Levitico 15:11 - Ti Baro a Naimbag a Damag Biblia

¹¹ No ti tao nga adda agruar iti mabagbagina ket sagidenna ti maysa a tao a dina buggoan nga umuna dagiti imana, masapul a labaan ti tao a nasagid ti pagan-anayna ket agdigos. Agtalinaed a narugit agingga iti sumipnget.

Ti Biblia (1973)

¹¹ Ket siasinoman a masagid ni addaan totot a dina nabuggoan dagiti imimana iti danum, labaannanto dagiti pagan-anayna, ket agdigosto iti danum, ket narugitto agingga iti rumabii.

Levitico 15:11 Iomraidhean Croise

Levitico 11:24

Maibilang a narugit agingga iti sardam ti tao a mangsagid iti bangkay dagiti sumaganad nga animal: amin nga adda kukona malaksid no nagpisi dagiti kuko ken agngatingat, ken amin nga uppat ti sakana nga addaan kadagiti natirad a kuko. Siasinoman a mangawit iti bangkay ti kastoy nga animal masapul a labaanna ti pagan-anayna ngem maibilang pay laeng a narugit ti tao agingga iti sardam.

Levitico 15:10

Narugit agingga iti rabii ti siasinoman a makasagid iti nagtugawanna. Siasinoman a mangbagkat iti aniaman a nagtugawan dayta a lalaki, masapul a labaanna ti pagan-anayna ket agdigos. Agtalinaed a narugit agingga iti sumipnget.

Levitico 15:12

Masapul a maburak ti banga a sagiden dayta a tao. Masapul met nga ugasan ti malukong a kayo a sagidenna.

Numero 19:22

Maibilang a narugit ti aniaman a sagiden ti tao a maibilang a saan a nadalus ket agtalinaed a saan a nadalus agingga iti rabii ti siasinoman a mangsagid iti daytoy.

Deuteronomio 23:11

Masapul nga agdigos iti mumalemen ket inton lumnek ti init, sumrek met laeng iti kampo.