Levitico 12:7 - Ti Baro a Naimbag a Damag Biblia

⁷ Idatag ti padi dagitoy iti Apo ket aramidenna ti seremonia a mangikkat iti kinarugit; kalpasanna, maibilangton a nadalus. Daytoy ti rumbeng nga aramiden ti babai kalpasan ti panagpasngayna.

Ti Biblia (1973)

⁷ Ket ti padi idatonnanto iti sango ni Jehova, ket aramidennanto ti pannacaabbongna; ket ni naganac madalusanton iti lunayenna. Daytoy ti alagadenna nga aganac iti lalaki man wenno babai.

Levitico 12:7 Iomraidhean Croise

Ti Libro ni Job 1:5

Tunggal malpas ti padaya, bumangon a masapa ni Job ket agpuor kadagiti daton a maipaay iti pannakadalus dagiti annakna. Naipaugali nga aramidenna daytoy ta kunkunana iti bagina, “Amangan no nagbasol dagiti annakko babaen iti pananglaisda iti Dios iti unegda.”

Ti Libro ni Job 14:4

Adda kadi nadalus nga agtaud iti narugit a tao?

Levitico 1:4

Ipatayna ti imana iti ulo ti animal ket maawatto a kas daton a mangikkat kadagiti basbasolna.

Levitico 12:6

No maturpos dagiti aldaw a pannakadalusna, lalaki man wenno babai ti anakna, masapul a mangidaton iti urbon ti karnero a maysa ti tawenna para iti daton a mapuoran ken maysa a sibong ti kalapati wenno pagaw para iti daton gapu iti basol. Ipanna dagitoy kadagiti papadi iti ruangan ti Tolda ti Dios.

Levitico 12:8

No di kabaelan ti babai ti mangidaton iti urbon a karnero, mangala iti dua a kalapati wenno pagaw; maysa ti daton a mapuoran ket daton gapu iti basol ti maysa. Annongen ti padi ti seremonia a mangikkat iti kinarugit ti babai ket maibilangton a nadalus.

Levitico 15:15

Idatag ti padi ti maysa a tumatayab a daton gapu iti basol ket ti maysa a daton a mapuoran. Kastoy ti panangannongna iti seremonia ti pannakadalus ti kasta a tao.

Levitico 4:20

Aramidennanto iti daytoy a baka ti kas iti inaramidna iti baka a naidatag gapu iti basol, ket kalpasan ti panangannongna iti seremonia a pangikkat iti basol, napakawanen dagiti tattao.

Levitico 4:26

Kalpasanna, puoranna amin a taba ti animal iti altar, kas iti inaramidna iti taba dagiti animal a naidaton a pakikappia. Kastoy ti pannakaidatag ti daton gapu iti basol tapno mapakawan ti agturay.

Levitico 4:31

Kalpasanna, ikkatenna ti amin a taba ti animal kas iti inaramidna iti taba dagiti animal a naidaton a pakikappia. Puoranna dagitoy iti altar kas nabanglo a daton iti Apo. Kastoy ti pannakaidatag iti daton gapu iti basol tapno mapakawan dayta a tao.

Levitico 4:35

Kalpasanna, ikkatenna ti amin a taba ti animal kas iti panangikkatna iti taba dagiti animal a naidaton a pakikappia. Puoranna dagitoy iti altar a maigiddan iti daton a mapuoran a naidatag iti Apo. Kastoy ti pannakaidatag iti daton gapu iti basol tapno mapakawan dayta a tao.

Taga-Roma 3:23

Nagbasol amin a tattao ket agkurangda iti kinadayag ti Dios.

Taga-Roma 3:26

Ngem iti agdama a tiempo, dina palabasenen ti basol ti tao tapno ipakitana ti kinalintegna. Kastoy ti panangipakita ti Dios a nalinteg ti aramidna, ket palintegenna ti amin a mamati ken ni Jesus.

1 Taga-Corinto 7:14

Ta naidaton iti Dios ti saan a mamati a lalaki gapu iti pannakitiponna iti asawana. Kasta met a naidaton iti Dios ti saan a mamati a babai gapu iti pannakitiponna iti asawana. No saan koma a kasta, mayarig dagiti annakda nga ubbing kadagiti saan a mamati, ngem iti kinapudnona, naidatonda iti Dios.

Taga-Galacia 3:28

Ngarud, awan ti pagdumaan ti Judio ken Hentil, ti tagabu ken ti siwawaya, ti lalaki ken ti babai: maymaysakayo amin ken ni Cristo Jesus.