Levitico 13:2 - Ti Baro a Naimbag a Damag Biblia

² No adda gaddil ti maysa a tao wenno letteg, wenno busali a mabalin nga agtinnag a kukutel, masapul a maidatag iti padi, ni Aaron wenno maysa kadagiti annakna.

Ti Biblia (1973)

² No iti maysa a tao adda tumaud a letteg, iti cudil ti lasagna wenno latlat, wenno aglaslasilas, ket agbalin a sakit a cucutel iti cudil ti lasagna, maipanto ngarud ken Aaron, a padi, wenno iti maysa cadagiti annacna a lallaki a padi:

Levitico 13:2 Iomraidhean Croise

2 Samuel 3:29

Sapay koma ta ikaro ni Joab ken ti amin a kameng ti familiana ti pannakapapatayna. Iti tunggal kaputotan, adda koma latta lalaki iti familiana nga aggonorrea wenno agkukutel wenno ti laeng trabaho ti babai ti ammona nga aramiden wenno matay iti paggugubatan wenno agkurang ti kanenna!”

2 Ar-ari 5:1

Iti imatang ti ari ti Siria, natan-ok ni Naaman a pangulo ti armada ti Siria. Raraemenna unay agsipud ta gapu kenkuana, pinagballigi ni Yahweh ti armada ti Siria. Maingel a lalaki ni Naaman, ngem agkukutel.

2 Ar-ari 5:27

Ita, kumpet kenka ti sakit ni Naaman, ket kumpet kenka ken kadagiti kaputotam iti agnanayon!” Idi pumanaw ni Gehazi, agkukutelen—pimmuraw ti kudilna a kas iti kapas.

Isaias 1:6

Pasig a sugat ti entero a bagiyo manipud dapan agingga iti ulo. Awan ti nasalun-at a paset ti bagiyo. Nalapunoskayo iti dunor, gaddil ken sugat. Saan a nadalusan wenno nabedbedan dagiti sugatyo. Awan ti nayagas kadakuada.

Isaias 3:17

Ngem dusaekto ida: kuskosakto dagiti uloda ket lukaisak dagiti ilemlemmengda.”

Levitico 13:1

Inted ni Yahweh kada Moises ken Aaron dagitoy nga alagaden.

Levitico 13:3

Kitaen a naimbag ti padi ti timmubo iti kudil. No pimmuraw ti dutdot iti nagtuboanna ket kasla naun-uneg ti gaddil ngem iti kudil ti lawlawna, makaakar a sakit ti kudil ti timmubo. Iti kasta, ipakaammo ti padi a saan a nadalus daytoy a tao iti imatang ti linteg.

Levitico 13:8

No makita ti padi a nagwaras ti gaddil, ipakaammona a saan a nadalus ti tao iti imatang ti linteg; kukutel ti kimpet kenkuana.

Levitico 14:3

ket ipan ti padi iti ruar ti kampo sana eksamenen. No naimbagen ti sakit,

Malakias 2:7

Pagrebbengan dagiti papadi nga isuro ti pudno a pannakaammo iti Dios. Gapu ta isuda ti babaonen ni Yahweh a Mannakabalin-amin, rumbeng nga isuda ti papanan dagiti tattao tapno masursuroda ti pagayatak.

Numero 12:10

nagpukaw ti ulep iti Tolda, dagus a nalapunos ni Miriam iti kukutel ket nagbalin a puraw a kasla kapas ti kudilna. Nakita ni Aaron a nalapunos ni Miriam iti sakit,

Numero 12:12

Dimo koma ipalubos a maipada ni Miriam iti natay a nayanak a narunot ti kagudua ti bagina.”

San Mateo 8:4

Ket kinuna ni Jesus kenkuana, “Denggem! Awan pangibagbagaam iti daytoy, ngem inka a dagus iti padi tapno kitaenna no naimbagkan. Kalpasanna, kas mayannatup iti Linteg ni Moises, ipaaymo ti daton a pammaneknek kadagiti tattao nga immimbagkan.”

San Marcos 1:44

“Denggem! Awan pangibagbagaam iti daytoy. Inka agparang iti padi tapno kitaennaka. Kalpasanna, kas imbilin ni Moises, mangipaayka iti daton a pammaneknekmo kadagiti tattao nga immimbagkan.”

San Lucas 17:14

Nakita ida ni Jesus ket kinunana, “Inkay agpakita kadagiti papadi.” Idi addada iti dalan, naimbagandan.

San Lucas 5:14

Imbilin ni Jesus kenkuana: “Awan pangibagbagaam iti daytoy, ngem inka agparang a dagus iti padi tapno kitaennaka. Kalpasanna, iruknoymo ti daton nga imbilin ni Moises a pammaneknekmo kadagiti tattao nga immimbagkan.”

Deuteronomio 24:8

“No maipapan iti kukutel, tungpalenyo ti amin nga ibilin dagiti papadi a Levita.

Deuteronomio 28:27

Pagbusaliennakayto ti Apo a kas iti impalak-amna kadagiti taga-Egipto. Malapunoskayto iti gaddil. Agkuradkayto ket agkudkodkayo ngem awanto ti agasna.