Levitico 1:9 - Ti Baro a Naimbag a Damag Biblia

⁹ Buggoan ti mangidaton dagiti lalaem ken dagiti kammaudi a saka ti animal. Paggigiddanento ti padi a puoran dagiti daton iti rabaw ti altar, kas nabanglo a daton iti Apo.

Ti Biblia (1973)

⁹ Ngem dagiti lalaemna ken sacsacana buggoannanto iti danum: ket ti padi puurannanto ida amin nga daton a mapuuran, iti rabaw ti altar, maysa a daton a naaramid iti apuy, a nabanglo a sayamusom ken Jehova.

Levitico 1:9 Iomraidhean Croise

Genesis 8:21

Nalang-ab ni Yahweh ti nabanglo nga ayamuom ti sakrifisio ket kinunana iti nakemna, “Pulos a diakton ilunod ti daga gapu iti aramid ti tao. Ammok a dakes ti panunotna manipud kinaubingna. Diakton dadaelen ti aniaman nga adda biagna a kas iti inaramidko.

1 Cronicas 6:34

Elcana, Jeroham, Eliel, Toa,

2 Cronicas 4:6

Nangaramidda met iti sangapulo a palanggana. Lima ti maikabil iti akin-abagatan a paset ti Templo, ket lima iti akin-amianan. Mausarda a pangbuggoan kadagiti paset ti animal a daton a mapuoran. Pagbuggo dagiti papadi ti danum iti tangke.

Dagiti Salmo 51:6

Tarigagayam ti kinapudno ken nadalus a puso; punnoem ti panunotko iti siribmo.

Dagiti Salmo 66:15

Mangidatonakto iti karnero a mapuoran iti altar. Mangidatagakto kadagiti toro a baka ken kalding, ket ngumatonto ti asuk iti tangatang.

Exodo 12:9

Diyo kilawen wenno angren ti aniaman a paset no di ket letsonenyo a sibubukel agraman ulo, dagiti saka ken dagiti lalaemna.

Exodo 29:18

Puoram ti sibubukel a karnero iti rabaw ti altar a kas daton a makan. Maragsakanak iti nabanglo nga ayamuom daytoy a daton.

Exodo 29:25

Kalpasanna, alaem dagitoy kadakuada samo puoran iti altar, iti rabaw ti daton a mapuoran a kas daton a makan a maidatag kaniak. Maragsakanak iti ayamuom daytoy a daton.

Jeremias 4:14

Jerusalem, dalusam ta pusom iti kinadakes tapno maisalakanka. Kasano pay kabayag ti panagpampanunotmo iti dakes?

Ezekiel 20:28

Impanko ida iti daga nga inkarik nga ited kadakuada. No makakitada idi kadagiti nangato a turod wenno narukbos a kaykayo, sadiay ti pagidatonanda ken pagpuoranda kadagiti sakrifisio a pakaigapuan ti panagpungtotko. Sadiay met ti pagipananda kadagiti arak a datonda.

Ezekiel 20:41

Awatek sadiay dagiti datonyo kalpasan a nairuarkayo manipud kadagiti pagilian a nakaiwarawaraanyo ket makitanto dagiti nasion a nasantoanak.

Ezekiel 40:38

Iti akinruar a paraangan, adda naisilpo a kuarto iti akin-uneg a pagserkan. Aglukat daytoy iti dakkel a kuarto a sumango iti paraangan. Ditoy ti pakabuggoan dagiti animal a mapuoran a kas daton.

Levitico 1:13

Mabuggoan nga umuna dagiti lalaem ken dagiti kammaudi a saka ti animal ket mapuoranda iti altar. Makaay-ayo ken nabanglo daytoy a daton ken ni Yahweh.

Levitico 1:17

Pisangenna ti bagi ti tumatayab, ngem dina isinsina dagiti payakna sananto puoran ti sibubukel a tumatayab iti rabaw ti altar. Makaay-ayo ken nabanglo daytoy a daton iti Apo.

Levitico 2:16

Puoran ti padi ti paset ti nalebbek a trigo ken ti lana a mangipakita a naidaton amin, kasta met ti amin nga insenso a kas daton iti Apo.

