Levitico 14:6 - Ti Baro a Naimbag a Damag Biblia

⁶ Alaenna ti sabali a tumatayab agraman ti kayo a sedro, ti nalabaga a lupot ken ti sanga ti hisopo sana itaneb ida iti dara ti naparti a tumatayab.

Ti Biblia (1973)

⁶ Ti maipapan iti tumatayab a sibibiag, isu alaennanto, ken ti cayo a cedro, ken ti escarlata, ken ti hisopo, ket itanebnanto ida, agraman ti sibibiag a tumatayab, iti dara ti pinatay a tumatayab iti rabaw ti danum nga agay-ayus:

Levitico 14:6 Iomraidhean Croise

Dagiti Salmo 51:7

Ugasannak iti basolko tapno nadalusak; buggoannak ket napudpudawakto ngem kapas.

Levitico 14:4

agpaala ti padi iti dua a tumatayab a maibilang a nadalus, agraman kayo a sedro, nalabaga a lupot ken sanga ti hisopo.

Levitico 14:5

Kalpasanna, ibilin ti padi a maparti ti maysa a tumatayab iti ngatoen ti maysa a banga a nakargaan iti kasasakdo a danum ti ubbog.

Levitico 14:50

Patayenna ti maysa a tumatayab iti ngatoen ti damili a malukong a nakargaan iti kasakdo a danum ti ubbog.

Zacarias 13:1

Kuna ni Yahweh a Mannakabalin-amin, “Inton dumteng dayta a tiempo, addanto ubbog a maluktan nga agpaay kadagiti kaputotan ni David ken dagiti tattao iti Jerusalem tapno maugasan ti basol ken kinarugitda.

San Juan 14:19

Bassit laengen a tiempo ket dinakto makitan ti lubong, ngem dakayo, makitadakto. Ket gapu ta agbiagak, agbiagkayto met.

Taga-Roma 4:25

Nayawat ni Jesus a matay gapu kadagiti basoltayo, ket napagungar tapno mapalintegtayo iti sangoanan ti Dios.

Taga-Roma 5:10

Ta idi, kabusornatayo ti Dios. Ngem ita, pinagbalinnatayo a gagayyemna babaen iti ipapatay ti Anakna. Ita ta gagayyemnatayon ti Dios, ad-adda pay a maisalakantayo gapu iti biag ni Cristo!

Hebreo 1:3

Ti Anak ti mangipakita iti dayag ti Dios. Isu ti napaypayso a ladawan ti kinadiosna. Isu pay ti mangtartarawidwid iti amin a lubong babaen iti mannakabalin a saona. Kalpasan ti pananggun-odna iti pannakapakawan ti basol ti sangkataoan, nagtugaw sadi langit iti makannawan ti Kangatoan a Pannakabalin.

Paltiing 1:18

Siak ti sibibiag! Natayak idi, ngem kitaem, sibibiagak iti agnanayon nga awan inggana. Adda kaniak dagiti tulbek ni Patay ken ti Hades.

Paltiing 1:5

Aggapu pay ken ni Jesu-Cristo a mapagtalkan a saksi, inauna nga Anak a nagungar ken kangatoan kadagiti agtuturay iti lubong. Ay-ayatennatayo ni Jesu-Cristo, ket winayawayaannatayo kadagiti basbasoltayo babaen iti ipapatayna.