Levitico 10:3 - Ti Baro a Naimbag a Damag Biblia

³ Kalpasanna, kinuna ni Moises ken ni Aaron, “Daytoy ti kayat a sawen ti Apo idi kinunana, ‘Masapul a raemen dagiti amin nga agserserbi kaniak ti kinasantok. Iparangarangkonto ti dayagko kadagiti tattaok.’” Ngem nagulimek ni Aaron.

Ti Biblia (1973)

³ Idin ni Moises kinunana ken Aaron, Daytoy ti imbaga ni Jehova a kinunana, Siac masantificaracto cadagiti umasideg caniac, ket iti sango ti amin nga umili maglorificaracto. Ket ni Aaron nagulimec.

Levitico 10:3 Iomraidhean Croise

Genesis 18:25

Awan duadua a dimo iraman a patayen dagiti awanan basol kadagiti adda basolna. Saan a mabalin nga aramidem ti kasta. No kasta ti aramidem, mairaman a madusa dagiti awan basolna kadagiti adda basolna. Masapul a nainkalintegan ti panangukom ti Hues iti entero a lubong.”

Ti Libro ni Job 2:10

“Minamaag ti sasawem,” insungbat ni Job. “No mangted ti Dios iti imbag, awatentayo. Apay nga agreklamotayo no mangyeg iti rigat?” Ngem iti laksid ti panagsagaba ni Job, saan latta a nagsao iti maibusor iti Dios.

Dagiti Salmo 119:120

Agtigtigergerak gapu iti amakko kenka, ket kabutengko dagiti pangngeddengmo.

Dagiti Salmo 148:14

Pinagbalinna a nabileg ti pagilianna, isut' gapuna nga idaydayaw ti amin a tattaona, ti Israel a napateg kenkuana. Madaydayaw ti Apo!

Dagiti Salmo 39:10

Isardengmon ti panangdusam kaniak; Matayakon gapu kadagiti danog nga impalak-ammo.

Dagiti Salmo 39:9

Agulimekak, diak agsao iti aniaman a balikas, agsipud ta sika ti nangipaay iti panagsagabak.

Dagiti Salmo 46:10

“Isardengyo ti aggugubat ket ammoenyo a siak ti Dios,” kunana. “Siak ti kangatoan kadagiti nasion, katan-okan iti entero a lubong!”

Dagiti Salmo 89:7

Dioska a pagraraeman dagiti parsua a nailangitan; naindaklan ken pagbutbutngandaka dagiti adda iti sangoanam.

Dagiti Salmo 93:5

Agnanayon dagiti lintegmo, O Apo, ket pudno a nasantoan ti balaymo, iti agnanayon nga awan inggana.

Exodo 14:17

Patangkenek iti kasta unay ti puso dagiti Egipcio tapno kamatenda ida. Maidaydayawakto iti panangparmekko iti ari, iti armadana, kadagiti luganna ken kadagiti nagkabalio a soldadona.

Exodo 14:4

Patangkenekto ti pusona ket kamatennanto ida. Maidaydayawakto iti panangparmekko kenkuana ken iti amin nga armadana. Maammoanto dagiti Egipcio a siak ni Yahweh.” Tinungpal dagiti Israelita ti naibilin kadakuada.

Exodo 19:22

Uray dagiti papadi nga umasideg kaniak, masapul a dalusanda dagiti bagbagida, ta no saan, dusaek ida.”

Exodo 19:24

Ngem kinuna ni Yahweh kenkuana, “Sumalogka ket inka alaen ni Aaron. Ngem saan a labsan dagiti papadi ken dagiti tattao ti beddeng nga umasideg kaniak ta dusaek ida no aramidenda ti kasta.”

Exodo 30:30

“Kalpasanna, ikonsagrarmo ni Aaron ken dagiti annakna ket ordenam ida a papadi nga agserbi kaniak.

Isaias 39:8

Impagarup ni Ari Hezekias a kayat a sawen daytoy ti kaadda ti kappia ken talged bayat ti panagbiagna, isut' gapuna nga insungbatna, “Napintas ti sao ti Apo nga imbagam kaniak.”

Isaias 49:3

Kinunana kaniak, “Israel, sika ti adipenko. Gapu kenka, idaydayawdakto dagiti tattao.”

Isaias 52:11

Pumanawkayo, pumanawkayo iti Babilonia, dakay a mangaw-awit kadagiti nasagradoan nga alikamen! Diyo sagiden ti aniaman a maiparit; pasantoenyo dagiti bagbagiyo, ket panawanyo ti siudad.

Ezekiel 20:41

Awatek sadiay dagiti datonyo kalpasan a nairuarkayo manipud kadagiti pagilian a nakaiwarawaraanyo ket makitanto dagiti nasion a nasantoanak.

Ezekiel 28:22

Ibagam kadagiti tattao sadiay a siak nga Apo a Dios, kastoy ti kunak: ‘Sidon, siak ti kabusormo. Idaydayawdakto dagiti tattao gapu iti aramidek kenka. Kalpasan ti panangdusak kadagiti agnaed kenka, maammoandanto a siak ti Apo ken no kasano ti kinasantok.

Ezekiel 38:16

Rautemto dagiti tattaok nga Israelita; kaskanto la bagio nga aglasat iti daga. Inton dumteng dayta a tiempo, ibaonkanto a mangsakup iti dagak tapno maiparangarang kadagiti nasion no siasinoak ken tapno maipakita ti kinasantok iti panangaramatko kenka.

