Levitico 14:21 - Ti Baro a Naimbag a Damag Biblia

²¹ No napanglaw ti tao ket dina kabaelan nga idatag dagitoy, umanayen ti maysa a kalakian a karnero a datonna a pagsupapak iti pannakadalusna, maysa a naisangsangayan a sagut iti Apo. Mangidatag laeng iti maysa a kilo nga arina a nalaokan iti lana ti olibo a kas daton a makan ken kakatlo ti litro a lana ti olibo.

Ti Biblia (1973)

²¹ Ket no napanglaw, ket awan mabalinna a pangalaan iti casdiay, mangalanto ngarud iti maysa a cordero a lalaki nga agservi a daton a mailili gapu iti salungasing, tapno maaramid a pacaabbonganna, ken maysa a pagcapulo ti maysa nga efa ti namayecmec nga harina a nalaocan iti lana ken maysa a log ti lana daton a macan;

Levitico 14:21 Iomraidhean Croise

Ti Libro ni Job 34:19

Saanna nga ayonan dagiti agtuturay. Dina idumduma dagiti baknang kadagiti napanglaw ta pinarsua amin ti Dios ida.

Dagiti Proverbio 17:5

No pagang-angawam ti napanglaw, insultoem ti Dios a nangaramid kenkuana. Madusaka no katawaam ti kinadaksanggasat ti maysa a tao.

Dagiti Proverbio 22:2

Awan paggiddiatan ti nabaknang ken ti napanglaw, agsipud ta agpadpadada a pinarsua ti Apo.

Ezekiel 46:7

Pakuyoganna iti kagudua ti salup a daton a makan ti tunggal toro a baka ken tunggal kalakian a karnero ket iti tunggal urbon ti karnero, aniaman a kayat nga ited ti prinsipe. Tallo nga apagkapat a galon ti lana ti olibo ti maipakuyog iti tunggal kagudua ti salup a daton a makan.

Levitico 1:14

No tumatayab ti datonna a mapuoran, masapul a pagaw wenno sibong ti kalapati ti idatagna.

Levitico 12:8

No di kabaelan ti babai ti mangidaton iti urbon a karnero, mangala iti dua a kalapati wenno pagaw; maysa ti daton a mapuoran ket daton gapu iti basol ti maysa. Annongen ti padi ti seremonia a mangikkat iti kinarugit ti babai ket maibilangton a nadalus.

Levitico 14:10

Iti maikawalo nga aldaw, mangala iti tallo nga urbon ti karnero—dua kadagitoy ti kalakian nga agtawen iti maysa ken awan depektoda. Mangala pay iti tallo a kilo nga arina a nalaokan iti lana ti olibo, ken maysa a kakatlo ti litro a lana ti olibo.

Levitico 14:22

Mangisagana met iti dua a kalapati wenno dua a pagaw. Maysa ti agpaay a daton gapu iti basol, ket ti maysa a daton a mapuoran.

Levitico 27:8

No napanglaw ti nagkari ket dina kabaelan a bayadan ti naituyang a gatad, idatagna iti padi ti tao a nagkari ket ikeddeng ti padi ti nababbaba a gatad, segun ti kabaelanna nga ibayad.

Levitico 5:11

No saan a kabaelan ti maysa a tao ti mangidaton iti dua a kalapati wenno dua a sibong ti kalapati, mangidatag iti sangakilo nga arina a kas daton gapu iti basolna. Dina ikkan iti lana ti olibo wenno insenso, agsipud ta daytoy ti daton gapu iti basol.

Levitico 5:7

No saan a kabaelan ti maysa a tao ti mangidaton iti karnero wenno kalding, mangidaton iti dua a kalapati wenno dua a sibong ti kalapati a kas multana—maysa ti daton gapu iti basol, ket ti maysa daton a mapuoran.

San Lucas 6:20

Kinita ni Jesus dagiti adalanna ket kinunana: “Nagasatkayo, dakay a napanglaw, ta kukuayo ti Pagarian ti Dios!

2 Taga-Corinto 8:12

No sigagagarkayo a mangted, awatento ti Dios ti sagut a maitedyo, saan a ti awan kadakayo.

2 Taga-Corinto 8:9

Ammoyo ti parabur ni Apotayo a Jesu-Cristo: Idinto a nabaknang, nagbalin a napanglaw gapu kadakayo tapno pabaknangennakayo babaen iti kinapanglawna.

1 Samuel 2:8

Manipud iti tapok, bangonenna ti nakurapay ket ti napanglaw aonenna iti kasasaad a nakaay-ay-ay. Ikkanna ida iti lugar iti ayan dagiti prinsipe, ket isaadna ida iti natan-ok a pagtugawan. Kukua ti Apo dagiti fondasion ti daga; binangonna ti lubong iti rabawda.