San Juan 9:39 - Ti Baro a Naimbag a Damag Biblia

³⁹ Kinuna ni Jesus, “Immayak mangukom ditoy lubong tapno makakita dagiti bulsek, ket agbulsek dagiti makakita.”

Ti Biblia (1973)

³⁹ Ket kinuna ni Jesus: Siac immayac ditoy lubong a maipaay iti panacaocom: tapno dagiti saan a macakita, macakitada, ket dagiti macakita, agbalinda a bulsec.

San Juan 9:39 Iomraidhean Croise

Isaias 29:10

Pinagyepyepnakayo ti Apo tapno umay ti nargaan a turogyo. Dagiti koma profeta ti pannakamata dagiti tattao ngem kinullaapan ti Apo dagiti matada.

Isaias 44:18

Nakuneng unay dagiti kakasta a tattao. Dida ammo ti ar-aramidenda. Dida kayat a kitaen ken panunoten ti kinapudno.

Isaias 6:9

Kinunana, “Inka ibaga daytoy a mensahe kadagiti tattao: ‘Uray no ipasnekyo ti dumngeg, diyo maawatan. Uray ipasnekyo ti kumita, diyo ammo ti mapaspasamak.’”

Ezekiel 12:2

Kinunana, “Anak ti tao, agnaedka iti sidong dagiti nasukir a tattao. Adda matada, ngem saanda a makakita; adda lapayagda, ngem saanda a makangngeg agsipud ta nasukirda.

San Mateo 11:5

makakita dagiti bulsek, makapagna dagiti pilay, mapaimbag dagiti agkukutel, makangngeg dagiti tuleng, mapagungar dagiti natay, ket maikaskasaba ti Naimbag a Damag kadagiti napanglaw.

San Mateo 15:14

“Saanyo a pakadanagan ida. Bulsekda a mangidadaulo. Ket no idalan ti bulsek ti padana a bulsek, matnagda a dua iti abut.”

San Mateo 6:23

Ngem no saan a nasalun-at ti matam, nasipnget ti entero a bagim. Isut' gapuna a no nakudrep ti silawmo, anian a kinasipnget!”

San Lucas 1:79

Ket manipud sadi langit, silnaganna dagiti agbibiag iti kasipngetan ni patay, Ket iturongna dagiti addangtayo iti dalan ti kappia.”

San Lucas 13:30

“Kitaenyo, adda dagiti maudi ita nga umunanto, ket adda dagiti umuna ita a maudinto.”

San Lucas 2:34

Binendisionan ida ni Simeon. “Pinili ti Dios daytoy nga ubing a pakadadaelan ken pakaisalakanan ti adu iti Israel,” kinunana ken ni Maria. “Naituding a pagilasinan a suppiatento ti adu a tattao.

San Lucas 4:18

“Adda kaniak ti Espiritu ti Apo. Pinilinak a mangikasaba iti Naimbag a Damag kadagiti napanglaw, Imbaonnak a mangiwaragawag iti pannakawayawaya dagiti balud, Iti pannakakita manen dagiti bulsek, Iti pannakaruk-at dagiti maparparigat,

San Lucas 7:21

Iti dayta nga oras, adu dagiti tattao a pinaimbag ni Jesus kadagiti saksakit ken an-anayenda. Pinaksiatna dagiti dakes nga espiritu. Inagasanna ti adu a bulsek ket nakakitada.

San Juan 12:31

“Itan ti pannakaukom daytoy a lubong. Itan ti pannakaparmek ti agturay iti daytoy a lubong.

San Juan 12:46

Immayak ditoy lubong a kas silaw tapno saan nga agtaeng iti sipnget dagiti amin a mamati kaniak.

San Juan 3:17

Ta saan nga imbaon ti Dios ti Anakna ditoy lubong tapno ukomenna ti lubong, no di ket tapno isalakanna.

San Juan 3:19

Daytoy ti pakaukoman: Immayen ti silaw ditoy lubong, ngem gapu ta dakes dagiti aramid dagiti tattao, ad-adda nga ayatenda ti sipnget ngem ti lawag.

San Juan 8:12

Nagsao manen ni Jesus kadagiti Fariseo, “Siak ti silaw ti lubong,” kinunana. “Siasinoman a sumurot kaniak maaddaan iti silaw ti biag, ket dinto magna iti kasipngetan.”

San Juan 8:15

Mangukomkayo kas mayannurot iti pagalagadan ti tao. Diak mangukom iti uray siasino.

San Juan 9:25

“Diak ammo no managbasol wenno saan,” insungbat ti napaimbag. “Daytoy ti ammok: Bulsekak idi, ngem ita, makakitaakon!”

Dagiti Aramid 26:18

Lukatamto dagiti matada, ket manipud iti sipnget, iturongmonto ida iti lawag. Manipud iti pannakabalin ni Satanas, iturongmo ida iti pannakabalin ti Dios tapno babaen iti pammatida kaniak, mapakawanto dagiti basbasolda ket maibilangdanto kadagiti tattao ti Dios.’”

2 Taga-Corinto 2:16

Kadagiti mayaw-awan, makapatay daytoy nga ayamuom. Kadagiti maisalsalakan, maysa nga ayamuom a mangted iti biag. Siasino ngarud ti makabael iti daytoy a trabaho?

Taga-Efeso 5:14

Ta ti aniaman a maipalgak a silalawag agbalin a lawag. Daytoy ti gapuna a makunkuna, “Agriingka, sika a matmaturog, Bumangonka ken ni patay! Ket lawagannakanto ni Cristo.”

2 Taga-Tesalonica 2:10

Aramatennanto ti amin a kita ti dakes a pangallilaw kadagiti mapukaw. Mapukawdanto ta dida inawat ken impatpateg ti kinapudno a makaisalakan koma kadakuada.

1 Pedro 2:9

Ngem dakayo ti napili a puli. Papadikayo nga agserbi iti Dios nga Ari. Nasionkayo a nasantoan. Tattaonakayo ti Dios. Inruarnakayo iti kasipngetan ket impannakayo iti nakaskasdaaw a lawagna. Pinilinakayo a nangipakaammo kadagiti nakaskasdaaw nga aramidna.

1 Juan 2:11

Ngem ti manggura iti kabsatna, adda iti sipnget ken magmagna iti sipnget, ket dina ammo ti turturongenna, agsipud ta kinullaapan ti sipnget dagiti matana.