Levitico 1:4 - Ti Baro a Naimbag a Damag Biblia

⁴ Ipatayna ti imana iti ulo ti animal ket maawatto a kas daton a mangikkat kadagiti basbasolna.

Ti Biblia (1973)

⁴ Ket ipataynanto ti imana iti rabaw ti olo ti idatonna a mapuuran; ket maipategto kencuana a maibilang a pacaabbonganna.

Levitico 1:4 Iomraidhean Croise

Exodo 28:38

Ikabil ni Aaron daytoy iti mugingna, tapno siak, ni Yahweh, awatek dagiti amin nga idaton kaniak dagiti Israelita uray agbiddut dagiti tattao iti aniaman nga idatagda.

Exodo 29:10

“Ipanmo ti baka iti sangoanan ti Tolda ti Dios ket ibagam ken ni Aaron ken kadagiti annakna nga ipatayda dagiti imada iti ulona.

Exodo 29:15

“Alaem ti maysa kadagiti kalakian a karnero ket ibagam ken ni Aaron ken kadagiti annakna nga ipatayda dagiti imada iti ulona.

Exodo 29:19

“Alaem ti maysa pay a karnero—ti karnero a maaramat iti pannakaidaton. Ibagam ken ni Aaron ken kadagiti annakna nga ipatayda dagiti imada iti ulona.

Exodo 29:33

Masapul a kanenda dagiti naaramat iti seremonia ti pannakapakawan bayat ti pannakaordenda. Dagiti laeng papadi ti mangan iti daytoy agsipud ta nasantoan.

Isaias 56:7

“Ipankayto idiay Sion a nasantoan a bantayko. Paragsakenkayto iti balayko a pagkararagan ket awatekto dagiti daton nga idatagyo iti altarko. Managanto ti Templok iti balay a pagkararagan nga agpaay kadagiti tattao iti amin a pagilian.”

Daniel 9:24

“Mamimpito a pitopulo a lawas dagiti tawtawen ti kabayag ti intuding ti Dios a mapalabas sananto wayawayaan dagiti kailiam ken ti nasantoan a siudadmo iti dakes ken panagbasol. Mapakawanton ti basol ket maipasdekton ti agnanayon a kinalinteg, tapno pumayso ti parmata ken ti padto, ket maidaton manen ti nasantoan a Templo.

Levitico 16:21

Ipatayna ti dua nga imana iti ulo ti animal ket ipakaammona dagiti amin a kinadakes, basol ken kinasukir dagiti Israelita tapno mayakarda iti ulo ti kalding. Kalpasanna, itedna ti kalding iti a natudingan a mangibulos iti let-ang.

Levitico 16:24

Masapul nga agdigos iti lugar a nasantoan ket yarruatna dagiti bukodna a kawes. Rummuar ket idatagna ti daton a mapuoran tapno maikkat ti basolna ken ti basol dagiti tattao.

Levitico 22:21

No mangidatag ti siasinoman a tao iti daton a pakikappia iti Apo, daton man a pagtungpal iti kari wenno daton nga agtaud iti nakemna, masapul nga awan pakapilawan ti animal tapno maawat.

Levitico 3:13

ipatayna ti imana iti ulo ti animal, ket patayenna iti sangoanan ti Tolda ti Dios. Ibuyat dagiti papadi ti dara ti animal kadagiti uppat a sikigan ti altar.

Levitico 3:2

Ipatayna ti imana iti ulo ti animal ket patayenna iti ruangan ti Tolda ti Dios. Ibuyatto dagiti papadi a kaputotan ni Aaron ti dara ti animal kadagiti uppat a sikigan ti altar.

Levitico 3:8

ipatayna ti imana iti ulo ti animal ket patayenna iti sangoanan ti Tolda ti Dios. Ibuyat dagiti papadi ti dara ti animal kadagiti uppat a sikigan ti altar.

Levitico 4:15

Ipatay dagiti pangulo ti sangkagimongan dagiti imada iti ulo ti animal, ket sadiay ti pakapatayanna.

Levitico 4:20

Aramidennanto iti daytoy a baka ti kas iti inaramidna iti baka a naidatag gapu iti basol, ket kalpasan ti panangannongna iti seremonia a pangikkat iti basol, napakawanen dagiti tattao.

Levitico 4:24

Ipatayna ti imana iti ulo ti animal sana patayen iti akin-amianan a paset ti altar, iti pagpatayan kadagiti daton a mapuoran. Daytoy ti daton a mangikkat iti basol.

Levitico 4:26

Kalpasanna, puoranna amin a taba ti animal iti altar, kas iti inaramidna iti taba dagiti animal a naidaton a pakikappia. Kastoy ti pannakaidatag ti daton gapu iti basol tapno mapakawan ti agturay.

Levitico 4:29

Ipatayna ti imana iti ulo ti animal sana patayen iti akin-amianan a paset ti altar, iti pagpatayan kadagiti animal a maidatag a daton a mapuoran.

