Levitico 10:12 - Ti Baro a Naimbag a Damag Biblia

¹² Kinuna ni Moises ken ni Aaron ken kadagiti nabati nga annakna nga Eleazar ken Itamar, “Alaenyo ti natda iti daton a makan a naidatag iti Apo ket aramidenyo a tinapay nga awan lebadurana. Gapu ta nasantoan unay daytoy a daton, masapul a kanenyo iti abay ti altar.

Ti Biblia (1973)

¹² Ket ni Moises nakisao ken Aaron, ken Eleazar ken Itamar, nga annacna a lallaki a nabati, Alaenyo ti daton a macan a natda cadagiti datdaton a naaramid iti apuy ken Jehova, ket canenyo a di-nalevaduraan iti sibay ti altar; ta isu ti nasantoan unay;

Levitico 10:12 Iomraidhean Croise

2 Cronicas 31:14

Ni Kore nga anak ni Imna ti mangimaton iti pannakaawat kadagiti sagut a maidaton ken ni Yahweh ken ti pannakaibunongda. Maysa a Levita ni Kore. Isu ti pangulo dagiti guardia iti Akindaya a Ruangan ti Templo.

ESDRAS 7:5

ni Bukki anak ni Abisua nga anak ni Finees nga anak ni Eleazar; ni Eleazar anak ni Aaron.

Exodo 29:2

Mangalaka met ti kasayaatan nga arina ti trigo nga awan lebadurana ket agaramidka kadagiti tinapay nga adda lanana ken awan lanana, agraman kadagiti naiingpis a bibingka a mapulagidan iti lana.

Exodo 29:33

Masapul a kanenda dagiti naaramat iti seremonia ti pannakapakawan bayat ti pannakaordenda. Dagiti laeng papadi ti mangan iti daytoy agsipud ta nasantoan.

Exodo 6:23

Inasawa ni Aaron ni Eliseba nga anak ni Aminadab ken kabsat ni Naason; inyanakna da Nadab, Abiu, Eleazar ken Itamar.

Ezekiel 44:29

Dagiti daton a makan, dagiti daton a pakapakawanan ti basol ken dagiti daton gapu iti basol ti agpaay a taraon dagiti papadi. Awatenda amin nga ilasin dagiti Israelita a para kaniak.

Levitico 10:13

Wen, kanenyo iti nasantoan a lugar, ta paset daytoy ti taraon a naidaton iti Apo ken nailasin nga agpaay kadakayo nga agaama. Daytoy ti imbilin kaniak ti Apo.

Levitico 21:22

Mabalin ti kasta a tao ti mangan iti taraon a naidaton kaniak, ti nasantoan a daton a mapuoran ken ti kasasantoan a daton,

Levitico 24:9

Kukua ni Aaron ken dagiti kaputotanna ti tinapay. Masapul a kanenda daytoy iti nasantoan a lugar agsipud ta nasantoan unay daytoy a paset ti daton a naidatag iti Apo nga agpaay kadagiti papadi.

Levitico 7:9

Tunggal daton a makan a maluto iti urno wenno iti pariok kukua ti padi a nangidatag iti daytoy iti Dios.

Numero 3:2

Uppat ti annak ni Aaron: Nadab nga inauna, Abiu, Eleazar ken Itamar.