Levitico 16:12 - Ti Baro a Naimbag a Damag Biblia

¹² Mangala iti insensario sana kargaan iti beggang nga adda iti altar. Mangala met iti dua a rakem iti nafino nga insenso. Ipanna dagitoy iti Kasantoan a Lugar.

Ti Biblia (1973)

¹² Ket isu iggamannanto ti paginciensoan a napno iti beggang ti apuy nga aggapu iti altar iti saclang ni Jehova, ket ti imana a sipupunno iti nasayamusom nga incienso a natumtumec a sagbabassit, ket ipannanto iti uneg ti abbong:

Levitico 16:12 Iomraidhean Croise

Exodo 31:11

Aramidenda met ti lana a pagkonsagrar ken ti nabanglo nga insenso a maaramat iti Nasantoan a Disso. Aramidenda amin dagitoy nga alikamen nga awan surok ken kurangna kas imbilinko kenka.”

Exodo 37:29

Nangaramid ni Bezalel iti nasagradoan a lana a pagkonsagrar ken iti nabanglo nga insenso a natempla a kas iti bangbanglo.

Levitico 10:1

Nangala da Nadab ken Abiu nga annak ni Aaron iti saggaysada a pagpuoran iti insenso. Kinargaanda iti beggang, inikkanda iti insenso ket indatagda ken ni Yahweh. Ngem saan a nasantoan ti apuy nga inaramatda gapu ta saanda nga inaramid ti imbilin ni Yahweh kadakuada nga idatagda.

Numero 16:18

Iti kasta, nagitugotda kadagiti insensario a nakargaan iti beggang ken insenso ket napanda iti ruangan ti Tolda a Paguummongan a kaduada da Moises ken Aaron.

Numero 16:46

ket kinuna ni Moises ken ni Aaron, “Alaem ti insensariom, kargaam iti beggang iti altar samo parabawan iti insenso. Dagdagusem nga ipan kadagiti tattao ket annongem ti seremonia ti pannakadalusda. Darasem! Bimtaken ti pungtot ti Apo ket nangrugin ti didigra.”

Deuteronomio 33:10

Isurodanto dagiti tattaom nga agtulnog iti Lintegmo. Agidatagdanto kadagiti sakrifisio iti altarmo.

Hebreo 9:14

Ngem ad-adda pay ti pannakabalin ti dara ni Cristo! Ta babaen iti agnanayon nga Espiritu, impaayna iti Dios ti bagina a kas daton nga awan pakapilawanna. Ti darana ti mangugas kadagiti konsensiatayo kadagiti awan serserbina a panagdaydayaw tapno aramidentayo ti pagayatan ti sibibiag a Dios.

Hebreo 9:7

Ngem ti laeng Kangatoan a Padi ti sumrek iti akin-uneg a paset, ket maminsan laeng iti makatawen. Itugotna ti dara nga idatonna iti Dios gapu iti basolna ken iti basol dagiti tattao a di makaammo nga agbasbasolda.

1 Juan 1:7

Ngem no agbiagtayo iti lawag, a kas iti kaaddana iti lawag, agkakaduatayo ngarud, ket ti dara ni Jesus nga Anakna ugasannatayo iti amin a basol.

Paltiing 8:5

Kalpasanna, innala ti anghel ti insensario, kinargaanna kadagiti beggang manipud iti altar sana impurruak iti daga. Naggurruod, rimsua ti napigsa nga arimbangaw, nagkimat ken nagginggined.