San Juan 9:4 - Ti Baro a Naimbag a Damag Biblia

⁴ Masapul nga aramidentayo dagiti ipaaramid ti nangibaon kaniak ta aldaw pay. Dumteng ti rabii ket awan ti makatrabaho.

Ti Biblia (1973)

⁴ Rebbengtayo nga aramiden dagiti aramid ti nangibaon caniac bayat ti aldaw: ti rabii umay, inton awan ti macabalin nga agaramid.

San Juan 9:4 Iomraidhean Croise

Eclesiastes 9:10

Iti aniaman nga aramidmo, ipakatmo ti amin a kabaelam, gapu ta iti daga dagiti natay a papanam, dikanto agtrabaho wenno agpanunot ken awanto ti banag a pangusaram iti ammom wenno kinasiribmo.

San Mateo 20:7

“ ‘Awan ngamin pagtrabahoanmi,’ insungbatda. “Imbagana kadakuada, ‘Inkayo met agtrabaho iti kaubasan.’

San Marcos 3:3

“Umayka ditoy,” kinuna ni Jesus iti lalaki.

San Juan 10:32

“Adu ti naimbag nga aramid nga impaaramid kaniak ti Ama iti imatangyo,” kinuna ni Jesus kadakuada. “Ania kadagitoy ti gapu a panguboranyo kaniak?”

San Juan 10:37

No diak ar-aramiden dagiti aramid ni Amak, saan koma a masapul a patiendak.

San Juan 12:35

“Bassit laengen a tiempo ti kaadda ti silaw kadakayo,” insungbat ni Jesus. “Agawaanyo ti agbiag ta adda pay la ti silaw kadakayo tapno dinakayo makamakam ti sipnget. Ta ti magna iti sipnget, dina ammo ti turturongenna.

San Juan 17:4

Indaydayawka ditoy daga. Lineppasko ti trabaho nga intedmo nga aramidek.

San Juan 4:34

“Ti taraonko isut' panangtungpalko iti pagayatan ti nangibaon kaniak ken ti panangileppasko iti paaramidna,” kinuna ni Jesus kadakuada.

San Juan 5:19

Isut' gapuna a kinuna ni Jesus kadakuada, “Ibagak ti pudno kadakayo: Awan ti maaramid ti Anak a bukbukodna, no di laeng ti makitana nga ar-aramiden ti Ama. Ta ti aniaman nga aramiden ti Ama, aramiden met ti Anak.

San Juan 5:36

Ngem adda agsaksi kaniak a nangnangruna ngem ni Juan. Isu dagiti aramidko nga impaaramid kaniak ti Ama. Dagitoy nga aramid ti mangipakita nga imbaonnak ti Ama.

San Juan 7:33

Kinuna ngarud ni Jesus, “Makipagyanak pay kadakayo iti bassit a tiempo. Kalpasanna, agsubliakton iti nangibaon kaniak.

Dagiti Aramid 4:20

Saan a mabalin a dimi ipakaammo dagiti nakita ken nangngegmi.”

Taga-Galacia 6:10

Ngarud, no adda gundawaytayo, agaramidtayo iti naimbag a maipaay kadagiti amin a tattao, nangruna kadagiti kakabsatyo iti pammati.

Taga-Efeso 5:16

Usarenyo ti amin a gundawayyo nga agaramid iti naimbag agsipud ta dakes dagitoy nga aldaw.

Taga-Colosas 4:5

Annadanyo ti tignayyo kadagiti saan a mamati ken ni Cristo. Usarenyo a naimbag ti tiempo a kaaddayo kadakuada.