San Juan 8:44 - Ti Baro a Naimbag a Damag Biblia

⁴⁴ Annaknakayo ti Diablo nga amayo, ket kayatyo a tungpalen ti pagayatanna. Mammapatayen manipud idi damo ket pulos a dina kanunongan ti pudno, ta awan kenkuana ti pudno. No agulbod, ar-aramidenna laeng ti natural kenkuana ta sigud nga ulbod ken ama ti amin a kinaulbod.

Ti Biblia (1973)

⁴⁴ Cucuanacayo ti diablo nga amayo, ket cayatyo nga aramiden dagiti calicagum ni amayo. Isu nacapapatay nanipud idi damo, ket saan a nagtalinaed iti pudno, ta awan ti pudno kencuana. No agsao ti ulbod, saoenna ti cababalinna met laeng ta isu manangulbod ket ama ti kinaulbod.

San Juan 8:44 Iomraidhean Croise

Genesis 3:15

Pagginnuraenkayto iti babai. Saanto nga agpatingga ti panagbinnusor dagiti kaputotanyo. Rim-itento ti kaputotanna ti ulom ket kagatemto met ti mukodna.”

1 Ar-ari 22:22

‘Kasano?’ sinaludsod ti Apo. Insungbat ti espiritu, ‘Innak kadagiti profeta ni Ahab ket pagulbodek ida amin.’ Kinuna ti Apo, ‘Inka ngaruden. Agballigikanto a mangallilaw kenkuana.’”

1 Cronicas 21:1

Kayat ni Satanas a riribuken dagiti Israelita, isut' gapuna nga inallukoyna ni David a mangsensus kadagiti Israelita.

Ti Libro ni Job 1:11

Ngem padasem man nga alaen ti amin a sanikuana ta kitaem no dinakanto ilunod!”

San Mateo 12:34

Dakayo a kaputotan ti uleg, kasano ti panagsaoyo iti naimbag idinto a dakeskayo? Ta isawang ti ngiwat ti linaon ti puso.

San Mateo 13:15

Agsipud ta natangken ti ulo dagitoy a tattao, Sinullatanda dagiti lapayagda, Ken inkidemda dagiti matada, Amangan no makakita ken makangngegda, ket makaawatda, Ken amangan no agsublida kaniak, kuna ti Dios, Ket paimbagek ida.’

San Mateo 13:38

“Ti talon isu ti lubong. Ti nasayaat a bukel isuda dagiti annak ti Pagarian. Dagiti ruot isuda dagiti annak ti Managdakdakes.

San Juan 6:70

“Saankay aya a sangapulo ket dua a pinilik?” insungbat ni Jesus kadakuada. “Nupay kasta, maysa kadakayo ti diablo.”

San Juan 7:17

“Ti siasinoman a mayat nga agaramid iti pagayatan ti Dios, maammoannanto no agtaud iti Dios ti isursurok wenno agsaoak iti kabukbukodak a turay.

San Juan 8:38

Sawek dagiti impakita kaniak ni Amak, ngem dakayo, aramidenyo dagiti insuro kadakayo ni amayo.”

San Juan 8:41

Dakayo, ar-aramidenyo ti aramid ti amayo.” “Saankami a bastardo,” insungbatda. “Maymaysa ti Amami, ti Dios a mismo.”

San Juan 8:55

Saanyo nga am-ammo, ngem am-ammok. No kunak a diak am-ammo, ulbodak a kas kadakayo. Ngem am-ammok ket tungpalek ti saona.

Dagiti Aramid 13:10

sana kinuna: “Sika nga anak ti Diablo! Sika ti kabusor ti amin a kinalinteg. Nasikapka la unay. Apay a kankanayonmo a balballikugen ti kinapudno maipapan iti Apo?

Dagiti Aramid 24:9

Kimmanunong dagiti Judio iti darum ket pinaneknekanda a pudno amin dagitoy.

Dagiti Aramid 5:3

Kinuna ni Pedro, “Ananias, apay a pinaiturayanka ken ni Satanas ket inulbodmo ti Espiritu Santo babaen iti panangilemmengmo iti dadduma a naglakoam?

