San Juan 9:17 - Ti Baro a Naimbag a Damag Biblia

¹⁷ Iti kasta, pinalutpot manen dagiti Fariseo ti lalaki. “Kunam a pinaimbagna dagiti matam. Ania ti masaom maipapan kenkuana?” “Maysa a profeta,” insungbatna.

Ti Biblia (1973)

¹⁷ Kinunada ngarud manen idi bulsec: Sica, ania ti cunaem kencuana, idinto a linuctanna dagiti matam? Ket kinunana: Isu ti maysa a mammadto.

San Juan 9:17 Iomraidhean Croise

San Mateo 21:11

“Daytoy ni Jesus a profeta a taga-Nazaret idiay Galilea,” insungbat dagiti tattao.

San Lucas 24:19

“Ania a napaspasamak?” sinaludsod ni Jesus. “Dagiti naaramid ken ni Jesus a taga-Nazaret,” insungbatda. “Maysa a profeta daytoy a tao nga imbilang ti Dios ken amin a tattao a mannakabalin iti amin a sao ken aramidna.

San Juan 4:19

“Apo,” kinuna ti babai, “mabigbigko a profetaka.

San Juan 6:14

Idi makita dagiti tattao sadiay ti milagro nga inaramid ni Jesus, kinunada, “Awan duadua a daytoy ti Profeta nga umay ditoy lubong!”

San Juan 9:15

Ngarud, sinaludsod met dagiti Fariseo no kasano a napaimbag dagiti matana. “Inaprosanna dagiti matak iti pitak, nagdiram-osak, ket ita makakitaakon,” kinunana kadakuada.

Dagiti Aramid 10:38

“Ammoyo ti maipapan ken ni Jesus a taga-Nazaret, ken ti panangkonsagrar ti Dios kenkuana babaen iti pannangtedna kenkuana iti Espiritu Santo ken pannakabalin. Iti sadinoman a lugar a napanan ni Jesus, nagar-aramid iti naimbag ken nangpapaimbag kadagiti pinarparigat ti Diablo, gapu ta adda kenkuana ti Dios.

Dagiti Aramid 2:22

“Kakabsat nga Israelita, denggenyo dagitoy innak ibalikas! Nadiosan a panggep ti nakaibaonan ni Jesus a taga-Nazaret. Napaneknekan kadagiti milagro, datdatlag ken pagilasinan nga inaramid ti Dios babaen kenkuana. Ammoyo daytoy ta naaramidda iti imatangyo.

Deuteronomio 18:15

Mangpatanorto iti profeta a kas kaniak nga agtaud iti Israel. Masapul nga agtulnogkayo kenkuana.