Levitico 2:2

sana ipan kadagiti papadi a kapuonan ni Aaron. Mangrakem ti padi iti arina ken iti lana ken amin nga insenso sana puoran iti rabaw ti altar a mangipakita a naidatonna amin iti Apo. Makaay-ayo ken nabanglo daytoy a daton iti Apo.

Levitico 2:9

Mangalanto ti padi iti sangkabassit a mangipakita a naidatag amin iti Apo, ket puoranna iti altar. Nabanglo ken makaay-ayo daytoy a daton iti Apo.

Levitico 3:11

Puoranto ti padi amin dagitoy iti rabaw ti altar a kas daton iti Apo

Levitico 3:5

Amin dagitoy, puoran dagiti papadi iti rabaw ti altar agraman dagiti daton a mapuoran. Nabanglo ken makaay-ayo daytoy a daton iti Apo.

Levitico 4:31

Kalpasanna, ikkatenna ti amin a taba ti animal kas iti inaramidna iti taba dagiti animal a naidaton a pakikappia. Puoranna dagitoy iti altar kas nabanglo a daton iti Apo. Kastoy ti pannakaidatag iti daton gapu iti basol tapno mapakawan dayta a tao.

Levitico 6:14

Dagitoy ti alagaden kadagiti daton a makan. Maysa kadagiti padi nga annak ni Aaron ti mangidatag iti Apo iti daton a makan iti sangoanan ti altar.

Levitico 8:28

Innalana met laeng dagitoy a makan kadakuada ket pinuoranna iti altar, iti rabaw ti daton a mapuoran, kas daton ti pannakaorden. Nabanglo daytoy nga ayamuom ken ni Yahweh.

Levitico 9:14

Kalpasanna, binuggoanna dagiti lalaem ken dagiti kammaudi a saka sana pinuoran ida iti altar iti rabaw dagiti dadduma a daton a mapuoran.

Zacarias 13:7

Kuna ni Yahweh a Mannakabalin-amin: “Tumakderka, kampilan, ket darupem ti agpaspastor a katulongak. Papatayem tapno mawarawara dagiti karnero. Darupek dagiti tattaok

Numero 15:3

Mabalin a maidatag iti Apo ti toro a baka, kalakian a karnero, maysa nga urbon ti karnero wenno kalding, a kas daton a mapuoran wenno daton a pagtungpal iti kari wenno daton nga agtaud iti bukod a nakem wenno kas daton kadagiti naituding a nasantoan a fiestayo. Nabanglo dagitoy a daton iti Apo.

Numero 28:11

Iti umuna nga aldaw ti tunggal bulan, dagitoy ti idatagyo a daton a mapuoran iti Apo: dua a bumaro a baka, maysa a kalakian a karnero, pito a kalakian a karnero nga agtawen iti maysa ken awan ti depektoda.

Numero 28:7

Mapakuyogan ti umuna a karnero iti daton a sangalitro nga arak a maibuyat iti altar.

Numero 28:8

Iti sumipnget, maidaton ti maikadua nga urbon ti karnero ket pakuyogan met iti arak, kas iti daton iti bigat. Daton met a mapuoran daytoy a nabanglo iti Apo.

2 Taga-Corinto 2:15

Mayarigkami iti nabanglo nga insenso a puoran ni Cristo a maidaton iti Dios ket agwaras kadagiti maisalakan ken kadagiti mapukaw.

Taga-Efeso 5:2

Ti koma ayat ti mangiturong iti panagbiagyo, kas iti ayat nga impaay ni Cristo kadatayo babaen iti pannangtedna iti biagna gapu kadatayo, kas nabanglo a sagut ken daton a makaparagsak iti Dios.

Deuteronomio 12:27

Sadiay, puoranyo dagiti animal iti altar ti Apo. Sadiay met ti pangidatonanyo kadagiti animal a masapul a maibukbok ti darada iti altar ket sidaenyo ti karneda.

Taga-Filipos 4:18

Adtoy ngarud nga awatek dagiti amin nga intedyo kaniak, ket agyamanak unay. Nagsursurok pay ti intedyo. Adda aminen a masapulko, ita ta inyeg ni Epafrodito dagiti amin a sagutyo. Arigda ti daton a nabanglo ti ayamuomna iti Dios, maysa a sakrifisio a maikari ken makaparagsak kenkuana.