2 Taga-Corinto 11:3

Maamakak amangan no masabidongan ti panunotyo ket laksidenyo ti naan-anay ken nasin-aw a panagtulnogyo ken ni Cristo—kas iti pannakaallilaw ni Eva babaen iti nasikap nga uleg.

1 Pedro 5:8

Agsalukagkayo. Agsiputkayo. Agdakdakiwas ti Diablo a kabusoryo—kasla leon a ngumerngernger nga agsapsapul iti alun-onenna.

2 Pedro 2:4

Saan a kinaasian ti Dios dagiti angheles a nagbasol. Intappuakna ketdi ida idiay infierno, iti kasipngetan a lugar a nakakawaranda, a pangur-urayanda iti idadateng ti Aldaw ti Panangukom.

1 Juan 1:8

No kunatayo nga awan basoltayo iti Dios, allilawentayo ti bagitayo ket saan nga agtaeng ti kinapudno kadatayo.

1 Juan 2:21

Agsuratak ngarud kadakayo, saan a gapu ta diyo ammo ti pudno, no di ket gapu ta ammoyon ti pudno ken ammoyo pay nga awan kinaulbod nga agtaud iti pudno.

1 Juan 2:4

No adda agkuna nga am-ammona ti Dios ngem dina met tungpalen dagiti bilinna, ulbod ti kasta a tao ket saan nga agtaeng ti kinapudno kenkuana.

1 Juan 3:12

Saantayo nga agbalin a kas ken ni Cain a pinaiturayan iti Managdakdakes ket pinatayna ni Abel a kabsatna. Apay a pinatayna? Gapu ta dakes dagiti aramid ni Cain, ket nalinteg dagiti aramid ti kabsatna.

1 Juan 3:15

Mammapatay ti siasinoman a gumura iti kabsatna. Ammoyo met a ti mammapatay awan kenkuana ti biag nga agnanayon.

San Judas 1:6

Laglagipenyo dagiti angheles a di nagtalinaed iti sigud a kasasaadda, no di ket pinanawanda dagiti pagtaenganda. Impupok ti Dios ida iti kasipngetan iti baba. Agnanayon a nakawaranda agingga a dumteng ti naindaklan nga Aldaw a maukomda.

Paltiing 12:9

Naitappuak ti dakkel a dragon, daydi uleg idi ugma a managan Diablo wenno Satanas, a mangal-allilaw iti entero a lubong. Naitappuak ditoy daga agraman dagiti anghelesna.

Paltiing 13:14

Inallilawna amin a tattao nga agnanaed ditoy daga babaen kadagiti pagilasinan a naipalubos nga iparangna iti imatang ti umuna a narungsot nga animal. Imbaga ti narungsot nga animal kadagiti tattao ditoy lubong a mangaramidda iti ladawan a pammadayaw iti narungsot nga animal a nasugat iti kampilan ngem nagbiag.

Paltiing 2:10

Dika agbuteng kadagiti panagsagaba a dumtengto kenka. Denggem, suotennaka ti Diablo babaen iti panangipisokna iti sumagmamano kadakayo iti pagbaludan. Agrigatkayto iti uneg ti sangapulo nga aldaw. Agtalinaedka ngarud a mapagtalkan uray pay no isut' pakatayam ket itedkonto kenka ti biag a kas gunggona ti balligim.

Paltiing 21:8

Ngem nakabutbutengto ti pagbanagan dagiti takrot, dagiti traidor, dagiti naderrep, dagiti mammapatay, dagiti mannakikamalala, dagiti managanito, dagiti agrukbab kadagiti didiosen ken amin nga ulbod—agyandanto iti dan-aw ti gumilgil-ayab nga apuy ken asufre nga isu ti maikadua nga ipapatay.”

Paltiing 22:15

Ngem mabati iti ruar ti siudad dagiti narukop a tattao, dagiti managsalamangka, dagiti mannakikamalala, dagiti mammapatay, dagiti agdaydayaw kadagiti didiosen ken dagiti managayat ken agaramid iti kinaulbod.

Paltiing 9:11

Adda arida a mangituray kadakuada, ket isu ti anghel a mangbambantay iti nakaun-uneg a yuyeng. Abaddon ti naganna iti Hebreo, ket Apolion met iti Griego (kayatna a sawen, “Ti Mangdadael”).