San Juan 9:24 - Ti Baro a Naimbag a Damag Biblia

²⁴ Inayabanda manen ti tao a nayanak a bulsek ket kinunada kenkuana, “Ikarim iti sangoanan ti Dios nga ibagam ti pudno! Ammomi a managbasol dayta a tao!”

Ti Biblia (1973)

²⁴ Inayabanda manen ngarud ti tao a bulsec idi, ket kinunada kencuana: Iccam ti pammadayaw iti Dios: ammomi a daytoy a tao managbasol.

San Juan 9:24 Iomraidhean Croise

ESDRAS 10:11

Ita ngarud, ipudnoyo dagiti basbasolyo iti Apo a Dios dagiti familiayo, ket aramidenyo ti pakaragsakanna. Adaywanyo dagiti ganggannaet nga agnanaed iti dagayo ket isinayo dagiti ganggannaet nga assawayo.”

Isaias 66:5

Dakayo nga agbuteng ken agtulnog iti Apo, denggenyo ti kunana, “Agsipud ta napudnokayo kaniak, guraendakayo ti sumagmamano kadagiti kailianyo, ket awan ti panangikankanoda kadakayo. Rabrabakendakayo ket kunada, ‘Kayatmi a makita a naragsakkayo; ngarud, ipakita koma ti Apo ti kinatan-okna ket isalakannakayo.’ Ngem isudanto ti maibabain!

San Marcos 15:27

Inggiddanda met nga inlansa iti krus ti dua a tulisan: ti maysa iti makannawan ni Jesus, ket ti sabali iti makannigidna.

San Lucas 15:2

Nagtanabutob dagiti Fariseo ken mamaestro iti Linteg. “Awaten daytoy a tao dagiti dakes ti pakasarsaritaanda ket kasangona pay ida a mangan!” kinunada.

San Lucas 19:7

Nagtanabutob amin a nakakita iti daytoy. “Napan pinasangaili daytoy a tao iti balay ti maysa a managbasol!” kinunada.

San Lucas 7:39

Idi makita daytoy ti Fariseo a nangawis ken Jesus, kinunana iti nakemna: “No pudno a profeta daytoy a tao, ammona koma no siasino daytoy a babai a mangsagsagid kenkuana. Ammona koma ti kadakes ti panagbiagna!”

San Juan 14:30

Diak makapagbayagen a makisao kadakayo, ta umayen ti agturay iti daytoy a lubong. Saannak nga iturayan,

San Juan 16:2

Pagtalawendakayto kadagiti sinagogada. Umayto ti tiempo nga ipagarup ti pumatay kadakayo nga aramidenna daytoy a kas pagrebbenganna iti Dios.

San Juan 18:30

“Saanmi koma nga idatag kenka daytoy a tao no saan a nakaaramid iti dakes,” insungbatda.

San Juan 19:6

Idi makita dagiti panguloen a papadi ken dagiti guardia ti Templo, impukkawda, “Pailansam iti krus! Pailansam iti krus!” Kinuna ni Pilato kadakuada, “Alaenyo ngarud. Dakayo ti mangilansa kenkuana iti krus. Awan panggapuak a mangdusa kenkuana.”

San Juan 5:23

tapno padayawan dagiti amin a tattao ti Anak a kas iti panangpadayawda iti Ama. Ti saan a mangpadayaw iti Anak, saanna met a padayawan ti Ama a nangibaon kenkuana.

San Juan 8:46

Siasino kadakayo ti makapaneknek a nagbasolak? No ibagak ti pudno, apay ngarud a didak patien?

San Juan 8:49

“Awan ti demonio kaniak,” insungbat ni Jesus. “Padayawak ni Amak, ngem dakayo, saandak a padayawan.

San Juan 9:16

Kinuna ti sumagmamano a Fariseo, “Saan a naggapu iti Dios ti tao a nangaramid iti daytoy, agsipud ta dina annuroten ti paglintegan iti Aldaw a Panaginana.” Kinuna met ti dadduma, “Kasano ti pannakabalin ti maysa a managbasol nga agaramid kadagiti kakasta a nakaskasdaaw a pagilasinan?” Agsusupadi ti pampanunotda.

San Juan 9:25

“Diak ammo no managbasol wenno saan,” insungbat ti napaimbag. “Daytoy ti ammok: Bulsekak idi, ngem ita, makakitaakon!”

Taga-Roma 8:3

Inaramid ti Dios ti saan a kabaelan nga aramiden ti Linteg gapu iti kinarasi ti tao. Inukomna ti basol ti kinatao. Imbaonna ti mismo nga Anakna nga addaan iti naintaoan a kasasaad tapno pukawenna ti basol.

2 Taga-Corinto 5:21

Awan basol ni Cristo. Ngem gapu kadatayo, imbaklayna dagiti basoltayo tapno iti pannakikaysatayo kenkuana, mairanudtayo iti kinalinteg ti Dios.

Josue 7:19

Kinuna ni Josue ken ni Acan, “Anakko, ibagam ti pudno iti sango ni Yahweh a Dios ti Israel. Ipudnom kaniak ti inaramidmo. Dika aglibak kaniak.”

Paltiing 11:13

Iti dayta met la a kanito, nagginggined iti napigsa. Nadadael ti apagkapullo a paset ti siudad ket 7,000 a tattao ti natay. Nagbuteng dagiti tattao a nabati ket nagdaydayawda iti Dios sadi langit.