Levitico 12:2 - Ti Baro a Naimbag a Damag Biblia

² nga agpaay kadagiti Israelita. No lalaki ti ipasngay ti maysa nga ina, pito nga aldaw a maibilang a narugit kas iti pannakaibilangna bayat ti panagreglana.

Ti Biblia (1973)

² Ibagam cadagiti annac ti Israel a cunam, No ti maysa a babai agsicug ket mangyanac iti maysa a lalaki, pitonto nga aldaw a saan a nadalus; cas cadagiti al-aldaw ti kinarugit ti panagsangailina saanto a nadalus.

Levitico 12:2 Iomraidhean Croise

Genesis 1:28

Binendisionanna ida a kunana, “Aganakkayo iti adu tapno agnaedto dagiti kaputotanyo iti amin a paset ti daga ket iturayandanto ti daga. Iturayanyo dagiti ikan, dagiti tumatayab, ken amin nga atap nga animal.

Genesis 3:16

Kinunana iti babai, “Paaduekto ti rigat a sagabaem bayat ti panagsikogmo. Ket ad-addanto pay inton dumteng ti panagpasikalmo. Nupay kasta, kasapulamto latta ti asawam ngem iturayannakanto.”

2 Samuel 11:4

Pinaala ni David ni Batseba. Indatag dagiti naibaon ti babai kenkuana ket kinaiddana. (Kalkalpas ni Batseba a nangannong iti binulan a seremonia ti pannakadalusna gapu iti panagreglana.) Kalpasan ti panagkaiddada iti ari, nagawid ni Batseba.

Ti Libro ni Job 14:4

Adda kadi nadalus nga agtaud iti narugit a tao?

Ti Libro ni Job 15:14

Adda aya tao a nadalus? Adda kadi nalinteg iti imatang ti Dios?

Ti Libro ni Job 25:4

Adda aya tao a nalinteg iti imatang ti Dios? Adda aya maibilang a nadalus iti sangoananna?

Dagiti Salmo 51:5

Adtoy a naipasngayak iti kinadakes, ket iti basol nainawak.

Levitico 12:1

Inted ni Yahweh ken ni Moises dagitoy nga alagaden

Levitico 12:5

No met babai ti ipasngay ti maysa nga ina, maibilang a narugit iti las-ud ti 14 nga aldaw a kas iti pannakaibilangna bayat ti panagreglana. Palabsenna pay ti 66 nga aldaw santo maibilang a nadalusan iti panagruar ti darana.

Levitico 15:19

No agregla ti babai, pito nga aldaw a maibilang a narugit. Maibilang met a narugit agingga iti sumipnget ti siasinoman a mangsagid kenkuana.

Levitico 18:19

Diyo kainaig ti babai nga agregla gapu ta narugit iti imatang ti Linteg.

Levitico 5:3

No adda makasagid iti aniaman a maibilang a narugit a nagtaud iti tao, uray ania, makabasol apaman a mabigbigna ti inaramidna.

San Lucas 2:22

Dimteng ti tiempo a panangtungpal da Jose ken Maria iti seremonia ti pannakadalus, kas mayannurot iti Linteg ni Moises. Impanda ngarud ti ubing idiay Jerusalem tapno idatonda iti Apo