Levitico 10:1 - Ti Baro a Naimbag a Damag Biblia

¹ Nangala da Nadab ken Abiu nga annak ni Aaron iti saggaysada a pagpuoran iti insenso. Kinargaanda iti beggang, inikkanda iti insenso ket indatagda ken ni Yahweh. Ngem saan a nasantoan ti apuy nga inaramatda gapu ta saanda nga inaramid ti imbilin ni Yahweh kadakuada nga idatagda.

Ti Biblia (1973)

¹ Ket ni Nadab ken ni Abiu, nga annac a lallaki ni Aaron, innalada tunggal maysa ti incensariona, ket iniccanda iti apuy, sada incabil ti incienso, ket indatonda ti sabali nga apuy ken Jehova, a dina imbilin cadacuada.

Levitico 10:1 Iomraidhean Croise

1 Ar-ari 18:38

Nangitinnag ni Yahweh iti apuy ket nauram a namimpinsan ti daton, dagiti kayo ken dagiti bato; nakset ti daga ket namagaan ti kanal iti lawlaw ti altar.

Dagiti Salmo 141:2

Awatem koma kadi toy kararagko a kas maysa nga insenso ken toy sitatag-ay nga imak a kas maysa a daton iti rabii.

Exodo 24:1

Kinuna ni Yahweh ken ni Moises, “Sumang-atka ditoy bantay. Itugotmo da Aaron, Nadab, Abiu ken ti pitopulo kadagiti panglakayen ti Israel. Inton adayokayo pay laeng iti ayanko, agkurnokayo iti panagdaydayaw.

Exodo 24:9

Simmang-at da Moises, Aaron, Nadab, Abiu ken ti 70 kadagiti panglakayen ti Israel iti bantay.

Exodo 27:3

Mangaramidka kadagiti bronse nga alikamen ti altar: dagiti palanggana a pagikkan kadagiti dapu ti napuoran a taba, dagiti pala, malukong, pagadaw ken pagikkan iti beggang.

Exodo 28:1

“Ayabam ni Aaron a kabsatmo agraman da Nadab, Abiu, Eleazar ken Itamar nga annakna. Ilasinmo ida kadagiti Israelita tapno agserbida kaniak a kas papadi.

Exodo 31:11

Aramidenda met ti lana a pagkonsagrar ken ti nabanglo nga insenso a maaramat iti Nasantoan a Disso. Aramidenda amin dagitoy nga alikamen nga awan surok ken kurangna kas imbilinko kenka.”

Exodo 37:29

Nangaramid ni Bezalel iti nasagradoan a lana a pagkonsagrar ken iti nabanglo nga insenso a natempla a kas iti bangbanglo.

Exodo 38:3

Bronse dagiti amin nga inaramidna nga alikamen ti altar: dagiti palanggana, pala, kawit, malukong ken palanggana a pagikkan iti beggang.

Exodo 40:27

ket pinuoranna ti nabanglo nga insenso, kas imbilin ni Yahweh.

Exodo 6:23

Inasawa ni Aaron ni Eliseba nga anak ni Aminadab ken kabsat ni Naason; inyanakna da Nadab, Abiu, Eleazar ken Itamar.

Exodo 8:27

Masapul nga iti let-ang ti pagidataganmi iti daton iti Apo a Diosmi, a kas iti imbilinna kadakami, ket tallo nga aldaw nga agbiahekami a mapan sadiay.”

Jeremias 19:5

Nangbangonda kadagiti altar a maipaay ken ni didiosen a Baal a pangpuoranda kadagiti annakda a kas sakrifisio. Diak binilin ida a kastoy ti aramidenda; pulos a di simrek iti panunotko.

Jeremias 32:35

Nagbangonda kadagiti altar nga agpaay ken ni Baal idiay Tanap ti Hinnom a pangpuoranda kadagiti annakda a daton ken ni didiosen a Moloc. Diak imbilin nga aramidenda daytoy. Di met simrek iti panunotko nga aramidenda daytoy a makarimon a banag a pagbasolan dagiti tattao ti Juda.”

Jeremias 44:15

Ngarud, kinuna kaniak dagiti lallaki a makaammo a nagidatag dagiti assawada iti daton a mapuoran kadagiti didiosen, dagiti amin a babbai nga adda sadiay agraman dagiti Judio nga agnaed iti akin-abagatan a paset ti Egipto,

Jeremias 44:8

Apay a pagpungtotendak babaen iti panagdaydayawyo kadagiti imahen ken iti panagidatagyo iti daton a mapuoran kadagiti didiosen ditoy Egipto nga immayyo pagnaedan? Aramidenyo kadi dagitoy a pangdadael laeng kadagiti bagbagiyo tapno pagang-angawandakayo dagiti amin a nasion ditoy lubong ket aramatenda a pagilunod ti naganyo?

Jeremias 7:31

Idiay Tanap ti Hinnom, nangaramidda iti altar a managan Tofet a pagpuoranda kadagiti maidaton nga annakda. Awan imbilinko a kasta; awan dayta iti panunotko.

Levitico 16:1

Kinasao ni Yahweh ni Moises kalpasan ti ipapatay dagiti dua nga annak ni Aaron idi indatagda ti saan a nasantoan nga apuy ken ni Yahweh.

Levitico 16:12

Mangala iti insensario sana kargaan iti beggang nga adda iti altar. Mangala met iti dua a rakem iti nafino nga insenso. Ipanna dagitoy iti Kasantoan a Lugar.

Levitico 22:9

“Masapul nga annuroten dagiti amin a papadi dagiti alagaden nga intuyangko. Ta no saan makabasolda ket matayda gapu ta sinalungasingda dagiti nasagradoan nga alagaden. Siak ni Yahweh a mangpasanto kadakuada.

Levitico 9:24

Pagammoan, simgiab ti apuy ni Yahweh ket inkisapna ti sibubukel a daton ken dagiti taba dagiti animal iti altar. Nagririaw dagiti tattao a nakakita iti daytoy ket nagpaklebda iti daga.

Numero 16:46

ket kinuna ni Moises ken ni Aaron, “Alaem ti insensariom, kargaam iti beggang iti altar samo parabawan iti insenso. Dagdagusem nga ipan kadagiti tattao ket annongem ti seremonia ti pannakadalusda. Darasem! Bimtaken ti pungtot ti Apo ket nangrugin ti didigra.”

Numero 26:61

Natay da Nadab ken Abiu idi nangidatonda ken ni Yahweh iti saan a nasagradoan nga apuy.

Numero 4:18

“Diyo ipalubos a matay dagiti kaputotan ni Coat

Deuteronomio 12:32

“Ikagumaanyo a tungpalen ti amin nga imbilinko kadakayo; diyo nayonan wenno kurangan.

Deuteronomio 17:3

babaen iti panagdaydayaw ken panagserbina kadagiti sabali a didiosen wenno iti init, bulan wenno kadagiti bituen, banag a maikaniwas iti bilin ti Apo,

Deuteronomio 4:2

Diyo nayonan ti bilinko kadakayo; diyo met kissayan. Tungpalenyo dagiti bilin ti Apo a Diosyo nga intedko kadakayo.

Hebreo 9:4

Ditoy ti ayan ti balitok nga altar a pagpuoran iti insenso ken ti lakasa ti tulag a nakalupkopan iti balitok. Ti lakasa ti nakaikabilan ti balitok a banga a nakaikargaan ti mana, ti nagsaringit a sarukod ni Aaron ken dagiti dua a tapi ti bato a nakaisuratan dagiti bilin.