Levitico 10:19 - Ti Baro a Naimbag a Damag Biblia

¹⁹ Insungbat ni Aaron, “Maragsakan ngata ti Apo no kanek ita nga aldaw ti daton gapu iti basol? Ita nga aldaw, indatag dagiti tattao iti Apo ti datonda gapu iti basol ken ti datonda a mapuoran ngem nagdissuor latta kaniak dagitoy nakaam-amak a banag.”

Ti Biblia (1973)

¹⁹ Ket ni Aaron kinunana ken Moises, Adtoy, daytoy nga aldaw impaayda ti datonda gapu iti basol ken ti datonda a mapuuran iti sango ni Jehova; ket naipaayda caniac cas cadagitoy: ket no kinnanco coma ita ti daton gapu iti basol, nacaay-ayonto ngata coma iti imatang ni Jehova?

Levitico 10:19 Iomraidhean Croise

Isaias 1:11

Kunana, “Ipagarupmo kadi a kayatko dagiti amin a daton nga idatdatagmo kaniak? Naumaakon kadagiti karnero nga idatdatagmo a daton a mapuoran ken iti taba dagiti kasayaatan nga animal. Diak kayaten ti dara dagiti toro a baka, karnero ken kalding.

Isaias 1:15

“No agkararagkayo nga umawag kaniak, dikayto talliawen. Uray kararagkayo a kararag, dikayto denggen ta namansaan iti basol dagiti imayo.

Jeremias 14:12

Uray no agayunarda, diakto ipangag ti dawatda. Uray no mangidatagda iti daton a mapuoran ken daton a makan, diakto awaten ida. Papatayekto ketdi ida iti gubat, bisin ken angol.”

Jeremias 6:20

Ania ti gapuna a yegda kaniak dagiti insenso a naggapu idiay Seba wenno bangbanglo a naggapu iti adayo a daga? Diak awaten dagiti datonda ket diak maay-ayo kadagiti sakrifisioda.

Oseas 9:4

Kadagita ganggannaet a daga, saanto a mabalin nga agibuyatda iti daton nga arak iti Apo wenno agidatag kadagiti sakrifisioda kenkuana. Mayarig ti taraonda iti taraon ti nagminatay. Matulawan ti mangan kadakuada. Awanto ti maipan iti Templo ti Apo a kas sakrifisio. Kanendanto laeng a pamedped iti bisinda.

Levitico 10:20

Napnek ni Moises iti palawag ni Aaron.

Levitico 9:12

Pinartina ti animal a bukodna a daton a mapuoran. Impan kenkuana dagiti annakna ti dara ket imbuyatna iti uppat a sikigan ti altar.

Levitico 9:8

Napan ni Aaron iti altar ket pinatayna ti bumaro a baka a datonna gapu iti basolna.

Malakias 1:10

Kuna ti Apo a Mannakabalin-amin, “Adda koma maysa kadakayo a mangirikep iti ruangan ti Templo tapno dikay makastrek a mangpasged iti awan serserbina nga apuy iti altarko. Diak maragsakan kadakayo, ket diak awaten dagiti daton nga idatagyo kaniak.

Malakias 1:13

Kunayo, ‘Naumakamin kadagitoy!’ ket musiigandak. Mangidatagkayo iti tinakaw nga animal a kas datonyo kaniak wenno pilay wenno masakit. Ipagarupyo kadi nga awatek dagitoy?

Malakias 2:13

Ar-aramidenyo pay daytoy: Agsangit ken agdung-awkayo iti altar ti Apo ket lapunosenyo iti lua gapu ta dina awatenen dagiti idatonyo kenkuana.

Deuteronomio 12:7

Sadiay, iti imatang ti Apo a Diosyo a nangbendision kadakayo, mangankayto a sangafamilian ket agrarag-okayo gapu kadagiti paraburna kadakayo.

Deuteronomio 26:14

Diak nangan iti apagkapullo idi nagminatayak. Awan ti inruarko iti daytoy idi maibilangak a narugit iti imatang ti linteg. Awan met ti indatonko uray sangkabassit laeng kadagiti natay. Tinungpalko ti pagayatam, O Apo. Inaramidko amin nga imbilinmo kaniak maipapan iti apagkapullo.

Taga-Filipos 4:4

Kankanayon koma nga agrag-okayo iti Apo. Kunak manen: agrag-okayo!

Hebreo 7:27

Saan a kas kadagiti dadduma a kangatoan a papadi a masapul nga inaldaw a mangipaay iti daton a maigapu, umuna, iti bukodna a basol, ket kalpasanna, maipuon met kadagiti basol dagiti tattao. Naminsan a nagidaton ni Jesus ket daytoy para iti agnanayon—idi indatonna a mismo ti bagina iti Dios.

Hebreo 9:8

Silalawag nga impaawat ti Espiritu Santo babaen kadagitoy a pagannurotan a saan pay a naluktan ti dalan nga agturong iti Kasasantoan a Disso, bayat ti kaadda pay laeng ti akinruar a paset ti tabernakulo.