Levitico 10:14 - Ti Baro a Naimbag a Damag Biblia

¹⁴ Ngem mabalinyo a kanen, kasta met dagiti familiayo, ti barukong ken ti kammaudi a saka a naidatag a naisangsangayan a sagut ken naisangsangayan a maited iti Apo nga agpaay kadagiti papadi. Mabalinyo a kanen iti sadinoman a lugar a maibilang a nadalus. Naited dagitoy a daton kenka ken kadagiti annakmo a kas bingayyo iti daton a pakikappia nga idatag dagiti Israelita.

Ti Biblia (1973)

¹⁴ Ket ti barucong a mailili ken ti maitayag a luppo canenyonto iti maysa a yan a nadalus; sica, ken dagiti annacmo a lallaki ken babbai agraman kenca: ta dagidiay maitedda a cas pannacabagim, ken pannacabagi dagiti annacmo, cadagiti sacrificio dagiti datdaton a maipaay iti cappia dagiti annac ti Israel.

Levitico 10:14 Iomraidhean Croise

Exodo 29:33

Masapul a kanenda dagiti naaramat iti seremonia ti pannakapakawan bayat ti pannakaordenda. Dagiti laeng papadi ti mangan iti daytoy agsipud ta nasantoan.

Ezekiel 42:13

Kinuna ti lalaki kaniak, “Nasantoan dagitoy dua a patakder a panganan dagiti papadi kadagiti kasantoan a daton no dumatagda iti sangoanan ti Apo. Gapu ta nasantoan dagiti kuarto, ikabil dagiti papadi dagiti kasantoan a sagut sadiay: dagiti daton a makan, daton a pakapakawanan ti basol wenno daton gapu iti basol.

Levitico 10:13

Wen, kanenyo iti nasantoan a lugar, ta paset daytoy ti taraon a naidaton iti Apo ken nailasin nga agpaay kadakayo nga agaama. Daytoy ti imbilin kaniak ti Apo.

Levitico 22:13

Ngem no mabalo wenno isina ti asawana ken awan annakna ket agsubli iti sidong ni amana, mabalinna ti mangan iti taraon nga awaten ni amana. Dagiti laeng kameng ti familia ti padi ti mapalubosan a mangan iti nasagradoan a daton.

Levitico 9:21

ket indatagna dagiti barukong ken dagiti kannawan a kammaudi a saka a naisangsangayan a sagut iti Apo nga agpaay kadagiti papadi kas imbilin ni Moises.

Numero 18:11

“Kukuayo pay dagiti dadduma a naisangsangayan a daton dagiti Israelita kaniak. Itedko ida kenka ken kadagiti annakmo a lallaki ken babbai iti agnanayon. Mapalubosan a mangan ti tunggal kameng ti familiam a nadalus iti imatang ti linteg.

Numero 5:9

Maysa pay, kukua ti padi a pangyawatanda ti amin a naisangsangayan a sagut dagiti Israelita iti Apo.

San Juan 4:34

“Ti taraonko isut' panangtungpalko iti pagayatan ti nangibaon kaniak ken ti panangileppasko iti paaramidna,” kinuna ni Jesus kadakuada.