San Juan 8:39 - Ti Baro a Naimbag a Damag Biblia

³⁹ “Ni Abraham ti amami,” insungbatda kenkuana. “No agpayso nga annaknakayo ni Abraham,” kinuna ni Jesus, “aramidenyo met koma dagiti inaramidna.

Ti Biblia (1973)

³⁹ Simmungbatda ket kinunada kencuana: Ti amami isu ni Abraham. Cuna cadacuada ni Jesus: No annacnacayo coma ni Abraham, dagiti aramid ni Abraham coma ti aramidenyo.

San Juan 8:39 Iomraidhean Croise

San Mateo 3:9

Diyo ipagarup a makalisikayo iti panagkunayo, ‘Uray ta amami ni Abraham.’ Ibagak kadakayo a kabaelan ti Dios a pagbalinen dagitoy a bato nga annak ni Abraham.

San Mateo 5:45

tapno agbalinkayo nga annak ni Amayo sadi langit. Ta padapada a pagraniagenna ti initna kadagiti naimbag ken kadagiti dakes a tattao. Mangted iti tudo kadagiti agaramid iti naimbag, kasta met kadagiti agaramid iti dakes.

San Juan 8:33

“Kaputotannakami ni Abraham,” insungbatda. “Ket uray kaano, awan pay nangadipen kadakami. Ania ti kayatmo a sawen a mawayawayaankaminto?”

San Juan 8:37

Ammok a kaputotannakayo ni Abraham. Nupay kasta, kayatdak a papatayen, agsipud ta diyo awaten ti pannursurok.

San Juan 8:43

Apay a diyo maawatan ti ibagbagak? Gapu ta diyo maibturan a denggen ti mensahek?

San Juan 8:56

Nagragsak ni Abraham nga amayo ta ninamnamana a makita ti aldawko; nakitana ket naragsakan.”

Taga-Roma 4:12

Isu met ti ama dagiti nakugit, saan laeng a gapu ta nakugitda, no di ket gapu ta agbibiagda iti pammati a kas iti panagbiag ni amatayo nga Abraham sakbay a nakugit.

Taga-Roma 4:16

Naibatay ngarud ti kari iti pammati tapno mapatalgedan ti kari a kas sagut ti Dios kadagiti amin a kaputotan ni Abraham. Saan laeng nga agpaay daytoy a kari kadagiti agtulnog iti Linteg, no di pay ket kadagiti mamati a kas iti panamati ni Abraham. Ta ni Abraham ti naespirituan nga amatayo amin.

Taga-Roma 9:7

Saan met nga amin nga annak ni Abraham ket annak ti Dios. Kinuna ti Dios ken ni Abraham, “Dagiti annak ni Isaac ti maibilang a kaputotam.”

Taga-Galacia 3:29

No taonakayo ni Cristo, kaputotannakayo ngarud ni Abraham, ket awatenyonto ti inkari ti Dios.

Taga-Galacia 3:7

Ngarud, masapul a bigbigenyo a dagiti addaan pammati isuda ti napaypayso a kaputotan ni Abraham.