Levitico 15:5 - Ti Baro a Naimbag a Damag Biblia

⁵ Siasinoman a mangsagid iti nagiddaan

Ti Biblia (1973)

⁵ Ket siasinoman a macasagid iti iddana, labaannanto dagiti pagpagan-anayna, ket agdigosto iti danum, ket narugit inggana iti rumabii.

Levitico 15:5 Iomraidhean Croise

Dagiti Salmo 26:6

Buggoak dagiti imak a mangipakita nga awan basolko, ket likmutek ti altarmo iti panagdaydayawko kenka, O Apo.

Dagiti Salmo 51:2

Ugasam a mamimpinsan ti kinadakesko, ket dalusannak kadagiti basbasolko!

Dagiti Salmo 51:7

Ugasannak iti basolko tapno nadalusak; buggoannak ket napudpudawakto ngem kapas.

Exodo 19:10

ket kinuna ni Yahweh kenkuana, “Inka kadagiti tattao ket ibagam a dalusanda dagiti bagida ita ken inton bigat tapno agsaganada nga agdaydayaw. Masapul a labaanda dagiti pagan-anayda

Isaias 1:16

Dalusanyo dagiti bagbagiyo. Isardengyon ti amin a kinadakes a makitkitak nga ar-aramidenyo. Wen, isardengyon ti agaramid iti dakes

Isaias 22:14

Kinuna kaniak ti Apo Dios a Mannakabalin-amin, “Saan a mapakawan daytoy a kinadakesda bayat ti panagbiagda.” Daytoy ti sao ti Apo Dios a Mannakabalin-amin.

Ezekiel 36:25

Warsiankayto iti nadalus a danum ket madalusankayto iti amin nga didiosen ken amin a nangtulaw kadakayo.

Ezekiel 36:29

Ispalenkayto iti amin a mangtulaw kadakayo. Paaduekto ti trigo tapno dikayton agbisin.

Levitico 11:24

Maibilang a narugit agingga iti sardam ti tao a mangsagid iti bangkay dagiti sumaganad nga animal: amin nga adda kukona malaksid no nagpisi dagiti kuko ken agngatingat, ken amin nga uppat ti sakana nga addaan kadagiti natirad a kuko. Siasinoman a mangawit iti bangkay ti kastoy nga animal masapul a labaanna ti pagan-anayna ngem maibilang pay laeng a narugit ti tao agingga iti sardam.

Levitico 11:32

Narugit ti aniaman a pagdissoan ti bangkayda a kas iti alikamen a kayo, pagan-anay, lalat, nakersang a lupot, uray ania ti pakaaramatanna. Masapul a maitaneb iti danum ngem maibilang a narugit latta agingga iti sumipnget.

Levitico 13:34

Iti maikapito nga aldaw, kitaen manen ti padi ti gaddil. No saan a nagwaras ken saan a naun-uneg ngem ti kudil iti lawlawna, ipakaammona a nadalus ti tao iti imatang ti linteg. Labaan ti tao ti pagan-anayna ket maibilang a nadalusen.

Levitico 13:6

Iti maikapito nga aldaw, kitaen manen ti padi ket no saan a nagwaras ti saksakiten, ipakaammo ti padi a maibilang a nadalus ti tao iti imatang ti linteg; gaddil laeng ti timmubo kenkuana. Labaan ti tao ti pagan-anayna ket maibilangen a nadalus.

Levitico 14:27

sana isawsaw ti kannawan a tammudona, ket iwarisna iti mamimpito iti imatang ti Apo.

Levitico 15:18

No agkanaig ti lalaki ken ti babai, masapul nga agdigosda kalpasanna ket agtalinaedda a narugit agingga iti sumipnget.

Levitico 15:4

Maibilang a narugit ti aniaman a pagtugawan wenno pagiddaanna.

Levitico 15:6

wenno agtugaw iti nagtugawan ti lalaki, masapul a labaanna ti pagan-anayna ken agdigos. Agtalinaed a narugit agingga iti sardam.

Levitico 16:26

Masapul a labaan ti tao a nangibulos iti kalding ti pagan-anayna sa agdigos sakbay nga agsubli iti kampo.

Levitico 16:28

Masapul a labaan ti tao a nangpuor kadagitoy ti pagan-anayna ket agdigos sakbay nga agsubli iti kampo.

Levitico 17:15

Siasinoman nga Israelita wenno ganggannaet nga agsida iti karne ti animal a natay wenno pinatay dagiti atap nga animal masapul a labaanna ti pagan-anayna ken agdigos. Agtalinaed a narugit iti imatang ti linteg agingga iti sardam.

Numero 19:10

Ti tao a nangummong iti dapu masapul a labaanna ti pagan-anayna ngem agtalinaed a narugit agingga iti rabii. Agtalinaed iti agnanayon daytoy nga alagaden kadagiti Israelita ken dagiti ganggannaet a makipagnaed kadakuada.

Numero 19:22

Maibilang a narugit ti aniaman a sagiden ti tao a maibilang a saan a nadalus ket agtalinaed a saan a nadalus agingga iti rabii ti siasinoman a mangsagid iti daytoy.

Hebreo 10:22

Umasidegtayo ngarud iti Dios iti napudno a puso ken natalged a pammati. Wen, umasidegtayo a nadalus ti pusotayo—nadalusan iti dakes a konsensia—ken ti bagitayo a naugasan iti nadalus a danum.

Hebreo 9:14

Ngem ad-adda pay ti pannakabalin ti dara ni Cristo! Ta babaen iti agnanayon nga Espiritu, impaayna iti Dios ti bagina a kas daton nga awan pakapilawanna. Ti darana ti mangugas kadagiti konsensiatayo kadagiti awan serserbina a panagdaydayaw tapno aramidentayo ti pagayatan ti sibibiag a Dios.

Hebreo 9:26

Ta no kasta ti naaramid, mamin-adu met koma nga agsagaba manipud iti pannakaparsua ti lubong. Ngem iti kinaagpaysona, iti paggibusan dagiti panawen, naminsan la a nagparang ket saanen a naulit, tapno ikkatenna ti basol babaen iti panangidatonna iti mismo a bagina.

Santiago 4:8

Umasidegkay iti Dios, ket umasidegto met ti Dios kadakayo. Dakayo a managbasol, buggoanyo dagiti imayo! Dakayo nga aginsisingpet, dalusanyo dagiti pusoyo!

Paltiing 7:14

“Diak ammo, apo! Sika ti makaammo,” insungbatko. Kinunana kaniak: “Isuda dagiti nakalasat iti napalalo a pannakaidadanes. Linabaanda dagiti pagan-anayda ket pinapudawda ida babaen iti dara ti Kordero.

1 Samuel 20:26

ngem awan ti sinao ni Saul iti dayta nga aldaw, agsipud ta impagarupna nga adda napasamak kenkuana ket saan a nadalus iti imatang ti linteg.