San Juan 8:34 - Ti Baro a Naimbag a Damag Biblia

³⁴ “Ibagak ti pudno kadakayo,” kinuna ni Jesus kadakuada. “Siasinoman nga agaramid iti basol, adipen ti basol.

Ti Biblia (1973)

³⁴ Ni Jesus simmungbat cadacuada: Pudno, pudno, cunac cadacayo nga amin nga agaramid iti basol, tagabu ti basol.

San Juan 8:34 Iomraidhean Croise

1 Ar-ari 21:25

Awanen ti kas ken ni Ahab a nangipamaysa a namimpinsan a nagaramid iti dakes iti imatang ni Yahweh—babaen iti panangsugsog ni Jezebel nga asawana.

Dagiti Proverbio 5:22

Matiliw ti managdakdakes iti kinadakesna, ket ti bunga ti basolna ti mangipalab-og kenkuana.

San Mateo 5:18

Laglagipenyo a bayat ti panagpaut ti langit ken daga, dinto mapukaw ti uray maysa a tulnek wenno kabassitan a paset ti Linteg, agingga a matungpalda amin.

San Juan 3:3

“Ibagak kenka ti pudno,” kinuna ni Jesus. “Awan ti makakita iti Pagarian ti Dios malaksid no mayanak manen.”

Dagiti Aramid 8:23

Makitak a naapalka unay ken sibabaludka iti basol.”

Taga-Roma 6:12

Masapul a saanen nga agturay ti basol kadagiti narukop a bagiyo tapno diyo pabus-oyan dagiti dakes a tarigagayyo.

Taga-Roma 6:16

Awan duadua nga ammoyo a no patagabukayo, isukoyo ti bagiyo iti apoyo. No tungpalenyo ti basol, agtungpalkayto iti patay. No tungpalenyo ti Dios, mapalintegkayto iti sangoanan ti Dios.

Taga-Roma 6:6

Ammotayo a ti daan a kinataotayo nairaman ken ni Cristo a nailansa iti krus tapno madadael ti managbasol a bagi. Iti kasta, saantayo koman a paadipen iti basol.

Taga-Roma 7:14

Ammotayo a naespirituan ti Linteg. Ngem maysaak laeng a tao, ket nailakoak a kas tagabu ti basol.

Taga-Roma 7:25

Yaman pay iti Dios, ta adda ni Apotayo a Jesu-Cristo a mangisalakan kaniak! Daytoy ngarud ti kasasaadko: Ti nakemko laeng ti mabalinko a pagserbi iti linteg ti Dios, ngem ti bagik, agserbi iti linteg ti basol.

Taga-Roma 8:21

Addanto aldaw a mawayawayaan met laeng ti amin a parsua iti nakatagabuanda a panagrupsa, ket mairanuddanto iti nagloriaan a pannakawayawaya dagiti annak ti Dios.

Taga-Efeso 2:2

Sinurotyo idi ti dakes a panagbiag daytoy a lubong. Pinaiturayankayo iti naespirituan a pannakabalin ti tangatang, ti espiritu a mangituray ita kadagiti tattao a saan nga agtulnog iti Dios.

Tito 3:3

Ta maag, nasukir ken nayaw-awantayo met idi. Tinagabunatayo ti nadumaduma a kita ti tarigagay ken paggarteman. Nagbiagtayo iti dakes a panagem ken apal. Ginuradatayo dagiti sabsabali ket ginuratayo met ida.

2 Pedro 2:19

Ikarida kadakuada ti wayawaya, idinto nga adipen ida dagiti dakes a tarigagayda ta ti aniaman a mangparmek iti tao, iturayan dayta a nangparmek kenkuana.