Naminsan a nagidaton ni Jesus ket daytoy para iti agnanayon—idi indatonna a mismo ti bagina iti Dios.

Hebreo 9:12

Idi simrek ni Cristo iti Kasantoan a Disso—naminsan laeng ken para iti agnanayon—saan a dara dagiti kalding ken urbon a baka ti intugotna nga idaton, no di ket ti mismo a darana. Iti kasta, naitrabahona ti agnanayon a pannakaisalakantayo.

Hebreo 9:13

Maugasan dagiti tattao a makuna a “saan a nadalus,” babaen iti pannakawarsida iti dara dagiti kalding ken baka ken dagiti dapu ti napuoran nga urbon ti baka.

Hebreo 9:3

Iti likudan ti maikadua a kurtina ti tabernakulo, masarakan ti Kasasantoan a Disso.

Hebreo 9:7

Ngem ti laeng Kangatoan a Padi ti sumrek iti akin-uneg a paset, ket maminsan laeng iti makatawen. Itugotna ti dara nga idatonna iti Dios gapu iti basolna ken iti basol dagiti tattao a di makaammo nga agbasbasolda.