Levitico 4:31

Kalpasanna, ikkatenna ti amin a taba ti animal kas iti inaramidna iti taba dagiti animal a naidaton a pakikappia. Puoranna dagitoy iti altar kas nabanglo a daton iti Apo. Kastoy ti pannakaidatag iti daton gapu iti basol tapno mapakawan dayta a tao.

Levitico 4:33

Ipatayna ti imana iti ulo ti animal sana patayen iti akin-amianan a paset ti altar, iti pagpatayan kadagiti animal a maidatag a kas daton a mapuoran.

Levitico 4:35

Kalpasanna, ikkatenna ti amin a taba ti animal kas iti panangikkatna iti taba dagiti animal a naidaton a pakikappia. Puoranna dagitoy iti altar a maigiddan iti daton a mapuoran a naidatag iti Apo. Kastoy ti pannakaidatag iti daton gapu iti basol tapno mapakawan dayta a tao.

Levitico 4:4

Ipanna ti baka iti ruangan ti Tolda, ipatayna ti imana iti ulo ti animal, ket patayenna sadiay iti imatang ti Apo.

Levitico 5:6

ket kas multana mangidaton iti Apo iti kabaian a karnero wenno kalding. Ti padi ti mangidatag iti daton gapu iti basol dayta a tao.

Levitico 6:7

Idatag ti padi ti daton ket mapakawan dayta a tao iti aniaman a nagbasolanna.

Levitico 8:14

Innala ni Moises ti bumaro a baka a maidaton gapu iti basol. Impatay ni Aaron ken dagiti annakna ti imada iti ulo ti animal.

Levitico 8:18

Innala ni Moises ti kalakian a karnero a maidaton a mapuoran ket impatay ni Aaron ken dagiti annakna ti imada iti ulo ti animal.

Levitico 8:22

Innala ni Moises ti maikadua a kalakian a karnero a nairanta iti pannakaorden dagiti papadi. Impatay ni Aaron ken dagiti annakna ti imada iti ulo ti animal.

Levitico 9:7

Kinunana ken ni Aaron, “Inka iti altar ket idatagmo ti daton a maipaay iti basol ken ti daton a mapuoran a mangikkat kadagiti basolmo ken kadagiti basol dagiti tattao. Idatagmo met ti daton a mangikkat kadagiti basbasol dagiti tattao, kas imbilin ti Apo.”

Numero 15:25

Aramiden ti padi ti seremonia ti pannakadalus nga agpaay iti gimong ket mapakawandanto agsipud ta dida inggagara ti naaramid a biddut ket indatagda ti daton gapu iti basol a kas daton a makan nga agpaay iti Apo.

Numero 15:28

Iti altar, aramiden ti padi ti seremonia ti pannakadalus tapno madalusan ti tao iti basolna ket mapakawanto.

Numero 25:13

Isu ken dagiti kaputotanna ti maisaad a padi iti agnanayon, agsipud ta dina impalubos nga adda sabali a didiosen a pagdaydayawan dagiti tattao, ket inyegna ti pannakapakawan ti basol dagiti tattao.”

Numero 8:10

Ipatay dagiti Israelita dagiti imada iti ulo dagiti Levita;

Numero 8:12

Ipatay dagiti Levita ti imada iti ulo dagiti dua a baka; maysa ti maidatag a daton gapu iti basol ket ti maikadua kas daton a mapuoran kas annongen ti seremonia ti pannakadalus dagiti Levita.

Taga-Roma 12:1

Kakabsatko, dawatek ngarud kadakayo, a gapu iti naindaklan nga asi ti Dios kadatayo, ipaayyo koma ti bagiyo a kas daton a sibibiag, nasantoan ken makaay-ayo kenkuana. Daytoy ti pudno a panagdaydayaw a rumbeng nga ipaayyo.

Taga-Roma 3:25

Indaton ti Dios ni Cristo Jesus tapno, babaen iti ipapatayna, isu ti pakapakawanan dagiti basol dagiti tattao babaen iti pammatida kenkuana. Inaramid ti Dios daytoy tapno ipakitana ti kinalintegna. Iti napalabas, naanus ket pinalabasna dagiti basol ti tao.

Taga-Roma 5:11

Ngem saan la a dayta, agrag-otayo pay gapu iti inaramid ti Dios babaen ken ni Apotayo a Jesu-Cristo a namagbalin kadatayo a gagayyem ti Dios.

Taga-Filipos 4:18

Adtoy ngarud nga awatek dagiti amin nga intedyo kaniak, ket agyamanak unay. Nagsursurok pay ti intedyo. Adda aminen a masapulko, ita ta inyeg ni Epafrodito dagiti amin a sagutyo. Arigda ti daton a nabanglo ti ayamuomna iti Dios, maysa a sakrifisio a maikari ken makaparagsak kenkuana.

Hebreo 10:4

Saan a kabaelan ti dara dagiti baka ken kalding nga ikkaten dagiti basol.

1 Juan 2:2

Ni Cristo met laeng ti pakapakawanan dagiti basoltayo, ket saan laeng a dagiti basoltayo, no di pay ket dagiti basol ti amin a tao.