Levitico 14:4 - Ti Baro a Naimbag a Damag Biblia

⁴ agpaala ti padi iti dua a tumatayab a maibilang a nadalus, agraman kayo a sedro, nalabaga a lupot ken sanga ti hisopo.

Ti Biblia (1973)

⁴ Agbilinto ngarud ti padi iti pannacaala iti biang ni padalusan ti dua a sibibiag a tumatayab a nadalus, ken cayo a cedro, ken escarlata, ken hisopo:

Levitico 14:4 Iomraidhean Croise

Dagiti Salmo 51:7

Ugasannak iti basolko tapno nadalusak; buggoannak ket napudpudawakto ngem kapas.

Exodo 12:22

“Mangalakayo iti sanga ti hisopo, isawsawyo iti dara nga adda iti palanggana ket warsianyo dagiti baotek ken ti ngatoen ti ruangan dagiti balbalayyo. Agtalinaedkayo kadagiti balbalayyo agingga iti bigat.

Levitico 1:14

No tumatayab ti datonna a mapuoran, masapul a pagaw wenno sibong ti kalapati ti idatagna.

Levitico 12:8

No di kabaelan ti babai ti mangidaton iti urbon a karnero, mangala iti dua a kalapati wenno pagaw; maysa ti daton a mapuoran ket daton gapu iti basol ti maysa. Annongen ti padi ti seremonia a mangikkat iti kinarugit ti babai ket maibilangton a nadalus.

Levitico 14:5

Kalpasanna, ibilin ti padi a maparti ti maysa a tumatayab iti ngatoen ti maysa a banga a nakargaan iti kasasakdo a danum ti ubbog.

Levitico 14:6

Alaenna ti sabali a tumatayab agraman ti kayo a sedro, ti nalabaga a lupot ken ti sanga ti hisopo sana itaneb ida iti dara ti naparti a tumatayab.

Levitico 5:7

No saan a kabaelan ti maysa a tao ti mangidaton iti karnero wenno kalding, mangidaton iti dua a kalapati wenno dua a sibong ti kalapati a kas multana—maysa ti daton gapu iti basol, ket ti maysa daton a mapuoran.

Numero 19:18

Mangala ti siasinoman a maibilang a nadalus iti saringit ti hisopo, itanebna iti danum sana warsian ti tolda, dagiti amin nga alikamen iti unegna ken dagiti tattao nga adda sadiay. Kasta met a tao a nadalus iti imatang ti linteg ti mangwarsi iti tao a nangsagid iti tulang ti tao wenno tanem wenno bangkay.

Numero 19:6

Mangala ti padi iti sumagmamano a kayo ti sedro, saringit ti hisopo ken nalabaga a lupot sana ipurruak dagitoy iti apuy.

Hebreo 9:19

Impakaammo ni Moises dagiti amin a bilbilin kadagiti amin a tattao kas nailanad iti Linteg. Kalpasanna, innalana ti dara dagiti urbon a baka ken kalding sana inlimog iti danum, ket winarsianna ti libro ti Linteg ken dagiti tattao babaen iti hisopo ken lumabaga a de lana.