San Juan 8:29 - Ti Baro a Naimbag a Damag Biblia

²⁹ Kaduak ti nangibaon kaniak. Saannak a binaybay-an nga agmaymaysa, agsipud ta kanayon nga aramidek ti makaparagsak kenkuana.”

Ti Biblia (1973)

²⁹ Ket ti nangibaon caniac adda caniac, saannac a binaybay-an a maymaysa, ta siac agnanayon nga aramidec dagiti macaay-ayo kencuana.

San Juan 8:29 Iomraidhean Croise

Isaias 42:1

Kuna ti Apo, “Adtoy ti adipenko nga itan-okko— ti pinilik ken ti pakaay-ayoak. Intedko ti Espirituk kenkuana ket yegnanto ti hustisia kadagiti pagilian.

Isaias 42:21

Maysa a Dios ti Apo a sigagagar a mangisalakan, isu nga intan-okna dagiti linteg ken pannursurona, ket tinarigagayan a tungpalen ida dagiti tattaona.

Isaias 42:6

“Siak, ni Yahweh, inayabanka; inikkanka iti pannakabalin tapno kitaem a maipakat ti hustisia iti daga. Sika ti pannakabagik a makitulagto kadagiti amin a tattao; pannakabagika a mangyeg iti lawag kadagiti pagilian.

San Mateo 17:5

Agsasao pay laeng ni Pedro idi adda naraniag nga ulep a nanglinong kadakuada. Adda timek a naggapu iti ulep a nagkuna, “Daytoy ti Anakko a dungdungngoek ken pakaragsakak unay. Dumngegkayo kenkuana!”

San Mateo 3:15

“Bay-am a maaramid ita daytoy tapno matungpalta ti amin a pagayatan ti Dios,” insungbat ni Jesus. Immanamong ngarud ni Juan.

San Mateo 3:17

Ket kinuna ti maysa a timek a naggapu sadi langit, “Daytoy ti dungdungngoek nga Anak a pakaragsakak unay.”

San Juan 14:31

ngem masapul a maammoan ti lubong nga ayatek ti Ama. Dayta ti gapuna nga aramidek ti amin nga ibilinna kaniak. “Ala, umaykayon ket pumanawtayo ditoy.”

San Juan 15:10

Kas iti panangtungpalko kadagiti bilbilin ni Amak ket agtaengak iti ayatna, agtalinaedkayo met iti ayatko no tungpalenyo dagiti bilbilinko.

San Juan 16:32

“Umayen ti oras, ket dimtengen. Mawarawarakayto amin. Agawidto ti tunggal maysa iti balayna ket baybay-andakton nga agmaymaysa. Ngem iti kinapudnona, saanak nga agmaymaysa agsipud ta adda kaniak ti Ama.

San Juan 17:4

Indaydayawka ditoy daga. Lineppasko ti trabaho nga intedmo nga aramidek.

San Juan 4:34

“Ti taraonko isut' panangtungpalko iti pagayatan ti nangibaon kaniak ken ti panangileppasko iti paaramidna,” kinuna ni Jesus kadakuada.

San Juan 5:30

Intuloy ni Jesus: “Awan ti maaramidko iti bukodko a pannakabalin. Mangukomak laeng kas ibaga kaniak ti Dios, isut' gapuna a nalinteg ti panangukomko, ta saan a ti pagayatak ti aramidek, no di laeng ti pagayatan ti nangibaon kaniak.

San Juan 6:38

Ta bimmabaak manipud langit tapno aramidek ti pagayatan ti nangibaon kaniak, saan a ti pagayatak.

San Juan 8:16

Ngem no mangukomak, umno ti panangukomko, ta saan a sisiak ti mangukom no di ket kaduak pay ti Ama a nangibaon kaniak.

2 Timoteo 4:17

Nupay kasta, tinulongannak ti Apo ket pinapigsanak, isu a nabalinak nga impakaammo ti sibubukel a mensahe tapno mangngeg ti amin a Hentil. Iti kasta, naisalakanak iti ngiwat ti leon.

2 Timoteo 4:22

Sapay koma ta adda ti Apo iti espiritum. Sapay koma ta adda kadakayo amin ti parabur ti Dios.

Hebreo 4:15

Maawatan ti Kangatoan a Padi nga agserserbi kadatayo ti kinakapuytayo. Kas kadatayo, napadas iti amin a kita ti sulisog ngem saan a nagbasol.

Hebreo 7:26

Ngarud, ni Jesus ti Kangatoan a Padi a makaaramid iti amin a kasapulantayo. Nasantoan, awan tulaw wenno basolna, naisina kadagiti managbasol ket naipangato sadi langit.

1 Juan 2:1

Annakko, isuratko daytoy kadakayo tapno dikayo agbasol. Ngem no adda makabasol, adda mangibabaet kadatayo iti Ama—ni Jesu-Cristo a nalinteg.

1 Juan 3:22

Ikkannatayo iti aniaman a dawatentayo, agsipud ta tungpalentayo dagiti bilbilinna ken aramidentayo ti pakaragsakanna.