Levitico 13:45 - Ti Baro a Naimbag a Damag Biblia

⁴⁵ No addaan ti maysa a tao iti kukutel, masapul nga agkawes iti pigispigis, bay-anna a wakray ti buokna, abbonganna ti akimbaba a paset ti rupana sana ipukkaw, “Narugitak, narugitak!”

Ti Biblia (1973)

⁴⁵ Ket ti agcucutel nga agsacsakit, dagiti pagan-anayna maray-abdanto, ket ti booc ti olona mawacrayto, ket abbongannanto ti akingato a bibigna, ket agpuccawto, Saan a nadalus, saan a nadalus.

Levitico 13:45 Iomraidhean Croise

Mikias 3:7

Maibabainto dagiti mangibaga iti mapasamak iti masakbayan ta saan a matungpal dagiti ipadtoda. Maupaydanto agsipud ta saan ida a sungbatan ti Dios.

Levitico 10:6

Kinuna ni Moises ken ni Aaron ken kadagiti annakna nga Eleazar ken Itamar, “Diyo kusokusoen dagiti buokyo wenno ray-aben dagiti pagan-anayyo a mangipakita iti panagladingityo. No aramidenyo dayta, mataykayo ket kapungtot ti Apo ti entero a gimong. Ngem mapalubosan amin a padayo nga Israelita a mangdung-aw iti pannakapapatayda iti apuy nga inyeg ti Apo.

Ezekiel 24:17

Dimo ipalubos nga adda makangngeg iti saibbekmo. Saanka a rummuar a kas pakakitaan iti panagladingitmo. Dimo abbongan ti rupam. Dika mangan iti taraon dagiti agladladingit.”

Dungdung-aw 4:15

“Umadayokayo!” ipukkaw dagiti tattao. “Natulawankayo! Didakam sagsagiden.” Nagalla-allada ngarud kadagiti pagilian; awan a pulos ti nangpasangbay kadakuada.

San Lucas 17:12

Idi sumungsungad iti maysa a barrio, sinabat ti sangapulo a lallaki nga agkukutel. Nagtakderda iti adayo bassit

Ezekiel 24:22

Tuladenyonto ti ar-aramidek: Diyonto abbongan ti rupayo. Dikayto mangan iti taraon dagiti agladingit.

Levitico 21:10

“No ti Nangato a Padi a nabukbokan ti ulona iti lana ket nakonsagrar nga agaruat kadagiti sagrado a kawes dagiti papadi, saanna a baybay-an a wakray ti buokna wenno ray-aben ti pagan-anayna a mangipakita ti panagladingitna.

San Lucas 5:8

Idi makita ni Simon Pedro ti napasamak, nagparintumeng iti sangoanan ni Jesus ket kinunana, “Apo, adaywannak! Maysaak a managbasol.”

Isaias 64:6

Managbasolkami amin; uray dagiti kasayaatan nga aramidmi mayarigda iti nakarugrugit a nisnis. Gapu kadagiti basolmi, mayarigkami iti nagango a bulong a mayang-angin.

Isaias 6:5

Kinunak, “Asiak pay! Awanen ti namnamak! Dakes amin nga agaon iti ngiwatko ket agnaedak iti sidong dagiti tattao a narugit ken dakes ti tunggal ibalikasda. Nupay kasta, nakitak kadagiti mismo a matak ti Ari, ti Apo a Mannakabalin-amin!”

Dagiti Salmo 51:3

Bigbigek a nagbiddutak, ket kadagiti basbasolko silalagipak.

Joel 2:13

Ipakitayo ti agsensennaay a pusoyo iti ladingit; saan nga umdas ti panangray-abyo iti pagan-anayyo.” Agsublikay iti Apo a Diosyo. Naasi ken managparabur, naanus ken tungpalenna ti karina; sidadaan a mamakawan, saan a mangdusa.

Jeremias 36:24

Ngem saan latta a nagbuteng wenno nagbabawi ti ari ken dagiti ofisialesna a nakangngeg iti amin a naibasa.

Jeremias 3:25

Rumbeng nga agiddatayo a sibabain ket abbongannatayo iti pannakaibabaintayo. Nagbasoltayo a kankanayon iti Apo a Diostayo, datayo ken dagiti kapuonantayo. Ditay tinungpal dagiti bilinna.”

Dagiti Salmo 51:5

Adtoy a naipasngayak iti kinadakes, ket iti basol nainawak.

Ti Libro ni Job 42:6

Isut' gapuna a mabainak iti amin a naisawangko; agbabawiak ket warsiak ti bagik iti tapok ken dapu.

Ti Libro ni Job 1:20

Timmakder ni Job ket rinay-abna ti pagan-anayna gapu iti ladingitna. Kinuskosanna ti ulona sa nagpakleb iti daga ket nagdaydayaw.

2 Samuel 13:19

Winarakiwakan ni Tamar ti ulona iti dapu. Rinay-abna ti kawesna sana intakkab ti imana iti rupana ket agsangsangit a nagawid.

Genesis 37:29

Idi mapan ni Ruben iti bubon, awanen ni Jose ket rinay-abna ti pagan-anayna gapu iti napalalo a ladingitna.

Isaias 52:11

Pumanawkayo, pumanawkayo iti Babilonia, dakay a mangaw-awit kadagiti nasagradoan nga alikamen! Diyo sagiden ti aniaman a maiparit; pasantoenyo dagiti bagbagiyo, ket panawanyo ti siudad.

Levitico 13:44

ipakaammona a narugit ti tao iti imatang ti linteg ta adda makaakar a sakit ti kudil iti ulona.

2 Ar-ari 7:3

Iti ruar ti ruangan ti Samaria, adda uppat a lallaki nga agkukutel. Kinunada iti maysa ken maysa, “Apay nga agur-uraytayo ditoy agingga a mataytayo?

Numero 5:2

“Bilinem dagiti Israelita a pagtalawenda iti kampo ti amin nga agkukutel wenno agtuttutot iti aniaman a paset ti bagida ken amin a narugit iti imatang ti linteg gapu iti panangsagidda iti bangkay.