Ezekiel 40:46

ket ti kuarto a sumango iti amianan agpaay kadagiti papadi nga agserbi iti altar. Nagtaudda amin iti kaputotan ni Zadok; isuda laeng ti makastrek iti sangoanan ti Apo tapno agserbida kenkuana.

Ezekiel 42:13

Kinuna ti lalaki kaniak, “Nasantoan dagitoy dua a patakder a panganan dagiti papadi kadagiti kasantoan a daton no dumatagda iti sangoanan ti Apo. Gapu ta nasantoan dagiti kuarto, ikabil dagiti papadi dagiti kasantoan a sagut sadiay: dagiti daton a makan, daton a pakapakawanan ti basol wenno daton gapu iti basol.

Levitico 21:15

Ta no saan, maibilang a narugit dagiti annakna a rumbeng koma a nasantoan. Siak ni Yahweh a nangilasin kenkuana nga agserbi a Kangatoan a Padi.”

Levitico 21:17

nga ibagana daytoy ken ni Aaron, “Saan a mabalin ti siasinoman a kaputotam nga adda depekto ti bagina a mangidatag kaniak iti daton a mapuoran. Agpaay daytoy nga alagaden iti amin a tiempo iti masakbayan.

Levitico 21:21

Awan ti kaputotan ni Aaron a padi nga adda depekto ti bagina ti mapalubosan a mangidatag kaniak iti daton a mapuoran.

Levitico 21:6

Masapul a nasantoan ti padi ket dina ibabain ti naganko. Agidatag kadagiti daton a mapuoran, ket masapul nga agbalin a nasantoan.

Levitico 21:8

Masapul nga ibilang dagiti tattao a nasantoan ti padi, agsipud ta agidatag kaniak kadagiti daton a mapuoran. Siak ni Yahweh. Nasantoanak, ket pasantoek dagiti tattaok.

Levitico 22:9

“Masapul nga annuroten dagiti amin a papadi dagiti alagaden nga intuyangko. Ta no saan makabasolda ket matayda gapu ta sinalungasingda dagiti nasagradoan nga alagaden. Siak ni Yahweh a mangpasanto kadakuada.

Levitico 8:35

Agyankayo iti ruangan ti Tolda ti Dios iti aldaw ken rabii iti las-ud ti pito nga aldaw, ta no saanyo nga aramiden, mataykayo. Daytoy ti imbilin kaniak ti Apo.”

Numero 16:5

Kalpasanna, kinunana ken ni Kora ken kadagiti pasurotna, “Inton agsapa no bigat, ipakaammonto kadatayo ti Apo no siasino dagiti tattao a pinilina nga umasideg kenkuana iti altar.

Numero 20:12

Ngem inungtan ni Yahweh da Moises ken Aaron, “Gapu ta nakapsut ti pammatiyo a mangipakaammo iti nasantoan a pannakabalinko iti imatang dagiti Israelita, saanyonto a maidanon ida iti daga nga inkarik nga ited kadakuada.”

San Mateo 10:37

“Ti dakdakkel ti panagayatna iti amana wenno iti inana ngem ti panagayatna kaniak, saan a maikari nga agbalin nga adalak; ti dakdakkel ti panagayatna kadagiti annakna ngem ti panagayatna kaniak, saan a maikari nga agbalin nga adalak.

San Juan 12:28

O Ama, itan-okmo ti naganmo!” Ket kinuna ti maysa a timek a naggapu sadi langit, “Intan-okkon, ket itan-okkonto manen!”

San Juan 14:13

Aramidekto ti aniaman a dawatenyo iti naganko tapno maitan-ok ti Ama babaen iti Anak.

Deuteronomio 32:51

Ngamin, saankayo a nagtalek kaniak iti imatang dagiti Israelita. Imbabaindak idi addakayo iti kadandanuman ti Meriba, iti asideg ti ili ti Kades, iti let-ang ti Zin.

2 Taga-Tesalonica 1:10

Mapasamakto daytoy inton umay iti dayta nga Aldaw tapno awatenna ti pannakaitan-ok nga aggapu kadagiti amin a tattaona ken pammadayaw nga aggapu kadagiti amin a mamati. Mairamankayto met kadakuada agsipud ta pinatiyo ti mensahe nga impakaammomi kadakayo.

1 Pedro 4:17

Dimtengen ti tiempo a panangukom ti Dios ket umunanto nga ukomenna dagiti bukodna a tattao. No datayo ti pangrugian ti panangukomna, anianto ngata ti pagtungpalan dagiti saan nga agtulnog iti ebanghelio ti Dios?

1 Samuel 2:30

Siak, ni Yahweh a Dios ti Israel, ti nangikari idi iti familiam ken iti kaputotam nga agserbida kaniak a padi iti agnanayon. Ngem ita, ibabawikon! Ta raemek laeng dagiti agraem kaniak, ket umsiek met dagiti mangumsi kaniak.

1 Samuel 3:18

Imbaga ngarud ni Samuel ti amin nga imbaga ti Apo. Awan ti inlimlimedna. Kinuna ni Eli, “Isu ti Apo; aramidennanto ti aniaman nga ammona a naimbag.”

1 Samuel 6:20

Daytoy ti gapuna a kinuna dagiti tattao ti Betsemes: “Siasino ti makaitured nga agtakder iti sango ti Apo a nasantoan a Dios? Sadino ti mabalintayo a pangipanan kenkuana tapno mayadayo kadatayo?”