San Juan 9:31 - Ti Baro a Naimbag a Damag Biblia

³¹ Ammotayo a saan nga ipangag ti Dios dagiti managbasol, ngem ipangagna dagiti tattao nga agdayaw kenkuana ken agaramid iti pagayatanna.

Ti Biblia (1973)

³¹ Ammotayo a ti Dios dina ipangag dagiti managbasol; ngem no adda managdayaw iti Dios ket aramidenna ti pagayatanna, isu ti denggenna.

San Juan 9:31 Iomraidhean Croise

Genesis 19:29

Idi dadaelen ti Dios dagiti siudad iti tanap a pagnaedan ni Lot, linaglagipna ni Abraham ket impalubosna a makalibas ni Lot.

Genesis 20:7

Ngem ita, isublim ti babai iti asawana. Profeta ti asawana ket ikararagannakanto tapno dika matay. Ngem no dimo isubli, ballaaganka a saan la a sika ti matay no di ket mairaman pay amin a tattaom.”

Ti Libro ni Job 35:12

Dumawatda iti tulong ngem awan ti pannakaipangagda, agsipud ta natangsit ken managdakdakesda.

Ti Libro ni Job 35:13

Awan serserbi ti panagas-asugda; saan a talliawen wenno ipangag ida ti Dios a Mannakabalin-amin.

Ti Libro ni Job 42:8

Ita ngarud, mangalakay iti pito a toro a baka ken pito a kalakian a karnero sayo ited ken ni Job, ket puoranyo dagitoy nga animal a kas datonyo. Idawdawatannakayto ni Job ket sungbatakto ti kararagna. Iti kasta, dikayto ibabain a kas iti kaikarianyo. Ngamin, saan a pudno ti imbagayo maipapan kaniak a kas iti inaramid ni Job.”

Dagiti Salmo 106:23

Idi imbaga ti Dios a pukawenna dagiti tattaona, bimmallaet ni Moises nga adipen a pinilina, ket dina impatuloy a bumtak ti pungtotna a mangdadael kadakuada.

Dagiti Salmo 143:10

Sika ti Diosko; isuronak a mangaramid iti pagayatam. Naimbagka koma kaniak, ket iturongnak iti natalged a dalan.

Dagiti Salmo 145:19

Itedna ti kasapulan dagiti agraem kenkuana; denggenna ti asugda, ket isalakanna ida.

Dagiti Salmo 18:41

Agpaarayatda ngem awan makaikanawa kadakuada; umawagda ken ni Yahweh ngem dina sungbatan ida.

Dagiti Salmo 40:8

Ti panangtungpal iti pagayatam, O Dios, isut' ragsakko. Ipapusok dagiti bukodmo a pannursuro.”

Dagiti Salmo 99:6

Da Moises ken Aaron dagiti papadina, ken ni Samuel ti nagkararag kenkuana; immawagda kenkuana ket impangagna ida.

Dagiti Proverbio 15:29

No agkararag dagiti nalinteg a tattao, dumngeg ni Yahweh ngem dina ikankano dagiti managdakdakes.

Dagiti Proverbio 21:13

No dimo ipangag ti asug ti napanglaw, saankanto met a maipangag inton sika ti umawag.

Dagiti Proverbio 28:9

No dika agtungpal iti linteg, makarimon iti Dios dagiti kararagmo.

Isaias 1:15

“No agkararagkayo nga umawag kaniak, dikayto talliawen. Uray kararagkayo a kararag, dikayto denggen ta namansaan iti basol dagiti imayo.

Isaias 58:9

No agkararagkayo, sungbatankayto. No awagandak, ipangagkayto. “No isardengyo ti panagidadanesyo, ti panangipakitayo iti gurayo ken liklikanyo dagiti dakes a sao,

Jeremias 11:11

Iti kasta, siak, ni Yahweh, iballaagko kadakuada a dadaelekto ida ket saanda a makalisi. Uray no agpatulongda kaniak, saankonto nga ipangag ida.

Jeremias 14:12

Uray no agayunarda, diakto ipangag ti dawatda. Uray no mangidatagda iti daton a mapuoran ken daton a makan, diakto awaten ida. Papatayekto ketdi ida iti gubat, bisin ken angol.”

Jeremias 15:1

Kinuna ti Apo kaniak, “Uray no da Moises ken Samuel ti agparintumeng, diak kaasian dagitoy a tattao. Papanawem ida; diak kayat a makita ida.

Ezekiel 8:18

Mariknadanto ti amin a dawel ti pungtotko. Diakto pakawanen wenno kaasian ida. Uray no ipukkawda ti kararagda iti ingga ti kabaelanda, diakto ipangag ida.”

Mikias 3:4

Dumtengto ti tiempo nga umasugkayo iti Apo ngem dinakayto ipangag. Dinanto denggen dagiti kararagyo, ta dakes ti inaramidyo.

Zacarias 7:13

Gapu ta didak impangag, diak met impangag dagiti kararagda.

San Juan 11:22

Nupay kasta, ammok nga uray ita, ited ti Dios ti aniaman a dawatem kenkuana.”

San Juan 15:16

Saan a dakayo ti nangpili kaniak, no di ket siak ti nangpili kadakayo. Imbaonkayo a mapan ken agbunga iti adu, ket manayon koma ti bungayo. Iti kasta, itedto ti Ama kadakayo ti aniaman a dawatenyo kenkuana iti naganko.

San Juan 4:34

“Ti taraonko isut' panangtungpalko iti pagayatan ti nangibaon kaniak ken ti panangileppasko iti paaramidna,” kinuna ni Jesus kadakuada.

San Juan 7:17

“Ti siasinoman a mayat nga agaramid iti pagayatan ti Dios, maammoannanto no agtaud iti Dios ti isursurok wenno agsaoak iti kabukbukodak a turay.

San Juan 9:30

“Nakaskasdaaw unay daytoy!” insungbatna. “Saanyo nga ammo ti naggapuanna, ngem pinaimbagnak!

San Juan 9:32

Manipud pannakaparsua ti lubong, awan pay nadamag a nanglukat kadagiti mata ti tao a nayanak a bulsek.

Deuteronomio 1:45

Gapu iti daytoy, nagpatulongkayo iti Apo ngem dinakay impangag wenno inkaskaso.

Hebreo 10:7

Iti kasta, kinunak, ‘Adtoyak, O Dios, a mangaramid iti pagayatam, Kas naisurat iti maipapan kaniak iti libro ti Linteg.’”