Levitico 11:40 - Ti Baro a Naimbag a Damag Biblia

⁴⁰ Ket ti siasinoman a mangan iti aniaman a paset ti animal, masapul a labaanna ti pagan-anayna ngem maibilang a narugit ti tao agingga iti sardam. Siasinoman a mangawit iti bangkay, masapul a labaanna ti pagan-anayna ngem maibilang a narugit dayta a tao agingga iti sumipnget.

Ti Biblia (1973)

⁴⁰ Ket ti mangan iti bagi daydiay a natay, labaannanto dagiti pagan-anayna ket narugitto agingga iti rumabii.

Levitico 11:40 Iomraidhean Croise

Exodo 22:31

“Dakayo dagiti tattaok, isu a dikay agsida iti karne ti animal a pinatay dagiti narungsot nga ayup. Itedyo ketdi dagitoy kadagiti aso.

Isaias 1:16

Dalusanyo dagiti bagbagiyo. Isardengyon ti amin a kinadakes a makitkitak nga ar-aramidenyo. Wen, isardengyon ti agaramid iti dakes

Ezekiel 36:25

Warsiankayto iti nadalus a danum ket madalusankayto iti amin nga didiosen ken amin a nangtulaw kadakayo.

Ezekiel 4:14

Ngem insungbatko, “Saan, Apo Dios! Diak pay tinulawan ti bagik. Manipud kinaubingko, diak pay nagsida iti karne ti animal a natay wenno pinatay ti narungsot nga animal. Diak pay nangan iti taraon a maibilang a narugit.”

Ezekiel 44:31

Maiparit nga agsida dagiti papadi kadagiti tumatayab wenno animal a natay wenno pinatay ti sabali nga animal.”

Levitico 11:39

No matay ti animal a mabalin a sidaen, maibilang a narugit agingga iti rabii ti siasinoman a mangsagid iti bangkayna.

Levitico 14:46

Maibilang a narugit agingga iti sardam ti siasinoman a sumrek iti balay bayat ti pannakarikepna.

Levitico 15:15

Idatag ti padi ti maysa a tumatayab a daton gapu iti basol ket ti maysa a daton a mapuoran. Kastoy ti panangannongna iti seremonia ti pannakadalus ti kasta a tao.

Levitico 15:27

Maibilang met a narugit ti tao a makasagid iti nagiddaan wenno nagtugawan ti babai. Masapul a labaanna ti pagan-anayna ken agdigos. Agtalinaed a narugit agingga iti sumipnget.

Levitico 16:26

Masapul a labaan ti tao a nangibulos iti kalding ti pagan-anayna sa agdigos sakbay nga agsubli iti kampo.

Levitico 16:28

Masapul a labaan ti tao a nangpuor kadagitoy ti pagan-anayna ket agdigos sakbay nga agsubli iti kampo.

Levitico 22:6

Narugit agingga iti sardam ti siasinoman a padi a maibilang a narugit. Sa la mapalubosan a mangan kadagiti nasagradoan a daton no makadigos.

Levitico 22:8

Saan a mapalubosan a mangan iti karne ti animal a natay wenno pinatay ti narungsot nga animal. No aramidenna ti kasta, agbalin a maibilang a narugit. Siak ni Yahweh.

Zacarias 13:1

Kuna ni Yahweh a Mannakabalin-amin, “Inton dumteng dayta a tiempo, addanto ubbog a maluktan nga agpaay kadagiti kaputotan ni David ken dagiti tattao iti Jerusalem tapno maugasan ti basol ken kinarugitda.

Numero 19:19

Iti maikatlo ken maikapito nga aldaw, warsian ti tao a nadalus iti imatang ti linteg ti siasinoman a maibilang a saan a nadalus. Iti maikapito nga aldaw, dalusan ti tao a narugit iti imatang ti linteg ti pagan-anayna sana buyatan ti bagina iti danum. Kalpasanna, ti tao a maibilang a nadalus ti mangannong iti seremonia ti pannakadalusna, ket maibilangen a nadalus iti sumipnget.

1 Taga-Corinto 10:21

Diyo mabalin nga inuman ti kopa ti Apo ket kalpasanna, inumanyo met ti kopa dagiti demonio. Diyo mabalin ti sumango iti panganan ti Apo ket kalpasanna, sumangokayo iti lamisaan dagiti demonio.

1 Taga-Corinto 6:11

Kasta ti sumagmamano kadakayo idi. Ngem naugasankayon iti basol, naidatonkayon iti Dios, napalintegkayon iti imatang ti Dios babaen iti nagan ni Apotayo a Jesu-Cristo ken babaen iti Espiritu ti Diostayo.

Deuteronomio 14:21

“Dikay agsida iti animal a natay; ngem mabalin a sidaen dagiti ganggannaet nga agnaed iti iliyo wenno ilako kadakuada. Ta nasagradoankayo a tattao; kukuanakayo ti Apo a Diosyo. “Diyo angren ti urbon a karnero wenno urbon a kalding iti gatas ti inana.”

1 Juan 1:7

Ngem no agbiagtayo iti lawag, a kas iti kaaddana iti lawag, agkakaduatayo ngarud, ket ti dara ni Jesus nga Anakna ugasannatayo iti amin a basol.