San Juan 9:2 - Ti Baro a Naimbag a Damag Biblia

² Sinaludsod kenkuana dagiti adalanna, “Maestro, siasino ti akimbasol iti pannakayanak a bulsek daytoy a tao? Basolna kadi wenno basol dagiti nagannak kenkuana?”

Ti Biblia (1973)

² Ket dagiti adalanna inintuudda kencuana, a cuncunada: Mannursuro, asino ti nacabasol, daytoy wenno dagiti dadackelna, iti casta nayanac a bulsec?

San Juan 9:2 Iomraidhean Croise

Exodo 20:5

Dika agrukbab wenno agdaydayaw iti uray ania a kinitikitan a ladawan agsipud ta siak, ni Yahweh a Diosmo, ket managimonak. Dusaek dagiti gumura kaniak, agraman dagiti annakda agingga iti maikatlo ken maikapat a kaputotan.

San Mateo 16:14

“Sika kano ni Juan a Mammuniag,” insungbatda. “Kuna met ti sumagmamano a sika ni Elias. Kuna pay dagiti dadduma a sika ni Jeremias wenno maysa kadagiti profeta.”

San Mateo 23:7

Magustoanda ti makablaawan iti publiko ken maawagan iti ‘Maestro.’

San Mateo 23:8

Dikayo paawagan iti ‘Maestro’ agsipud ta agkakabsatkay amin ket maymaysa laeng ti Maestroyo.

San Lucas 13:2

Kinuna kadakuada ni Jesus, “Gapu ta kasta ti pannakapapatay dagiti taga-Galilea, ipagarupyo kadi a dakdakkel ti basolda ngem dagiti dadduma a taga-Galilea?

San Juan 4:31

Kabayatanna, inayaban dagiti adalan ni Jesus, “Maestro, umayka manganen!”

San Juan 9:1

Bayat ti pannagna ni Jesus, nakitana ti maysa a lalaki a bulsek manipud pannakayanakna.

San Juan 9:34

“Nayanak ken dimmakkelka iti basol, dakam ket ti isuromon?” insungbatda kenkuana ket pinagtalawda iti sinagoga.

Dagiti Aramid 28:4

Idi makita dagiti umili ti uleg a nakabitin iti ima ni Pablo, kinunada iti maysa ken maysa, “Awan duadua a mammapatay daytoy a tao. Nakalasat iti baybay, ngem saan nga ipalubos ti hustisia nga agbiag.”